اريد مساعدة ده عيب اية

**نجم** · 11-01-2014 03:10 AM

عندى مشكلة محيرانى من كام يوم دخلت فى رصيف شمال كنت ماشى على طول و سرحت والطريق كان بلف يمين وانا كملت على طول المهم دخلت فى الرصيف العجلة خرجت من البيضة المقص وطيرت السامولة والكوبن الداخلى خرج من مكانة والعجلة خرجت بره العربية شوية كنت ماشى على سرعة عالية اتصلت بالميكانيكى جة وجاب معاه العدة رجع الكوبلن مكانة ورجع البيضة مكانها وربط كل حاجة ومشيت بالعربية مركزتش سعتها علشان كانت الدينا ليل الصبح وانا ماشى لاحظت الاتى اما اون على اى غيار واجى على 2،3 ار بى ام بحس برجة فى الماتور والفيس ولما ادوس دبرياج الرجة تروح وازود شوية واجرى على سرعة 100 وامور العربية الرجة تروح ممكن يكون الكوبن اتلوح واية الحل اسف على الاطالة اريد مساعدة ضرورى وشكرا

**amr_adel00** · 11-01-2014 04:39 AM

الحمد لله انها جت على قد كده و قدر الله و ماشاء فعل
اكشف بقى على قواعد الموتور ممكن تكون هى العامله الموضوع ده

**hilal** · 11-01-2014 06:45 AM

خايف من تاثير الخبطة على الشاسيه
وللاسف ده ممكن يخليك تغير كوبلن كل شهرين تلاتة
حاول تتاكد في مركز خدمة محترم من تاثير الخبطة على الشاسيه

**mfs3570** · 11-01-2014 09:52 AM

الكوبلن ده اتلوح عشان كده فيه رجه حضرتك هتفكه وتوديه للخراط بس الافضل تغييره ...............هوه الكوبلن بيكون فيه حاجه زي الماسوره اخرها صليبه بتركب في الفتيس ياما الصليبه باظت ياما الماسوره اتلوحت

**a_mohamedsamir** · 11-01-2014 10:19 AM

زى الأفاضل ما قالوا. غالباً المشكلة في الكوبلن أو راس الكوبلن
إكشف على الكبالن عند حد كويس

**moumen_hs** · 11-01-2014 12:45 PM

روح لحد بتاع زوايا كويس يشوف لو فى تاسير على الشاسيى هيبان معاة على الكمبيوتر لو تمام يبقى الكوبلن أو الاكس الى ماسك الكبالن أتاثر نصيحة لو حاجة من الاتنين غيرة بواحد أستيراد

**hytham_112** · 12-01-2014 11:45 AM

المشاركة الأصلية كتبت بواسطة نجم

عندى مشكلة محيرانى من كام يوم دخلت فى رصيف شمال كنت ماشى على طول و سرحت والطريق كان بلف يمين وانا كملت على طول المهم دخلت فى الرصيف العجلة خرجت من البيضة المقص وطيرت السامولة والكوبن الداخلى خرج من مكانة والعجلة خرجت بره العربية شوية كنت ماشى على سرعة عالية اتصلت بالميكانيكى جة وجاب معاه العدة رجع الكوبلن مكانة ورجع البيضة مكانها وربط كل حاجة ومشيت بالعربية مركزتش سعتها علشان كانت الدينا ليل الصبح وانا ماشى لاحظت الاتى اما اون على اى غيار واجى على 2،3 ار بى ام بحس برجة فى الماتور والفيس ولما ادوس دبرياج الرجة تروح وازود شوية واجرى على سرعة 100 وامور العربية الرجة تروح ممكن يكون الكوبن اتلوح واية الحل اسف على الاطالة اريد مساعدة ضرورى وشكرا

بما ان الميكانيكى ركب الكوبلن تانى على حسب كلامك ..... اخبار زيت الفتيس ايه زودته ولا مشيت وخلاص؟؟؟؟