ليه الناس بتمشي كده مع أن عربياتها مش كده ؟

**lost2008** · 11-01-2014 07:59 AM

المشاركة الأصلية كتبت بواسطة amrelsaqqa

اانا ع الطريق اكتر عربية بشوف اصحابها متهورين هى الفيرنا ، تقريبا كل ما العربية مستواها قل ، اللى سايقها بيحاول يثبت لنفسه ان عربيته كويسة وبيسوقها بخطورة شديدة !

مش عارف في كلام حضرتك تقصد ايه بالظبط يعنى بتتكلم على عربيات ايه !!
يعنى واحد راكب باسات وماشى على 40 ، ولا واحد راكب اوكتافيا وخبط في اللى قدامه ! ولا بي ام وماشى على 60 ع الشمال ؟
بصراحة مش متخيل الحاجات دى خالص :d

يادى الفيرنا , و الله مظلومة

**bassem.naguib** · 11-01-2014 08:27 AM

المشاركة الأصلية كتبت بواسطة amrelsaqqa

اانا ع الطريق اكتر عربية بشوف اصحابها متهورين هى الفيرنا :d

المشاركة الأصلية كتبت بواسطة lost2008

يادى الفيرنا , و الله مظلومة

مبيعرفش يوجفها .. مبيعرفش يوجفها

المشاركة الأصلية كتبت بواسطة Mamoud salah H

هو بصراحة مع احترامي لحضرتك انا مش شايف ان عييب او غلط ان الواحد في ايام المطر والبهدلة والخطورة الي بتسببها الاحوال الجويية دي علي الطرييق ان الواحد يمشي براحة حتي لو اقل من السرعة المفترضة حتي لو راكب بي ام دة كدة انا احترمه انه عامل حساب لاي موقف بسبب سوء الطريق والرؤية في نفس الوقت هو مش محتاج يثبت ان عربيته قادرة علي عمل عكس كل الي حضرتك قولت علييه ب هو عامل خسااب الطرييق والجو

المشاركة الأصلية كتبت بواسطة تامر.محمد

السخافة لما يبقى الطريق فاضي و تلاقي خمس ولا ست عربيات فارشين نفسهم فيه و ماشيين على مهلهم وماحدش عارف يعدي منهم.
باعتبرهم شويه انطاع

Sent from my GT-N7000 using Forum Runner

ولا في فرح بقى وقافلين الطريق .. ويا سلام لو أنت مستعجل .

المشاركة الأصلية كتبت بواسطة mo3tazanas

لا خايف يخيش ويدفع اد كدة ...خايف على عربيتة طبعا لان التعويرة بالشئ الفلانى

أحتمال كبير

**أحمد جودة** · 11-01-2014 08:41 AM

والله مش عارف اقول اية بس والله دة الصح لما يكون في مطر او طوارئ المفروض الناس تاخد بالها علشان لما بيحصل حادثة بنرجع نقول يا ريت واناشد السلاحف اللي خايفين على ارواحهم وممتلكاتهم يسيبو الحارة الشمال للمتهورين اللى بايعين نفسهم وعربياتهم

**SAMEH_FOUAD** · 11-01-2014 09:52 AM

هية طبعا مش بتتقاس كدة

مش معنى انى معايا عربية جامدة وماتورها قوى , امشى اتنطط بية على الخلق , طيب مانا لو عملت كدة يبقى بثبت لنفسى اية ؟؟؟ ماهو شىء منطقى انى انا اكون الافضل

ومش شرط ان معايا عربية قوية افضل اجرى عمال على بطال , بدون داعى , دة كدة يبقى اسمة جنان

وكمان فية حاجة مهمة جداا, ان اغلب السيارات المدرجة فى الموضوع بتكون قريبة للارض جداا , فطبيعى لازم صاحبها يخاف عليها , وكمان فية حاجة مهمة اوووووووووووووووى

متعة القيادة , لان اصحاب السيارات دية بيبقوا مستمتعين بيها وهما راكبينها طبعا بتكلم على فئة معينة

فانا شايف ان الموضوع عادى جداا

**metal_slime** · 11-01-2014 10:59 AM

أولا متنساش ان اسعار العربيات من 2012 وانت طالع فى زيادة عجيبة فده بيخلى صاحبها ماشى يحسس عليها ...
ثانيا انا معاك فى حكاية الآيفون ولا النوت 3 واحد بيجيب موبايل بستلاف جنيه ومبيستخدمش ربع امكانيات المعالج او الرامات ولا عارف يستخدمهم وبالمثل العربيات

