عرض للطباعة
السلام عليكم ورحمة الله وبركاته
محتار جداً فى شراء سياره بحدود 40 الف
فمحتار بين الإسبييرانزا و الفيرنا
أنا شغلى خفيف يعنى بمشى بالعربيه حوالى 30 كيلو بالكتير وكل كام 6 شهور بسافر 500 كيلو
عاوز عربيه تريحنى مش أصرف عليها كتير يعنى تكون فطع غيار متوفره وعيوبها محلوله بمصاريف بسيطه
ولكم جزيل الشكر على أحسن صرح تجمع لمحبى السيارات
فيرنا بالتاكيد
حجتها كثيرة ومتوفرة ويكفى انها كورى مش صينى مهما كانت الماتور فى الصينى يبانى وخلافه بس فى الاخر صينى
الفيرنا كوري
طيب
الفيرنا لاتقارن بال 516
ال516 اعلي من الفيرنا بمراحل
جوده متانه اتساع قوه اوبشن
مفيش مقارنه اصلا
لكن الفيرنا ابسط في صيانتها عن ال 516 اي حد يشتغل فيها
خلاف اسبرانزا ليها ورشها وميكانيكتها المختصون
لذلك الفيرنا افضل لطلبك
شكرا أخوانى هيثم & هوجان
انا مرتامح لل 516 جدا جداً وإن شاء الله هاجيب واحده مستعمله بحالتها 2008 أو 2007
إنما لو جيبت فيرنا هاتبقى 2003
فأيهم سيكون معمر عن التانى
وهل إختلاف الصيانات مضاعف أخى هوجان ولا فروقات بسيطه
يعنى من حيث غيار الزيت + المساعدين لاقدر الله لما يكسرو + المرايات - التكيف الحاجات العامه فى كل السيارات
والصيانات الدوريه بتبقى كل أد إيه للإسبيرانزا و إيه اللى بيحصل بالظبط وبتتكلف أد إيه
لانى الصراحه عضم الإسبيرانز ووزنها أحسن من الفيرنا وسعرها كماان
بس عايز اعرف الحاجات دى
في الحالة بتاعة حضرتك بفضل الفيرنا بس تزود المبلغ لان المبلغ الي معاك يجبلك 516 حالة كويسة و موديل قريب انما للفيرنا هتجبهالك موديل 2005 و اقل عشان كدة رايي توصل المبلغ ل 50 الف افضل
لو لقيت حاله نضيفهاقتباس:
المشاركة الأصلية كتبت بواسطة ahmedo0o
اكيد انت الكسبان عامه اوعي تشتري عربيه حالتها تعبانه
الافضل طبعا فابريقه بالكامل
كيلو متر قليل
يعني العربيه تكون بخيرها
اما فروقات الصاينه
قطع غيار ال516 تعتبر ببلاش
مفيش غير بند الكاتينه هو الل مرتفع شويه
كل 40 الف كيلو حوالي 800 جنيه للقطع الاصليه
المساعدين المونرو امامي 600
خلفي 550 للجوز
التكييف باجماع ممتاز في اشد ايام الصيف حراره
فلاتر
زيت 25 بنزين 25 هواء 40 تكييف 40
تيل امامي خلفي 70 /80
طنابير امامي اوبترا 250
خلفي 225
راس كوبن 200
فوانيس 100 جنيه
عامه عربيه شعبيه في المتناول
لكن لكن
مش اي حد يشتغل فيها هي دي نقطه الفيصل والاهم
الاسبرانز ليها الميكانيكي المختص بيها
منتشرين بكثره جدا
خلاف الفيرنا اي ميكانيكي يشتغل فيها
اهم ما يميز الفيرنا:
الفيرنا ................. اسرع اعادة بيع
الفيرنا ................. تكييف ممتاز (او اكثر)
الفيرنا ................. سحب وتسارع ممتاز
الفيرنا ................. استهلاك بنزين جيد جدا
اهم عيوب الفيرنا :
الفيرنا ...... ضيقه جدا فى الجلوس
الفيرنا ...... فرامل سيئة جدا
الفيرنا ...... خفيفه لدرجة انها بتعوم وبتقلب بسهوله
الفيرنا ...... لايوجد بها امكانيات مقابل المبلغ المدفوع فيها
الفيرنا ...... توكيلها سئ
اهم ما يميز ال516:
516 ................... واسعه جدا (امامي-خلفي)
516 ................... اعلي امكانيات
516 ................... قويه جدا (عن تجربه,دخلت فى اوتوبيس)
516 ................... فرامل جيده جدا
اهم عيوب 516:
516 ..... استهلاك بنزين عالي نسبيا
516 ..... السحب فى الطلعات الاولي بطئ بسبيا
516 ..... اعادة البيع ليست بالجيده
516 ..... التكييف متوسط
دمت فى امان الله
فيرنا كرأي