تقرير مبدئى عن كاوتش Federal ss657

ده اول كاوتش اغيره بعد الفابريكا , العربية فيرنا 2009 كانت نازلة بكاوتش لاسا ميراتا و طبعا بعد 5 سنين الكاوتش كان نشف و شقق و ادائه مع الفرامل بقه سىء جدا اكتر من الاول, المهم بعد لف كتير استقريت على الفيديرال خصوصا المواصفات كانت معقولة traction A & temprature A , TREADWEAR 420 , مشيت عليه لحد دلوقتى 2000 كيلو و اكتر حاجة لاحظتها ادائه فى الفرامل احسن كتير من الاسا , اللاسا الحقيقة كاوتش بيستحمل بس فى الفرامل بيزحف جامد من ساعة مجبت العربية زيرو , لكن الفيدرال هايل فى الفرامل و حسيت بفرق كبير فى الاداء و التماسك لكنه ناشف زى الاسا فى المطبات و ده لينك موديل الكاوتش
http://www.federaltire.com/en/produc...s_detail_sn=14

الفردة ب350 جنيه

شكرا ليك على نقلك تجربتك مع هذا الإطار.
يا ترى ايه هو مقاس إطار عربيتك ؟
و إيه إنطباعك عنه دلوقتي بعد أكتر من شهر من استخدامه من حيث:
1- الصوت ؟
2- الثبات على الطرق المستقيمة ؟
3- الثبات على المنحنيات ؟
4- مع استخدام الفرامل ( مسافة الفرملة و الصوت ) ؟
5- الراحة (يعني طري ولا ناشف) ؟
6- استهلاك البنزين (هل وجدت فرق للأحسن أم للأسوأ) ؟
7- هل بيسبب حدفة في العربية مع الطوالي أم لا ؟

اقتباس:

---

المشاركة الأصلية كتبت بواسطة yahia_zakareya

شكرا ليك على نقلك تجربتك مع هذا الإطار.
يا ترى ايه هو مقاس إطار عربيتك ؟
175/70/13
و إيه إنطباعك عنه دلوقتي بعد أكتر من شهر من استخدامه من حيث:
1- الصوت ؟
اقل من كاوتش الاسا بتاع الفابريقة بس مش بشكل كبير
2- الثبات على الطرق المستقيمة ؟
جيد جدا
3- الثبات على المنحنيات ؟
احسن كتير من الاولانى
4- مع استخدام الفرامل ( مسافة الفرملة و الصوت ) ؟
فرق كبير و ملحوظ و كفائة الفرملة اتحسنت كتير
5- الراحة (يعني طري ولا ناشف) ؟
يميل الى النشوفية
6- استهلاك البنزين (هل وجدت فرق للأحسن أم للأسوأ) ؟
نفس الاستهلاك
7- هل بيسبب حدفة في العربية مع الطوالي أم لا ؟
ﻻ يوجد حدفة بشرط ظبط الزواية

---

اقتباس:

---

المشاركة الأصلية كتبت بواسطة lost2008

---

شكرا ليك على سرعة ردك و اهتمامك بالرد .
أنا لسه قاري الرد دلوقتي و مبروك على الإطار و إن كانت متأخرة و الحمد لله إن أداؤه في الفرامل عجبك و حصل تحسن في سيارتك عموما بعد ما ركبته .

اقتباس:

---

المشاركة الأصلية كتبت بواسطة yahia_zakareya

شكرا ليك على سرعة ردك و اهتمامك بالرد .
أنا لسه قاري الرد دلوقتي و مبروك على الإطار و إن كانت متأخرة و الحمد لله إن أداؤه في الفرامل عجبك و حصل تحسن في سيارتك عموما بعد ما ركبته .

---

ربنا يخليك , موضوع الفرامل ده كان عاملى عقدة

مبروك الاكوتش والفيدرال ممتاز على فكره انا مركب عندي بس federal formoza fd1 silnce
http://www.federaltire.com/en/produc...s_detail_sn=12
مقاس 195 55 15 وطبعا مفيش مقارنه بينه وبين كاوتش الفيرنا بس فعلا هوناشف شويه ومع الوقت بينشف اكتر انا مركبه من 3سنين عامل به 40 الف تقريبا ولسح حالته كويسه كنت عند بريدجستون وقالي الكاوتش لسه كويس