كل يشارك ... الى عنده طريقة للكشف على العفشة
زى ما العنوان بيقول و هبدا بنفسى
1- هنيجى هلى كل ركن من العربية و تضغط بقوة كذا مرة و تسيب لو العربية اتهزت مرة و احدة و ثبتت كدة المساعدين سليمة لو فضلت تتهز كدة المساعد بيودع
2- هترفع العجل الامامى و تيجحى على كل عجلة و هزها افقياً يمين و شمال لو لقيتها شايبة كدة بارات الدريكسون عاوزة تغيير
3- هز العجلة بس رأسياً فوث و تحت لو لقيتها سايبة كدة بيض المقصات فيه مشكلة
4- اركب العربية و افتح لوك الدريكسيون و هانة يمين و شمال لحد مال تحس ان فيه مقاومة لو الدريكسيون بيتحرك بمقدار 2 سم يمين و شمال كدة علبة الدربكسيون سليمة لو بيروخ و يجى جامد كدة فيه مشكلة
5- دور العربية و لف الدريكسيون انت ولقف و ممور فى الاتجاهين لو سمعت صوت طقطقة غالباً دى مشكلة بطاحات او علبة دريكسيون
5- سوق العربية و امشى على مطبات و حاول متهديش و شوف رد فعل العربية لو لقيت خبط و رزع كدة فيه مشكلة اما فى جلب المقصات او بيض الدريكسيون
6- لف ملف جامد و اسمع صوت العجل فيه طقطقة و لا لا عشان تعرف حالة الكبالن
دا من خلال خبرتى فى العفشة و الموضوع مفتوح للى يشارك او يصححلى معلومة
