الموضوع: تعمل لية لو كنت مكانى؟ صاحب العمارة غير كالون شقتى وهى فاضية وبياخد حقة مقدما

المشاركة الأصلية كتبت بواسطة tamermegahed

كويس ان ربنا كشفهولك من الاول واعتقد ان طمع فى الشقه كمان وعايز ياخدها وفعلا لازم محاضر وقله ادب مع الاشكال ده

هو فعلا طمعان فى الشقة لان فى حوار ممكن يضيف 60 متر زيادة على العمارة من ناحية شقتى فللاسف بينلى قبل كدة انه عايز الشقة واخد شقة تانية لسة بتتبنى

المشاركة الأصلية كتبت بواسطة dreamo

نصيحه غاليه اوي

روح لمحامي فوراً .. ومعاك صور من كل ورقه تخص الشقق ( عقود , مياه ,كهرباء , ايصالات )
وتكون عارف عنوان الراجل ده بالظبط ( يعني السرير اللي بينام فيه فين )

وتحكي كل شىء للمحامي .. بكل وضوح وصراحه
وتتفق انت والمحامي بقى على اللي انت ناوي تعمله مع الراجل ده ( بالقانون )

وترتب اوراقك عالاتي

1- تأديب الراجل ده على كل اللي عمله معاك ( بالقانون )
2- طريقه واسلوب قانوني لإسترداد كل ما تم صرفه وهدره على الشقق دي
3- ترك هذه الشقق تماماً .. والبعد عن الراجل ده
4- انسى قاعدات الصلح وقاعدات العرب والكلام اللي مش هيأكل عيش ده ( رجاله بشنبات بتقول الكلمه وتلحسها عادي )
5- رفض اي حل وسط يقترحه الراجل ده .. او كلمه شرف او كلمه رجوله والهلس ده كله اونطه مع النوعيه دي

ومعلش .. نصيب بقى .. بس اوعى فعلا تصعب عليك الشقق وتقول بعد اللي عمتله واتحملته
لأنك مش هترتاح فيها .. ( أسأل مجرب )

الف شكر على النصيحة الغالية

وشكرا لكل من قال رأية وساعدنى

وللاسف والدى وحماى مرضوش يخلونى اتصرف وقالولى سيب الموضوع لينا
للاسف الراجل دة طلع مالوش كبير الناس حاولت تقعد مع اى حد تبعة الكل كان بيقول ماناش دعوة بية
بس للاسف وصلوا لعمة وبعد مكان بيقول انا مش هاديلة الشقة رجع تانى وقال خلاص ...النهاردة جيت بصيت على الشقة لقيته فاتح الباب والعمال بيستخدموا الحاجة بتاعتة براحتهم.

وطبعا انا شايف اجماع من الناس المحترمة كلها ان الراجل دة لازم يتعاقب بالقانون لكن والدى وحماى شايفين ان القسم مش هايحل الموضوع

انا فعلا كلمت المحامى وقالى هو اللى هايخسر كتير

موضوع انى اسيب الشقة صعب جدا انا واخد قرض 150000 جنية من سنتين ولسة 3 سنين انا عندى مركز علاج طبيعى فى الدور الارضى لسة ناقل من المركز القديم من شهر 8 الماضى
الشقة فوق المركز فدة كان ميزة كبيرة ليا

لو سبت الشقة يبقى افكر اسيب المركز اللى لسة مشطبة وصارف علية كتير

حبيت اوضح شوية نقط واتمنى اسمع رأى الناس المحترمة كلها انا من النوع اللى بيحب الناس ومبيحبش يبقى جنب حد مش كويس فعلا

هو لو مكانك كان راح اشتكى
الى اهلة مربوهوش تربية الحكومة اعمله محضر وخلى حد من القسم ياجى معاك وتكون راشش رشة
حلوة على الامناء وهيتعلم الادب انما الطيبة دة متنفعش مع الناس دة

المشاركة الأصلية كتبت بواسطة الاستاذ

هو لو مكانك كان راح اشتكى
الى اهلة مربوهوش تربية الحكومة اعمله محضر وخلى حد من القسم ياجى معاك وتكون راشش رشة
حلوة على الامناء وهيتعلم الادب انما الطيبة دة متنفعش مع الناس دة

ا
للاسف ياباشا اهلى كلهم بيقولوا حق الجار ومعلش وهاتبقوا جيران
بيقولولى اصبر فانا دمى محروق ومش قادر اكسر كلام اهلى

المشاركة الأصلية كتبت بواسطة dedi

كدة ما بيدك حيلة لا بد من الانتظار فى المكان وربنا يعينك علية بس كلم عمة هو فى حالة بعيد عنك وفهمة انة ممكن تتصرف معاة بس راعيت الجيرة و الكلام دة وانك باقى على العشرة والجيرة وانك ممكن تتعب قلبة فى حط الايجار او الاقساط فى المحكمة

تقريبا وجهة نظر حضرتك هى الاقرب للتحقيق بسبب اهلى اللى ربونى على حق الجار والصبر على البلاء ربنا يسترها علينا كلنا