-
معروض عليا بولو 95
معروض عليا بولو 95 ن غير تكيف على 35 وممكن تخلص على 32 ايه رايكم و ما هى العيوب المشهوره فى البولو متهياقلى انها كارباتير لانها 1300 سى سى و لا ايه مش صح كدة يعنى يمشى معاها بنزين 80 و المفروض فيها باور اعرف اذى و كان فى موضوع عن قراءة رقم الشاسيه فهل هو فى صدر العربيه و لا مستخبى يعنى على لوحه معدن و لا لازم يتشف على ورقه انا هشوفها يوم الجمعه و هشوف لو صاحبها يوافق اعرضها على هريسه يقولى رايه فيها و ايه عيوبها لانى من اسكندريه على العموم لو حد ممكن ينصحنى باى معلومه اكون شاكر جدا
-
على 35 معقول لو عربية نضيفة بس طبعا لو نزلت يبقى خير و بركة.
العربية فيها كاربيراتير كهرباء على كونترول يونيت فا مش افضل حاجة ال80, اقل حاجة ال90 و هتلاقى ان ال92 عامل معاك شغل كويس جدا بس بلاش 80.
تعرف فيها باور ولا لا, بانك تدور العربية و تحاول تمسر الدركسيون يمين او شمال, لو لاقيتة خفيف يبقى فية باور و لو تقيل يبقى مفيش. و ممكن فى الحوض بردة هتلاقى خزن صغيرة لزيت الباور.
انا على حد علمى الموديل دة مكانش نازل مصر بالباور, و لكن الله اعلم.
رقم الشاسية فى صدر العربية علاطول تحت المساحات و سهل انك تقراة.
هى على العموم عربية زى الفل و هتعجبك لو نضيفة.
-
ابيزا قال الكلام كله مافيش كلام بعديه
-
الف مليون شكرا ابيزا باشا و ربنا يخليك لينا و ميحرمناش منك و يجعل تعبك معانا فى ميزان حسناتك
-
ابقى قولنا عملت اية يا باشا و ربنا يوفقك
-
لو مافيهاش باور وتكييف و موديل 95 يبأا 32 أو 30 ألف عشان مش هتستحملها كتير وهتبيعها بصعوبة ولو ركبتلها باور وتكييف هتكلفك ومش هتجيب 35 حتى بعد ما تركبهم..
هات واحده 98 أو 99 تكييف وباور والفرق يستاهل ممكن من أول 38ألف
-
معليش يا جماعه اتاخرت فى الرد عليكم الخلاصه العربيه طلعت شوربا كل ما اتفق معاه على معاد للمعاينه يقول رمضان و دخلت العيد الخ الخلاصه كلمنى ليلة الوقفه و ظهر الاتى
ظهر انه تاجر و العربيه بتفويض مفيهاش باور و الازاز كهرباء مش فابريكه و محفر فى التبلوه و طلع عين العربية
لونها الاساسى اخضر و الدواخل اما الخارج طبقة اسود رقيقه لمجرد تغير اللون
الماتور صوته غريب جدا جدا و بيقطع و كذا مرة اقوله سيبها دايره و ابص على اى حاجه فى العربيه الاقيه يبطلها و لما صممت تفضل دايره لاقتها بتبطل وحدها و تقطع
الخلاصه هى علشان البيع التجارى بالنصب كل اللى فيها طبقه تخلى لونها اسود + كاسيت سى دى +سماعتين و فى نصهم بازوكا اللى بيقولوا عليها +فرش جلد جديد +جنوط محترمه بس كدا
-
قطع الغيار مرتفعة شوية بس العربية زى الفل توكل على الله
ومبروك مقدما
Content Relevant URLs by
vBSEO 3.6.0 PL2