سكودا فليشيا تقرير بعد ماركبت البطارية الجديدة
السلام عليكم ورحمة الله وبركاتة
أنا كان بقالي فترة بعاني من ان البطارية بتنام على طول ولازم ازق كل يوم وكنت بهرب من تغيير البطارية لاكن ما باليد حيلة غيرت البطارية بالفعل
جبت بطارية جافة ac delco جبتها 70 امبير امريكي تقفيل سعودي دة كلام البائع
ملاحظاتي على العربية بعد تركيب البطارية حسيت ان الانوار بقت افضل من الاول والنور العالي بقي احسن بالاضافة الى صوت الكاسيت حسيت انه اتغير للافضل
انما فيه ملاحظة غريبة وهيا ان العربية لما تكون دايرة وحبيت اقفلها (( اقصد إغلاق السنتر لوك )) اسمع صوت الاشارة من الريموت وبحس بتكة فى الابواب وعلامة البطارية تنور فى الطابلوة والسنتر ماينزلش
بس لو بطلت العربية اقفل وافتح عادي جدا نزلت جهاز الانظار وفحصتة واحدة واحدة مفيش اى تلامس او حاجة مللفنة للنظر
مش عارف دة ممكن يبقي من اية ياتري الكونتكت لية دور فى الموضوع مع العلم انتي مغيرتش توصيل السنتر والانذار من ساعت ماجبت العربية
