هى زيوت شيل بتختفى ليه .... أنا بقالى كذا يوم أعدى على بنزينات شيل ألاقى كل الزيوت Total أان عارف إن شيل إستغنت عن حصة كبيرة من بنزيناتها فى مصر بس مش للدرجة ديه
ده حتى بنزينة شارع دمشق مفيش فيها زيوت شيل خالص
و إيه إخبار زيوت توتال ؟؟
عرض للطباعة
هى زيوت شيل بتختفى ليه .... أنا بقالى كذا يوم أعدى على بنزينات شيل ألاقى كل الزيوت Total أان عارف إن شيل إستغنت عن حصة كبيرة من بنزيناتها فى مصر بس مش للدرجة ديه
ده حتى بنزينة شارع دمشق مفيش فيها زيوت شيل خالص
و إيه إخبار زيوت توتال ؟؟
توتال اشترت نصيب شل فى مصر و بعد كده كله توتال
طيب هى زيوت توتال التخليقيه زى زيت شل الترا انا معرفش اى حاجه عنها
متااااااابع!!
انا كمان محتار عربيتي كانت مرتاحه جدا على شيل ال5000 ومش عارف اية البديل نهائي
هو فيه زيت توتال كوارتز 9000 ده تخليقى بالكامل ..أنا الصراحة علشان لسه مغير طقم شنبر و لينت و غيرت كاوتش صباب .... عملت غيار واحد شيل الأصفر المرة ديه روحت حاطط Engine Flush وبعد كده جبت زيت valvoline engine armour و هو لسه تحت التجربة و ممشيتش بيه كتير
زيت شل موجود عادى عند الموزعين المعتمدين و فيه موضوع بكدا
يا شباب شل بتبيع كل حاجة فى مصر و الشرق الأوسط عشان تكبر و تكتر إستثماراتها فى إسرائيل .. فا كل حاجتها هاتكون نادرة او غالية جدآ .. و الموضوع دة بيحصل بقالوا 4 سنين
زيوت شيل ومعلومه اكيده من نائب مدير الشركه, لن تختفى من الاسواق , واللى عاوز هيلاقيها, ولا زيادات فى اسعارها سواء الترا 10000 التخليقى او 5000 النصف تخليقى او المعدنى ,
و ده هايكون لحد 12-2015 و بعد كده هاينزل نوع زيت عاليه العلامتين شيل و توتال بنفس خامات و نسب و لزوجة زيت شيل
اسعار الزيت تتراوح جمله من بين 245 جم الى 255 جم, لو فيه حد فى الاسواق مزود فى السعر بلغوا عنه مباحث التموين على ارقام الشكاوى
اشكرك على تعديل المعلوماتاقتباس:
المشاركة الأصلية كتبت بواسطة moe gawad
عفوا حضرتك بتقول اللى عايز هيلاقيها ؟ طيب فين ؟ معلش انا حصحح المعلومةاقتباس:
المشاركة الأصلية كتبت بواسطة moe gawad
شل باعت لتوتال كل حاجة فيما عدا قطاع الزيوت و تم التعاقد مع شل للزيوت و شركة بافاريا علشان هى اللى تبقى مسئولة عن توزيع زيت شل
انا عارف القصه ديه عشان انا كنت موحود مع نائب مدير تسويق شيل. الزيوت هاتكون موجوده فى محلات الزيوت العاديه بعيد عن البنزينات. و باسعارها العاديه
130 جم لشيل 5000
300 جم لشيل الترا
هو اللى اختفى عبوات حجم 1 كيلو . وزيت شيل الاحمر 3000 كم
المشكلة فين عنواين الموزعين المعتمدين اصل الشراء من المحلات الصغيرة اللى فى الشوارع ده برضه مخاطرة يعنى تروح تشترى جركن ب 300 جنيه وجايز يكون مضروب يبوظلك الدنيا
والله كل زيوت شل موجوده ومتوفرة وانا والله شغال فيها جمله المشكله كانت في الشل الاحمر 3000 بس الحمد لله اتوفر
كويس ................ فين عناوين الموزعيين في المناطق ؟اقتباس:
المشاركة الأصلية كتبت بواسطة abubakr1234
حاليا شل متوفر و بشوفه بيتباع ف محلات كتير و المفروض انى اغير زيت قريب
بس الصراحة خايف من انى اشترى و يطلع مضروب
توتال كوارتز 9000 يعتبر بديل ممتاز لشيل الترا. و هو متوفر الأن في بنزينات شيل.