مقبل على شراء دايو نوبيرا 2004

**Ahmedo0o** · 12-01-2014 12:20 AM

السلام عليكم ورحمة الله وبركاته

أمامى سياره نوبيرا أوتوماتيك بإذن الله تكون من نصيبى غداً
إن شاء الله هاحافظ عليها فى المشى لانى عارف إن عفشتها بتبهدل بسرعه
بس غير كدا ما رأيكم فى السياره عامة
وهل الأوتوماتيك الخاص بيها فيه حاجه لانى بسمع إنه فيه مشاكل ؟ فإزاى أتفاداها وهل ليها حلول

أهم حاجه بقى عاوزكم تدلونى إزاى أجرب العريبه وإيه الحاجت اللى أركز فيها
طبعاً هاوديها لعشجى وبتاع بويا يشوفها بس أركز على إيه وأنا بشتريها
والعربيه لو فبريكه من جوه وبره بس عايزه شغل دهان من الخارج حاجات بسيطه مش قوى
تسوى كام
معلشى طولت عليكم
وعقبال ما كل واحد فيكم يجيب العربيه اللى بيحلم بيها يا رب

**aboomar22** · 12-01-2014 01:00 AM

بص هو الفتيس بتاعها مشكلته انه بطىء شوية اهم حاجة حافظ على مواعيد تغير زيت الفتيس وعايز اقولك ان الفتيس استيراد ثمنه من 1000 -1300 جنيه يعنى الحمد لله متوافر ورخيص --لو العربية فابريكة جوه وبره بلاش ترشها ممكن لو فيها خبطات تترد على البارد وتروح لبتاع دوكو يلمعها بالصاروخ وخلاص --تسوى كام دى بقى صعبة لان فيه تفاوت فى الاسعار اليومين دول معرفش ليه ---دى فى تقديرى انا تساوى 48 -50الف لو حالتها كويسة ربنا يوفقك يارب

**blazer** · 12-01-2014 02:21 AM

الفتيس مشكلتها الوحيده لان العفشه بتتحل بتغير الجلب لجلب فورد و انتهت بإذن الله المشكله
انما الفتيس متضمنوش تماما ولو مش فارق معاك اشتريها مانيوال احسن

**aboomar22** · 12-01-2014 05:20 PM

المشاركة الأصلية كتبت بواسطة blazer

الفتيس مشكلتها الوحيده لان العفشه بتتحل بتغير الجلب لجلب فورد و انتهت بإذن الله المشكله
انما الفتيس متضمنوش تماما ولو مش فارق معاك اشتريها مانيوال احسن

حضرتك بتتعامل مع عفشجى مين ومكانة فين علشان يكون عارف موضوع جلب الفورد دى هى الجلب الكبيرة بس صح والصغيرة بتكون gm صح ولا ايه والصغيرة دى ممكن تتباع لوحدها ولا بيكون طقم وشكرا جزيلا (انا جنبك فى شارع العشرين )

**Ahmedo0o** · 12-01-2014 06:08 PM

جزيل الشكر لكم أحبائى
إيه هيا الحاجات اللى أركز عليها وأنا بشوف العربيه

و فى إنتظار ردود أكثر عن الفتيس بتاعها
وإيه رأيكم أحسن العربيه دى ولا إسبيرانزا 516

**blazer** · 13-01-2014 02:46 AM

المشاركة الأصلية كتبت بواسطة aboomar22

حضرتك بتتعامل مع عفشجى مين ومكانة فين علشان يكون عارف موضوع جلب الفورد دى هى الجلب الكبيرة بس صح والصغيرة بتكون gm صح ولا ايه والصغيرة دى ممكن تتباع لوحدها ولا بيكون طقم وشكرا جزيلا (انا جنبك فى شارع العشرين )

عفشجى اسمه سعيد فى الحرفيين
الجلب لكبيره فورد و الصغيره gm
وبجيب الحاجت الباقيه ctr

**zendo** · 13-01-2014 01:01 PM

بص انا عاوز اقولك على حاجة النوبيرا 2 عربية حلوة واعتمادية بس الكورى والاوروبى احسن من المصرى انا معايا بريميم موديل 99 فتيس اوتوماتيك كهربا زى الفل والفتيس زى الفل بس هو بطىء شويه عن المنوال بس بعد كده بتجمع معاك وكمان اسهلاك بنزين عالى شويه انا بحط 92 بس مش عارف 90 اخبارة ايه واوعى تحط 80 يجيب اجل الموتور و92 هيغنيك عن حاجات كتير

**Eng_zead** · 13-01-2014 05:11 PM

المشاركة الأصلية كتبت بواسطة ahmedo0o

جزيل الشكر لكم أحبائى
إيه هيا الحاجات اللى أركز عليها وأنا بشوف العربيه

و فى إنتظار ردود أكثر عن الفتيس بتاعها
وإيه رأيكم أحسن العربيه دى ولا إسبيرانزا 516

النوبيرا طبعا مفيش مقارنة بس يفضل المانيوال احسن من الاتوماتك على العموم لو عجبالك ربنا يباركلك فيها ممكن