الموضوع: اركب المواسير ولا لاء

السلام عليكم
موضوع بسيط بس متردد فيه
الموضوع انى الشارع اللى انا ساكن فيه فيه عربيات كتير اكتر من طاقه الشارع و مافيش ولا عماره ليها الجراج
غير كده ان فى المنطقه فيها اكتر من فيلا بتتهد و بتتبنى عمارات عاليه - يعنى ماحدش يقدر يركن تحتها لغايه لما تتبنى و تتوضب كمان
ده غير ان اللى كان بيركن تحتها فى الاول بقى يركن فى شارعنا
و بالتبعيه بقى همى اليومى انى الاقى مكان فى الشارع بتاعنا علشان اركن العربيه فيه
خاصه انى مش عاوز اركنها فى الشوارع الجانبيه المظلمه لأن تكرر سرقة عربيات منها - و عربيتي نفسها مره اتكسر زجاجها و اتسرق الكاسيت منها
الموضوع ده بيدايق جدا و بيعملى هسهس فى دماغى لدرجه ان فى احيان كثيره بروح الشغل مواصلات لما بتبقى العربيه راكنه تحت بيتي
و اكتشفت مؤخرا انى مش الوحيد اللى بيعمل الحركه دى فى الشارع
ده غير لما ابقى دايخ على مكان علشان احد الجيران موسطن العربيه وواخد مكانين ليه

فبصراحه بفكر اعمل مواسير احجز بيها المكان - انا من زمان كنت ضد الفكره دى بس فعلا انا مابقتشى بستريح لما بركنها بعيد او فى شارع ضلمه خاصه من بعد ما اتسرق الكاسيت قبل كده

ملحوظه : انا الوريث الوحيد اللى ساكن فى العماره بتاعنا (يعنى اعتبر صاحبها) - و عمارتنا مافيهاش حد معاه عربيه غيرى فالحركه دى مش حتدايق حد من عمارتى
لكن اكيد حتدايق الجيران

فانتو ايه رأيكم ؟؟؟ - و اجيب منين المواسير اللى بقفل دى ؟

المشاركة الأصلية كتبت بواسطة fepsceasar

يا ريت بلاش لو فعلا ما فيش حد فى الشارع عامل الحركة دى
تخيل بقى كل واحد عمل الحركة دى مش هيبقى فى شوارع اصلا

انا فاهم اللى تقصده كويس
مبد

لكن فعلا انا اعمل ايه الاول احناشارعنا لغايه التقاطع ماحدش عملها لكن معموله فى التقاطع نفسه و فى امتداد شارعنا بعد التقاطع
انا كنت زمان مابيهمنيش و بركن فى اى حته لغايه لما اتسرق منى كاسيت الشتا اللى فات ب 600 جنيه
غير ان عندنا فى الشارع شويه ناس بارده
يعنى فيه ظاببط شرطه معاه لانوس الكاوتش بتاعها نام فسايبها مكنها بقاله شهرين و العربيه سليمه لانه بينزل كل كام يوم يسخنها علشان البطاريه ماتفضاش
ده غير عربيه تانيه 124قديمه و باظت من الركنه مركونه تحت بيتى
غير عربيه تانيه 132 بتاعت واحد وارثها عن والده و الواد مش بيعرف يسوق و العربيه مش بتتحرك غير مره كل شهرين او ثلاثه
غير واحد تانى معاه عربيه شاهين كل لما يركن بياخد مكان عربيتين علشان ماحدش يريح على عربيته (رغم انها متخبطه اصلا )
غير اتنين عواجيز فى الشارع تقريبا مش بيحركو عربياتهم و لو اتحركو بيحجزو اماكن عربياتهم بطوب
دوول طبعا غير اصحاب المحلات اللى ماينفعشى تقفل واجهتهم و عندهم حق