ايه الصحرا ديه فين الناس
عرض للطباعة
ايه الصحرا ديه فين الناس
انا بحب شكل العربية دى
هاي يا شباب انا ادم عضو جديد انا من مصر اسكندريه و عايش في امريكا وحبيت اشارك في موضوع الكرايزلر معاكوا انا لسه جايب العربي دي من حوالي 3 ساعاات والصراحه اول لما جربت العربيه دي عند التوكيل قلت مش حجيب الا العربيه دي ثبات في الارض رهيب وفي المنحنيات ثابته جدا علي الارض هي موديل 2006 اوتوماتيك بجد عربيه في الشكل و العمل جامده جدا ...
لسلام عليكم
كل سنة وحضرتك طيب والاسره الكريمه بخير
ارجوك تفيدنى فى موضوع كرايسلر البى تى كروزر
انا عجبانى جدا بس خايف اجيبها مايكونش ليها قطع غيار لان الموديل اتوقف تصنيعه 2010 ده اللى انا سامعه
لو كل قطع غيارها موجوده بس غاليه مش مشكله
وفى نفس الوقت يكون فى مكان اعرف اصلح او اركب فيها حاجتها
سواء فى التوكيل او بره
عموما فى اكتر من عربيه شوفتها معروضه للبيع موديل 2006
ومعظمهم ماشى من 30000 الف الى 80000 كيلو
وسعرهم مابين70000 الى 90000 جنيه
هى هتبقى اول عربيه ونفسى اجيبها وفرحت جدا بسعرها وشكلها وإن اللى معاه العربيه دى مش ماشى بيها كتير يعنى مش متهانه
وثانيه اتضايقت لان اتوقف تصنيعها فخايف اجيبها تكون قطع الغيار مش موجوده اساسا فارجو مساعدتى
http://media.linkonlineworld.com/Gal...8/4/363290.jpg
وعليكم السلام،اولا اعتذر عن التأخير فى الرد ، اجازات بقى وكده Jبس يا سيدى، العربية اولا بتاعت مراتى، بس ده مايمنعش ان انا اللى باعمللها كل الصيانات.حكاية اتوقف تصنيعها دى ماتفرقش، لأن اي سيارة بتحتاج قطع غيارها بعد ماتستعمل مش وهى جديدة ولسة بتتصنع. فمش معنى انها وقف انتاجها انهم هايوقفوا انتاج قطع غيارها. واظن فيه كتير من السيارات اللى ماشية فى بلادنا من انتاج السبعينات والثمانينات ولسة ليها قطع غيارالعربية كعربية ظريفة . متينة وثابتة جدا على السرعات ومفيهاش مشاكل غير عادية لغاية دلوقت (حاليا عاملة فوق 80 الف كم)عيبها اللى تكون عامل حسابك عليها انها وزنها تقيل على الموتور ال 1600 وبالتالى سحبها مزعج شوية جوة البلد وخاصة لو مشغل التكييف، اما على الطريق السريع فمافيش مشاكل بل بالعكس ماتحسش انك ماشى بسرعة اصلا.العيب التانى ان قطر دورانها اكبر من الطبيعى ودى بتزعج شوية جوة البلد وفى الركن (ملفات كتير لازم تتاخد على كذا مرة)نيجى بقى للصيانة وقطع الغيار: قطع الغيار اللى مش تبع الموتور (تيل فرامل، فوانيس ، عفشة ........) متوفرة فى شارع شامبليون عند بتوع الأمريكانى واسعارها معقول. تيجى بقى لأى حاجة تبع الموتور ماتلاقيش عندهم غير حاجات ال 2400. مع ان معظم اللى ماشيين فى مصر 1600. بعد البحث اكتشفت ان التجار بيتعاملوا مع مستوردين وكتالوجات امريكا ودى ماتلاقيش فيها Part No. للموتور ال 1600، فبيجيبوا حاجات ال 2400. منطق غريب جدا، مع انى لما اتزنقت فى ماستر دبرياج جبت كتالوج بكل الPart No بتاعتها من على النت.نفس المشكلة دى برضه فى حالة الاضطرار للقطع الاستيراد. برضه مافيش حاجة للموتور ال 1600 (كنت محتاج ردياتير وملاقتش غير فى التوكيل وكان سعره على الأقل ضعف سعره برة!)باقى قطع الغيار التقليدية لل 1600 موجودة فى التوكيل ولو حاجة غير تقليدية (زى ماستر الدبرياج) بيجيبوهالك فى خلال 3-4 اسابيع.الصيانة بتاعتها عند مراكز الخدمة اللى شغالة في الكرايزلر عادية وبقوا عارفينها وفى التوكيل طبعا بس انا بطلت تعامل معاهم من بعد الضمان ما خلص.ارجو انى اكون رديت على استفساراتك ولو فيه اسئلة تانية اهلا وسهلا
على فكرة هى متوفرة ب 1600 مانويل و 2000 و2400 اتوماتيك بس لو حبيت تجيب ال 1600 مش هتلاقى ليها قطع غيار استراد لان اللى بيج من برة ال 2000 و 2400
ســــــــــــــــــــــــ ـــــــــــــــلام
العربيع بصراحه عجبانى بس كنت عايز أعرف هل أصبح متوفر قطع غيار لها الخاصه بالماتور 1600 سىسى و لا لسه ومنين الواحد يجيبها و العفشه بتاعتها أخبارها ايه