انا معايا ٨٥ الف و عايز اشترى امجراند او بروتون ساجا اوتوماتيك
بس ولاد الحلال نصحونى و قالو لا تجيب دى ولا دى و اشترى bmw 318 1999
حاجة عضمها ناشف و اوتوماتيك و تتحمل معاك
ارجو النصيحة من اهل الخبرة لان انا محتار بين الثلاث اختيارات
عرض للطباعة
انا معايا ٨٥ الف و عايز اشترى امجراند او بروتون ساجا اوتوماتيك
بس ولاد الحلال نصحونى و قالو لا تجيب دى ولا دى و اشترى bmw 318 1999
حاجة عضمها ناشف و اوتوماتيك و تتحمل معاك
ارجو النصيحة من اهل الخبرة لان انا محتار بين الثلاث اختيارات
طبعا محدش يقدر يتكلم عن ال bmw بس هتلاقيها فين بحالة ممتازة و عداد قليل وكمان هتدفع 85 الف في عربية موديل 1999 !!!
طبعا حاجة غير مقبولة + ان اي اعطال لاقدر الله هتقابلك هتشيلها انت بحكم ان العربية مستعملة انما الجديد هيكون معاك ضمان مغطيك 5 سنين لو حصل حاجة لاقدر الله ...
المقارنة هتكون بين الامجراند وبين الساجا
الامجراند تتفوق في كل حاجة عدا نقطة ناقل الحركة المانيوال دي تتميز بية الساجا عشان اوتوماتيك ومريحة غير كدة كعربية و انتشار و اسعار قطع غيار و اعادة بيع و شكل و اوبشن و ثبات و امان الامجراند تتفوق من حيث كل حاجة و للحق عيب الامجراند التقفيل المصري الي بيخلي فيها بعض عيوب التقفيل ممكن حاجة تقابلك وممكن لا انت ونصيبك و الافضل تشتري العربية من موزع معتمد او التوكيل و تعاين العربية كويس جدا قبل الاستلام و متنساش الاستخارة و موفق في الشراء باذن الله
كان فية مثل بيقول سيات زيرو و لا مرسيدس مستعمل يعنى المستعمل اعطال و قطع غيار ووقفة عند ميكانيكى و كهربائى .............. كان واحد صاحبى معاة بى ام دبليو نفس الموديل من 5 سنين تقريبا قال انة غير حاجة فبر يس موش فاكر هى اية بس فاكر سعرها انة غيرها ب9000 جنية و كان بيقول لو لقيتها فى الشارع موش ها تاخذها لانها لا تساوى حاجة بس انا ما اعرف اسعار قطع الغيار اية حاليا بس المستعمل لا
الايمي راي افضل اختيار
البروتون ساجا مع أخويا من الزيرو 2010 لغاية النهارده عامله حوالي 120000 كيلو بدون أي مشاكل إطللقا.. أنا ماأعرفش الأمجراند وماجربتهاش لكن الساجا من العربيات المستورده اللي مالهاش عيوب تذكر ف مصر عن تجربه .
عزيزي
ادخل قسم ال ام جراند وشوف شكاوي ملاكها
شكاوي من التكييف
شكاوي من الفتيس
شكاوي تقفيل
شكاوي صدأ في الابواب من الداخل ( من بعض الاعضاء )
شكاوي من استهلاك عالي نسبيا في البنزين
اما الساجا الشكوي الوحيده ان استهلاك البنزين اعلي نسبيا من موتور 1300
انا معاكو ان فى شكاوى من امجراند بس بعض الناس مش كلهم
فى ناس تانية راضية عن اداء العربية و مبسوطة و الحقيقة شكلها التحفة بيغرى
بس محتاج اراء فيها تقنية عن كدة لان مش كل يوم هنشترى عربية
و دى اول مرة اشترى عربية و بصراحة ميال اكتر لل bmw
بس خايف من قطع الغيار و البنزين
ارجو من الخبراء المساعدة فى الاختيار
نصيحه لو مش مقتنع بالامجراند ماتشتريهاش عشان لو حصلك مشكله معاها لا قدر الله هتقول ياريت ماكنتش اشتريتها