ثالثا حالة الطرق فى مصر من بلاعات وحفر ومطبات عشوائية ممكن تكسر اى عربية بتخلى اللى دافع 150 الف ولا 200 الف ماش بيحسس على الطريق وانا باعذره تماما

رابعا العربيات بتاعة التمانينات والتسعينات حتى لو امكانيتها اقل بس اللى سايقها بيكون قلبه جامد حبتين

خامسا انا كنت مرة سايق بيجو 504 وشكلها مرعب من كتر ما كانت متبهدلة وكنت ماشى مالك ..مطبات ارزع ..حفر وماله ...بلاعات ميهمنيش و كانت العربيات اللى حواليا بتعملى حساب وبيوسعولى الطريق مش احتراما طبعا بس خوفا من شكلها

**aliabdo** · 11-01-2014 11:05 AM

ركوب العربيه مش كله جري و سرعه الاهم من السرعه انك توصل انت و عربيتك سلام من غير حوادث و لا خدوش
بس برضو المفروض كل واحد يراعي الحاره الى ماشي فيها

**Samir Elshahawy** · 11-01-2014 02:51 PM

المشاركة الأصلية كتبت بواسطة ahmed sa3ed

الراجل مش قصدوا المشى براحه يعنى المشى فى حدود المعقول والسلامه وكل الى مكتوب فى التقرير دا انا قلتوا لنفسى قبل كدا معايا شاهين وبمشى احسن منهم ولما يكون بعدى من نقل على سفر وقدامى عربيه لو لمسها بس هتطير وتعدى فى ثوانى ودا يفضل ماشى جنبيها ربع ساعه وانا الى معايا الشاهين بخف رجلى من على الدواسه لغايه لما البيه الى قدامى يعدى ويفتحلى طريق

شكرا لحضرتك فهمك للموضوع و للمحتوي الذي أقصده

يا جماعة الخير ..
- اللي خايف علي عربيته و عايز يمشي علي مهله يتفضل يمشي في الحارة اليمين
- اللي خايف من المطر يا أما يقعد في بيتهم أو لو أضطر ينزل يبقي يلتزم بتعليمات الامان صح يعني يشغل أنوار العربية حتي لو الظهر و يمشي علي اليمين مش يبقي ماشي من غير أنوار و بيتكلم في الموبايل و ماسك الشمال بأقل سرعة ممكنة
- اللي خايف علي عربيته مايركنهاش غلط , يعني مايركنش في ملف و لا أمام يوتيرن و لا في مدخل طريق فرعي و لايركنها في نص الشارع أو صف تاني

اللي بيحصل ده مالوش علاقة بالتنطيط و لا عدم الفهم و لكنه أستعلاء علي باقي خلق الله و تصور أنه طالما راكب عربية مرتفعة الثمن و حديثة يبقي أمتلك الشارع و الطريق و انه لاحق للأخرين طول ماهو موجود في الشارع

اللي انا عايز اقوله : أن مستوي فهم قواعد و أداب القيادة غير مرتبط بنوع السيارة أو أمكانياتها بل علي العكس بأجد أن معظم قائدي السيارات القديمة الغير حديثة أكثر فهما و وعيا لتلك القواعد و الاداب في احيان كثيرة

أما بالنسبة لمن يسأل عن أي سيارات اتحدث :
نعم اقصد بعض قائدي البي ام و المرسيدس و الباسات اللي ماشي بعربيته علي الشمال بسرعة السلحفاة حتي لو الجو كويس و الموبايل علي ودنه و مش مهتم بباقي السيارات اللي وراه و بعدين هوووووب فجأة يلاقي نفسه داخل في تريلا و يرجع يسأل العربية ماوقفتش ليه مع أنها بي أم و فيها أي بي أس

-

-

الموضوع: ليه الناس بتمشي كده مع أن عربياتها مش كده ؟

LinkBack

أدوات الموضوع

عرض

-

-

-

-

-

المواضيع المتشابهه

هي الناس بتمشي بالعرض؟؟

النهارده انا كنت ايجابي وبلغت الشرطه عن الناس الي بتمشي عكس

مهم جدآآآآآآآ للناس إللي إتسرقت عربياتها فالفترة الأخيرة

الناس الى عربياتها اتكسرت فى الاستاد

شركه صينيه تدخل عربياتها الاتحاد الاوروبى

الكلمات الدلالية لهذا الموضوع

المفضلات

المفضلات

ضوابط المشاركة