تغير عفشة أمامى سيراتو 2010

**hemo007** · 11-01-2014 04:42 PM

السلام عليكم و رحمة الله.
أخوانى الأعزاء ..أنا حصل ليا حادثة و أنا راجع من اسكندرية على الصحراوى . الحمد لله على كل شىء . وصف الحادثة عربية نص نقل قطعت الطريق . و خبطتنى فى الجانب الخلفى . الخبطة أدت لمشكلة فى الجنط و بعض الخباطات فى الباب و الرفرف . المهم أنا مأمن فى شركة تأمين و رحت التوكيل أعمل مقايسة . العربية بعد الحادثة بسمع فيها صوت ور جامد و الصوت بيبقى واضح أو بين 90 و 100 كيلو.
المهم المقايسة طلع فيها حاجة أسمها دونجل خلفى فيه نص سم . و شركة التأمين رفضت تتحمله و تمنه يعدى 2000 جنيه...فأنا عاوز أعرف هل الدونجل ليه علاج أو تصليح و لا ممكن أسيبه كده.
سؤال تانى . بتاع التوكيل بيقولى لازم نغير المقصات و المساعدين قدام و كمان الجنوط فيها رفة...و قلى ده بسبب الأهلاك و طبعا التأمين مش هيتحمل...أنا مش عارف التوكيل بيشتغلنى و لا أيه.
و كمان علشان أغير الحاجات دى فى التوكيل هتعدى 5000 جنيه.
فهل فى حد أقدر أكشف عنده على العفشة غير التوكيل . و كمان هل فيه مساعدين يابانى أو مقصات بتبقى أفضل من الكورى . و نقدر نشتريها منين و تمنها كام..
و السلام عليكم و رحمة الله و بركاته

**amgomaa** · 11-01-2014 06:12 PM

اللى إقدر اجاوبك عليه الدونجل عن تجربه سابقه بس مش سيراتو مهمإ حاولت تستعدله مش هيرجع زى ما كام فحاول تجيبه استيراد نضيف وهو لو اتساب وانتا بتمشى على سرعات 100 او اكتر هياثر على ثبات العربية جامد والف سلامه

**blazer** · 11-01-2014 06:37 PM

اولا استفسر من حد فى بيفهم فى التامين
ثانيا لفيه عفشجى ممتاز فى الحرفين اسمه سعيد
لو عاوز ابعتلك رقمه

**Deshahcoka** · 11-01-2014 06:54 PM

التوكيل نصاب في موضوع تغير المساعدين و الكلام ده عشان المساعدين مش متبقى محتاجه الا لو انتا مطلع عينها و ده بيبان عند العفشجي لما يفك او بيحسها من العربية لو خبره

الجنوط طبيعي الرفه بتتصلح عند حط بتاع جنوط و ديه بتحصل من الحفر الي بتاخدها

الدونجل فعلا مبيجيش الا حتا واحدو غالي لو التامين مرضاش يصلحه و غالبه الوره ديه من الجنط المعوج ورا صلح الجنوط و بعدين شوف لسه الوره موجوده ولا لا لو اختفت كبر دماغك لو لسه حتطر تجيب الدونجل استيراد !

ربنا معاك و يهون عليك

**hemo007** · 11-01-2014 07:25 PM

ألف شكر جدا للردود بتاعتكم
أنا عاوز أنبه أن صوت ألوره ده بيطلع من الجزء الأمامى و بتاع التوكيل بيقول أن الجنوط اللى قدام معوجه . بس أنا حاسس أنه بيشتغلنى لان الصوت ده جه بعد الحادثة مباشرة .
الحاجة التانيه أنا عاوز أعرف مركز صيانة يكون أمين و كويس أكشف على موضوع المقاصات و المساعدين. و ايه المكان اللى نقدر نشترى منه قطع الغيار دى و يكون أصلى و نقدر نركبها فين غير التوكيل...جزاكم الله كل خير

**haissam24h** · 11-01-2014 07:38 PM

المساعدين فى kyb يبانى اصلى بيبتاع

المقصات والحجات ديه موجوده اصلى خارج التوكيل فى التوفقيه والاصلى بيبنان من عنوانة
الدونجل هاته استيراد ويتفك قدامك من نص عربيه

+ممكن تعمل شكوى فى شركه التامين فى حمايه المستهلك

**AhmedNaeem** · 11-01-2014 07:40 PM

الدنجل اشتريه استراد
لو الجنط معوج فعلا هيعمل اصوات ورفه في الدريكسيون ..
بس الجنط بتصلح وبيرجع جديد
صلح الجنط الاول وبعدين اكشف علي العفشة
ان شاء الله خير