الموضوع: سكودا فليشيا تقرير عمل صيانة لكربراتير الموتور بنفسى

المشاركة الأصلية كتبت بواسطة aw2100

باختلف معاك شل الأحمر المتعدد 20/50 بيتغير على 2000ك طالما الموتور حالته كويسه وحكاية لزوجة الزيت بتكشف عليها والموتور بارد ايام ال128 كنت باستعمل زيت مصر للبترول 7500 وكان بعد 1000 ك بيبقى زيى المية لكن لما اشتريت الأسكودا فى الأول كنت باستعمل الشل الأحمر المتعدد كان بيفضل لغاية 2000ك متماسك وبعدين غيرت لشل الأصفر كان بيصمد لغاية 4500 ك وبعدين يضعف فبقيت اغيره على 4000ك وبالنسبة لفلتر البنزين الأفضل تغيره على 4000ك وخصوصا لو بتستعمل بنزين 80 علشان هو السبب الرئيسي لسدد الكاربراتير وطرمبه البنزين الميكانيكة افضل 100 مرة من الكهرباء !!

على فكرة انا مش بالف من دماغى والله انا نقلت اجابة بعض المحطات وسالت فى شل خصوصا زيت شيل الاحمر بيعمل كام كيلو قالو 1000 سالت متعهد كبير للزيوت قال 1000 سالت بقى فى بنزينة موبيل قال 3000 على اساس ان البيه العامل فى محطة بنزين موبيل دكتور يعنى فانا بانقل تجربتى واتمنى ان يدوم شل الحمر 10000 كيلو مش 2000فقط وفورا الان حاسئل فى محرك البحث عن اجابة اخرى يمكن الاقى 5000 ولا حاجة *** بجد الواحد دماغة لفت مش عارف اصدق مين وامصدقش مين**

انما موضوع اللزوجة دا فانا متاكد منه لنة جربته بنفسى فى يوم فكرت اغير الزيت قلت اشوف اللزوجة الصبح قبل الدوارة وروحت الشغل ورجعت بجركن شل الحمر وطبعا حضرتك عارف من المستحسن تغير الزيت بعد العودة من مشوار فلاحظت تحلل الزيت واشبة بالشولار الوسخ كدا بينقط يعنى مش بيسيل بكدا حكمت على ان اللزوج اثناء حركة الموتور وليس على البارد**