انا معايا حوالي 90 الف وعايز اجيب 301 هاي لاين تقسيط اسلامي
محتار بين البركة وابوظبي و كنتكت .... لوحد يعرف اي تفاصيل او ليه تجربه يفدني بيها
وشكرا
عرض للطباعة
انا معايا حوالي 90 الف وعايز اجيب 301 هاي لاين تقسيط اسلامي
محتار بين البركة وابوظبي و كنتكت .... لوحد يعرف اي تفاصيل او ليه تجربه يفدني بيها
وشكرا
متابع
واحد صاحبي مقسط من بنك فيصل الاسلامي وبيقلي التقسيط اسلامي و مفيش حظر بيع ودة من شروط التعامل الاسلامي
انا رأيي برضو ان كلها شعارات و كل المعاملات التجارية بتاعتنا فى زمننا الحاضر يشوبها الربا من اكتر من وجه ... النظام المالي كله قائم على معاملات فيها اطراف بتاخد اموال مش حقها و اطراف مجبرة او بينضحك عليها و ما بتكسبش اموال المفروض هي حقها.
الربا مش مجرد نسبة فايدة على اصل رأس المال. الربا ليها اوجه كتير
تبادل سلعتين منغير وسيط تبادل متعارف عليه (عملة) يشوبه الربا
بخس قيمة الأشياء المملوكة للآخرين يشوبه الربا
الحكومة لما تطبع فلوس من غير غطاء نقدي ... يشوبه الربا من وجهين
النصب على الناس فى وزن الأشياء ... يشوبه الربا
القاعدة العامة ... ان يحوز الشخص مال ليس من حقه
في حالة الفوايد ... لأنه جهد شخص آخر
فى حالة تبادل سلعتين من غير وسيط تبادل متعارف عليه (عملة) ممكن واحد ياخد اكتر من حقه
بخس قيمة الأشياء المملوكة للآخرين ... حصل على قيمة اعلى بتمن اقل و دي مش نصاحة ... ده حق الراجل اللي باعله. و خصوصا لو باع مضطر او جاهل بقيمة الشئ الحقيقية.
و صور تانية كتير
الامثلة اللي ذكرتها عليها خلاف فقهي ... و مش رأي فقهي لمذهب بعينه
لأن اصلا مفيش مذاهب في الدين
مش معني اني مثلا على المذهب الفلاني اني اخد بكل ما قال فى احكام امر ما. لأني ممكن اكون مقتنع بالعقيدة من المذهب ده ... و الاحكام في شأن ما من مذهب آخر
في الاخر انا اللي هتحاسب مش المذهب ولا الشيخ
ولا يجوز لي اني احلل لنفسي
انا جايب العربية قسط و عارف ان ده غلط ... و مش تقسيط اسلامي علشان مقتنع انه ضحك على الدقون
__________________________________
الخلاصة انا شايف ان كل التقسيط و كل معاملاتنا المالية في الطراوة ... بعيدة عن الحق و هو ده المقصد من كلمة ربا ...
و مش معني كده ان خلاص بقي اعمل اللي انا عايزه
انا علطان ...
و لو انت شايف ان القسط مش صح
ما تسعاش لرأي فقهي يعديلك المسألة لإنك هتفضل من جواك عارف انها مش صح
و في الآخر ربنا سبحانه و تعالى أعلم و لعلي مخطئ
اسف على الاطالة
بس موضوعك لمس وتر حساس
هية البنوك الاسلامية بتاخد فوايد على التقسيط ؟
اه بتاخد فوايد زى اى بنك الفرق انهم بيقولوا ان السيارة البنك بيشتريها الأول قبل مايبعها وده الى بيخلىها قرض اسلامى . معا ان البنك بيطلب من العميل هوه الى يجيبله عرض سعر من المعرض الأول يعنى العربية فى الأصل لايملكها ومن غير الخوض فى تفاصيل كتيره انا بستفتى قلبى فى الأمور الشائكه دى وحاسس انها ذى باقى البنوك مع اختلاف المسميات للكلام
كلها شعارات عشان الناس تقولك ده اسلامى
التقسيط لازم يبقى ذى القرض الحسن فى السعوديه بدون فوايد
اى حاجه عليها فايده ثابته معروفه بتبقى ربا
الاحسن اصبر لما تكمل فلوسك او خش جميعه بمبلغ القرض وكمل ثمن العربيه
90 الف من مبلغ العربيه الاصلى مش قليل
حتى على الاقل يكون حال البلد بقا احسن وانته واولادك اولى بفرق الفلوس وخصوصا ان القرض الشخصى فايدتة اقل من قرض السيارة لان قرض السيارة الفائده بتوصل 13%
انما القرض الشخصى متناقص
من 8 الى 10 اقصى شى
في الحقيقة ياجماعه أنا حاولت افهم فقه الربا بس معرفتش وأنا ناوي اني مش هتعامل بالربا حتى لو مش هشتري العربي اللي في بالي
انا رحت سالت شيخ قالي لو المكان اللي هتقسط معاه ليه هيءه شرعية ليرجعلها ومحدش شاف في معاملاته منكر فتوكل على الله
معرض المجد فيه تقسيط اسلامى بمعنى كلمة اسلامى كما قرات الفتوى فى موقع اسلام واى
أقول ايه ما احنا دينا مخطوف علي ايدهم مجموعة من البشر بنسميهم شيوخ وعلماء ...
