-
افيدونا افادكم الله
شباب الاوبل............انا معايا كورسا 95 1200 سى سى..............شغاله معايا بمزاجها تدور يوم و يومين لا
المشكله :-
العربيه لما بتدور الصبح بتدى صوت فرقعات من الشكمان و دخنه سودا مع الفرقعه و شويه و تبقى عادى ممكن بقى على حسب امشى بيها تبطل منى و ممكن تلقط تدور تانى او لا و لما بتيجى تبطل لمبه التابلوه البرتقالى بتاعت الموتور check بتنور
امبارح وقفت منى ف وسط البلد و طلعت عينى زق فيها و مش عاوزه تدور ركنتها فى محرم بك و رجعت العجمى مسافه كده يعنى للى ميعرفوش اسكندريه قوى زى نص ساعه بالمشروع و الطريق سالك....العربيه على الهاى واى بترجرج كده زى ميكون واحد عنده زغطه و على فترات و تتعدل
- على سبيل المعرفه بالشئ انا غيرت مارش و سير تقسيمه و بوجيهات و كابلات بوجيهات و ترموستات........
يا جماعه ال يعرف حل المشكله دى من اساسها من غير فتاوى له جزيل الشكر و له عندى عزومه سمك و جمبرى
-
المشكله عندك في الكولانت سنسور , ده ياخر الدواره وعادم اسود وتفتفه من الشكمان
وتعالي انت اعزمك علي سمك وجمبري محترم من عندنا.
-
متشكر جدا يا فادى ........انت كده بتكلم ان المشكله فحساس يعنى مش مشكله كارته او دوره بنزين .تمام؟.................و بعدين اسمه cool and sensor ولا coolant sensor .......... و ياريت تقولى ده وظيفته ايه و بيكون فى انهى مكان.........و ده يحتاج تنظيف ولا يتغير...........و بعدين السمك و الجمبرى واجب علينا تشرفنا فى اى وقت ......نعملوا معاك احلى واجب
-
coolant sensor
و ده هتلاقيه فوق الدينامو
-
اشكرك شكرا جزيلا و لعلها تكون حل نهائى للمشكله ال تعبانى بقالها اكتر من اسبوعين دلوقتى لف على ميكانيكيه و كهربائيه...........ونا عند وعدى تشرفنا اى وقت قولى قبل متنزل اسكندريه وواجبك عندى غدوايه كلها فوسفور فى بحرى و حجرين معسل سلوم اصلى مع كبايه شى يعدلوا الدماغ على البحر بريحه اليود
-
ربنا يوفقك والباشا الكبير رد عليك
Content Relevant URLs by
vBSEO 3.6.0 PL2