-
اشتريت فيرنا 2014
الحمد للة ربنا اكرمنى واشتريت فيرنا كاملة مانيوال2014 وعندى مجموعة استفسارات ارجو من الفيرناوية الاجابة عنها؛ـ
1- ما هى خطوات تفعيل الضمان
2- هل الانذار الأصلى يعمل بكفاءة ام يجب ان اركب انذار خارجى وهل تركيبة يمثل مشكلة مع التوكيل
3- اشم رائحة بالحوض لما العربية بتسخن فهل هذة رائحة ورنيش او شمع لآن العربية زيرو
4- ما هى افضل الأشياء التى افعلها لتأمين السيارة (كلبش-مفتاح فصل كهرباء.....الخ
أرجو الافادة ولحضراتكم وافر الشكر والعرفان
-
الف الف مبرووك وادبح لها حاجه
ربنا يديك من خيرها ويكفيك شرها
تحياتى ليك
وكل عام وانت بخير
-
الف مبروك , ربنا يباركلك فيها
سعرها كام واخترت لون ايه ؟
-
الف مبروك وراي الشخصي متجيش جنب العربيه عشان عندنا التوكيلات بتتلكك لو عملت اي حاجه يقولك بره الض
مان
-
أولا ألف مبروك ... ربنا يباركلك فيها ويكفيك شرها
ثانيا : طبعا لازم تأمن تأمين كلي وشامل علشان تبقي مطمن وم رتاح نفسيا
ثالثا : جراج نضيف و اللي شغالين فيه معروفين وتحط عربيتك فيه
رابعا : قفل الدركسيون تشتريه وتركبه علي الدركسيون حتي في الجراج
خامسا : كلبش العجل وده لو كنت مضطر تسيبها في الشارع
-
الف مبروك وربنا يحفظهالك ويديك خيرها ويكفيك شرها
-
-
-
اشكركم
خالص شكرى وعرفانى لكل من تفضل بالرد على اسئلتى وأسأل الله ان يحفظنا جميعا فى انفسنا واموالنا واهلنا
-
الف مبروك و ربنا يديلك خيرها و يكفيك شرها
بص يا استاذ
انذار الفيرنا من وجهة نظري كويس جدا و احسن من اجهزة انذار كتير اوي موجودة في السوق بسبب
انك اول لما تقفل العربية بالريموت و سيبت الازاز مفتوح و فتحت السنتر و فتحت الباب الانذار هايضرب و صوته عالي
خلي يضرب و ادخل دور العربية ... مش هاتدور
طيب هاتقولي ما النترا الجديدة كدة هقولك لا
النترا الجديدة لما تعدي 30 ثانية يبدا تفعيل الانذار ولو حاولت تدور العربية و الانذار مفعل من غير ماتفتح الباب العربية هاتدور
بمعني : واحد قفل العربية و عديت 30 ثانية و كسر الازاز و دخل العربية من الشباك و مفتحش الباب العربية هاتدور معاه
لكن في الفيرنا بطل العربية و شيل المفتاح من الكونتاكت و اقفلها بالريموت وانت جواها
جرب تدور .... مش هاتدور و الانذار هايضرب
حضرتك ممكن تجرب كل ده بنفسك
ده مايمنعش انك تجيب كلابش الدركسيون خصوصا ان في انواع كتير نازلة كويسة
ماتعملش مفتاح فصل الكهربا عشان ده هايفصل جهاز الانذار طبعا ده بيتعمل في العربيات القديمة وماتخليش اي كهربائي يقولك هعملك مفتاح فصل في حتة انت ممكن تنساه لا سيبك منه الناس دي عايزة تعمل شغل
Content Relevant URLs by
vBSEO 3.6.0 PL2