قالك لو ليهم هيئة شرعية و محدش شايف في معاملتهم منكر :36_1_1[1]:
لا فعلاً تأصيل ممتاز للحكم الفقهي :36_1_50[1]:
الموضوع مش كيمياء ... ولا هو بينشرح بمعدلات ميكانيكا الكم و بيتكلم عن 11 بعد !
هقولك حاجة ... ما تغمضش عينك و تمشي ورا شيخ مهما يكون اسمه ايه. مش هيتحاسب عنك
لو افتاك ... لازم تعرف التأصيل الفقهي للفتوى
و زي ما الشباب قالوا ... كل البنوك بتاخد فوايد بنسبة ثابتة و هنا الربا
_______________________
تصدق بإيه ... حتى لو البنك مش هياخد هيبقي فيها نسبة ربا علشان قيمة الفلوس اللي هتاخدها النهاردة منه هتبقي اعلي بكتير من اللي هتردها علشان التضخم
لما بستلف فلوس من شخص بنقدر قيمتها بالدهب ... و بترجعله بنفس القيمة بالدهب في اي زمن لاحق لأنه بيحتفظ بالقيمة بشكل اكبر و ادق.
_______________________
الخلاصة ... مش عايز ربا انسى قروض البنوك
اسف و ما تزعلش مني ان كانت طريقتي فيها شئ من الحدة او يضايق
بس الشيوخ بيجننوني بطريقتهم ...
دينا اتخطف من قرون :majd(4):
و انسي اللي انا قولته ... دور بنفسك و اقرا بنفسك ... حكم عقلك ... الموضوع يستاهل تعب البحث
صحة الحكم ليست بمقام القاضي ولا عدد من اقتنع بحكمه.
انظر إلى الفتاوى الدينية هل يتحدث الناس فى الفتاوى عن التأصيل أم عن المفتي وعدد أتباعه؟!
البحث في مسألة يعني اني ابحث أغلب الأراء الفقهية في المسألة دي و تأصيل كل واحدة خصوصا المختلف و حتى كمان المتعارض منها مع بعضها علشان بيردوا على بعض.
في الاخر هتلاقي نفسك عصرت المسألةو فهمت من أين تؤكل الكتف
انما اسلم دماغي لشخص واحد دي او مذهب واحد ... ده انتحار فى زمنا ده
احب اعلق علي الموضوع في بعض النقاط سريعا
1- مفيش في السعودية قرض اسمه قرض حسن الا في الجمعيات الخيرية ودي بتبقي ليها شروط
2- في السعودية بيدخلك سلعة وسيطة مقابل المبلغ الي انت هتاخده , فلو عايز السلعة واتصر فيها انت بمعرفتك هيقولك تخدها منين
3- في البنوك السعودية برده بتاخد فوائد علي القروض سواء قرض شخصي او قرض سيارة
4- دار الافتاء المصري اصدر فتوي بخصوص الموضوع ده وخصوصا ما يتعلق بالسيارة
ده لينك الفتوي , واعتقد ان دار الافتاء اعلي درجة للفتوي في مصر
الفتاوى - حكم شراء السيارات عن طريق توسط البنك
اتمني اني اكون وضحت بعض النقاط
تحياتي
يا أستاذ maxx انا اعتقد ان انا مش فرض عليا اني ادرس فقه المعاملات المالية علشان اراجع ورى الشيوخ تأصيل فتواهم, أومال ربنا قال "فاسألوا أهل الذكر إن كنتم لا تعلمون" ليه؟
أنا معاك ان العلماء اللي فاهمين بجد قليلين دلوقتي بس الواحد بيعمل اللي عليه و بيسأل اللي يحسبهم على خير
الآية اللى حضرتك ذكرتها من اكتر الآيات اللى الشيوخ و الناس بيستخدموها علشان يوصلوا للناس ان الدين ده بتاعنا احنا، انتوا تسمعوا الكلام. ليه مش مهم
اقرا سياق الايتين كويس .... اهل الذكر هنا المقصود بيها اهل الكتاب مش العلماء و الشيوخ
بس هو لازم يوصلنا ان الدين فيه كهنوت بشكل غير مباشر ... الجملة الشهيرة حطها فى رقبة عالم و اطلع سالم
ولا سالم ولا يقربله لان اللي قرر انه يعملها بالطريقة دي قرر يركن الي عقل غيره فماذا إن أضله؟
دينا مش دين اتباع على المغمض لإن ربنا حذرنا من الشيطان و قدرته على تلبيس الأمور
و الآيات اللي بتتكلم عن الناس اللي هتتبع ناس تانية و كل طرف يختصم من الآخر مش قليلة في القرآن
