الموضوع: PT Cruiser

فى سؤال --وحياتك يا استاذ حازم--هى فعلا دية صورة عربيتك --ولا واحدة مثلها --ولو هى فعلا الخلفية بتاعتها المنظر الطبيعى دة فين --لكن لو مش هى --يبقى اعتذار

وتعتذر ليه بس. هو انت غلطت فى حاجة ؟
لأ طبعا المنظر ده اكيد مش فى مصر، هو ممكن تلاقى حاجة شبهه هنا، بس مع اختلاف الألوان الى الالوان الصحراوية :)
بس هى العربية شبه اللى فى الصورة ونفس اللون، مع اختلاف ان اللى فى الصورة لموديل المعدل (من 2006) واللى عندى 2005

يااااااااااااااااااااة دى جميلة قوى
واحلى حاجة فيها انها بتجمع بين اصالة الماضى وتوكنولجيا حديثة
شكرا

السعر الحالى مش متأكد منه بالضبط بس هو بين 150-155 الف
ودى النسخة ال 1600-115 حصان مانوال جميع الكماليات
وهى فيها كل الكماليات بما فيها فتحة سقف كهرباء و4زجاج كهرباء وكراسى كهرباء كاسيت وCD-MP3 بس مش متأكد نوع الفرش اذا كان قماش ولا جلد.
التوكيل فى مصر هو عز العرب وابوغالى

اما بالنسبة للصور ممكن تتفرج عليها وعلى كل ما فيها هنا:
http://www.chrysler.com/en/pt_cruiser/index.html

ياااااااااه
اخيرا حد كتب فى الموضوع ده
انا كنت حاسس انى الوحيد فى مصر اللى عنده PT Cruiser

بص يا سيدى. هى اولا عربية مراتى، يعنى انا مش باسوقها يوميا، بس طبعا اقدر احكم عليها برضه

هى عربيه تقيلة قوى وده مخليها ثابته جدا يعنى لو ماشى 140 ماتحسش بأى حاجه
انا مرة جبت بيها 190 فى طريق العين السخنة وكاننت برضه ماتخوفش، هو بس صوت موتورها عالى شوية
وبرضه متينة جدا وده تحسه لما تقفل باب او شنطة وكده
الكابينة من جوة واسعة جدا مع ان شكلها من بره ميوحيش بكده، والشنطة معقوله لأنها عالية جدا والكنبة الخلفية ممكن تنام او تتشال خالص وكرسى الراكب الأمامى ينام وده يدى حجم تحميل وهمى لو احتاجته.
طبعا كمان من مميزتها التميز الرهيب طول مانت ماشى الناس تسأل عن العربية ونوعها (ولو انى شخصيا مابحبش كده) وكمان الى حد ما ليها احترامها والناس بتوسعلها وانت ماشى.
الموتور بتاعها كويس بس لأنها تقيلة فهو ضعيف عليها شوية، يعنى مش بتسحب قوى غير لو قرصت عليه شوية يعنى لو مستعجل لازم تعدى الrpm عن ال 4000
فيه عيب تانى وهو ان قطر دورانها كبير جدا بالمقارنة بأى عربية سوقتها، يعنى فى الركن تحس انك بتركن تريللا
بالنسبة للكماليات هى مليانه كل شئ تقريبا بالاضافة لفتحة السقف و ABS و 4 ايرباج....

نيجى بقى لقطع الغيار. للأسف لغاية دلوقت مش موجوده غير فى التوكيل (بس موجوده) اسعارها بقى ماقدرش احكم عليها قوى بس هى اكيد اغلى من اسعار الكورى . ده غير انى ماجبتش لغاية دلوقت غير فلاتر بس ممكن اقولك ان فلتر الزيت ب 65 جنيه والهواء ب 100
مش رهيبة قوى بس برضه مش رخيصة
وعلى ما اظن برضه ان اعادة بيعها مش سهلة قوى. يعنى لما تنوى لازم تستنى شوية على مايجيلها اللى يقدرها، انما كعربية هى ظريفة جدا.