ابحث في القرآن عن الجذر "تبع" و اقرا الايات في سياقها
و حضرتك اللى بتدور على الحق لازم تبذل مجهود عليه
على كل حال ... انا اسف على طريقتي ... اللي قولته ده تفكيري و فهمي و يمكن اكون غلط و مش كل الناس بتفكر زي بعضها
الاختلاف سنة الله سبحانه وتعالى في أرضه
ما اقصدش ليك غير الخير و ربنا سبحانه و تعالى شاهد
ربنا يوفقك
على فكرة كلام حضرتك صح فى جزء ومش صح فى جزء اخر متزعلش منى . بمعنى ان الأنسان المفروض يدور على الحق والصح وانه يشغل عقله فى كل الأمور ده صح . ولكن الرجوع للعلماء فى أمور الدين ده واجب مش قصدى اتباعه والأنسان أعمى ولكن العلماء يدرسون امور كثيرة فى الدين مش زينا لإن كل حياتهم وعمرهم بيقضوه فى استسقاء المعلومات. واغلب الناس بتدرس علوم اخرى بيكونوا شطرين فى دراستهم فقط لإنهم درسوا فترات طويلة. معلش انا طولت بس ملخص الكلام ان الأنسان لزم يشغل عقله وكمان لزم يسمع لرأى العلماء وإن اختلف العلماء فى الرأى أستفتى قلبك
حضرتك انا مش زعلان لأن انا اكيد في في كلامي حاجات غلط ... بشر و الكمال لله وحده
و اولها ان طريقتي وصلت لحضرتك حاجة انا ما قصدتهاش ... و حاجات تانية اكيد عقلي ما قدرش يتعامل معاها صح
انا عمري ما قصدت اننا ما نسمعش لرأي العلماء ... الطبيعي لما بنمرض اننا نسأل الطبيب لأن اكتر واحد اشتغل على الموضوع ده فهو الأكثر خبرة بيه
بس بسبب ان الدكاترة عندنا شمال :fun_36_3_4[1]: الواحد بيحتاج يراجع اكتر من طبيب
و لإن بفضل الله دين ربنا مش بتعقيد الطب ... بعد ما بتقرا شوية هنا و شوية هنا و تسمع من الشيخ ده التأصيل الفقهي و بتفعم منه و من الشيخ التاني و التالت و الرابع (انا اصلي بحب ادور خصوصا لو الموضوع متعلق بالدين) بتلاقي نفسك فهمت الموضوع كله لأن ربنا منزل دينه للناس تفهمه
"ولقد يسرنا القرآن للذكر فهل من مدكر" سورة القمر
الركون لمصدر واحد فى الأحكام أو غيرها من أمور الدين ده اللي مش صح فى عصرنا ... ولما تلاقي اختلاف هتلاقي نفسك اوتوماتيك عايز ترسي على بر
احنا صعب علينا ندور من تلقاء نفسنا. معندناش المصادر اصلاً ... بس لما بتسمع للأراء الفقهية المختلفة و تأصيلها بتبقي عرفت هتدور فين. و ايه الآيات و الأحاديث اللي اتبنت عليها كل الأحكام المختلفة و ليه.
ساعتها بتقدر قلبك يقدر يختار عن حق
انما قلبي يختار من غير علم او نص معلومة ... يبقي ممكن يلبسني في الحيطة
ادور على قد ما قدرت ... و اغلط ممكن برضو
بس ابقي استهلكت السبل و الوسائل اللي ربنا سبحانه و تعالى اتاحها ليا
ربي اغفر لي فهذا كل ما لدي
______________________
برضو طولت فى الكلام :mahf(5): بس اتمنى تكون فكرتي وصلت بشكل اقرب لما هي عليه فى الشئ اللي يطلق عليه دماغي
موضوع ان حضرتك عاوز تعرف تقسيط اسلامي اظن ان ده مش مكان خاص بالسؤال ده
ولان انا تعبت جا زي ما حضرتك تعبان كده ونفسك ما تقعش في الغلط
وربنا يجزيك كل خير علي سعيك ورا الحلال
فالحل الوحيد انك تبحث علي اليوتيوب علي الفتاوي الخاصه بتقسيط السيارات وده ما اكثره
وتمشي مع رأي المشايخ اللي تحسبه علي خير فيها
لو انت عندك. امكانيه انك تخش جمعيه وتكمل ٣٥ الف اللي نقصينك يبقي خير وبركه وريحت نفسك من السؤال
اما بخصوص العربيه نفسها٣۰١
فهي ما شاء الله برأي كل الناس جيده جدا
وهاتنافس في المستقبل ان شاء الله
وما تنساش استخارة ربنا قبل اي شئ