-
سعر فتيس ميجان 2
السلام عليكم يا رجالة
كنت عايز اعرف سعر فتيس الميجان 2 اوتو موديل 2006 و اجيبه من اسكندريه احسن ولا بورسعيد
العربيه كانت زى الفل و امبارح بس مطلعتش بيها من الجراج و لما نزلت النهارده دورتها و طلعت و لقيتها تقيله في نقلة الغيارات و شويه و راجت كاتبة check gear box و كل شويه ابطلها و ادورها و امشي شويه بس تقيله جدا في النقل و تطلع الايرور كل شويه و مش بتعدي الغيار التالت
فايه رايكم سبب المشكلة و حلها ايه
و لو مفيش حل ايه افضل مكان عشان اشتري الفتيس منه عشان شكله باظ
انا رحت لسامح الهوارى و قالي انه فتيس و قلتله نغير شمايز و كده يعنى قاللي هتصرف فلوس و ترجع تغيره تانى
فهل تغيير الشمايز بيبوظ بسرعه و تكلفته كام
و ممكن مثلا يكون الزيت ناقص ولا ايه
-
فتيس بس ايه يا باشه مين القال لحضرتك ان ده فتيس او شنابر
ده سيلونيد فالف الفتيس ب 200 استيراد و 450 جديد هتغيره و تغير 4 لتر زيت و المشكله هتروح انشاء الله
-
بس يا باشا انا غيرت السولونيد من سنة و كانت اعراضه مختلفه تماما
يعنى كان الفتيس بينقل عادى بس بهبده جامده لو العربيه مش سخنة و بعد شويه تكتب check gear box و و كنت بتحس ان العزم موجود
لكن دلوقتى العربية بتبقي ميتة و مفيش عزم فعشان كده ممكن يكون مثلا الزيت ناقص و هو ده السبب
هحاول اشوف حد تانى يبص على العربية عشان اتأكد قبل تغيير الفتيس
و منتظر اراء باقي الاعضاء
-
اللي حضرتك روحتله ده حطها على سكانر ؟؟
-
لا هوا محطهاش على حاجاه هو جربها و بس بنفسه و قاللى كمان ان في حاجة كده مش فاكر اسمها بس هى خاصة بالعزم قاللى تلاقيها مكسورة و نغيرها و احنا بنغير الفتيس
فانتو ايه رأيكو ممكن تكون الحاجة دى هيا السبب بس من غير تغيير الفتيس لان العربية مفيهاش عزم خالص
بس هو عنده الكمبيوتر بتاعها و هو مشهور هنا فى اسكندرية
-
طيب بغض النظر عن شهرته
في الحاجات اللي زي دي العربيه تتحط على سكانر, ولا كان هيكلفه حاجه
انما يقوللك نغيره (وطبعا الفتيس موجود عند واحد صاحبه) هههههه
صدقني هتلاقيه واير او سوفت وير او سولونيد زي ما الأخ قاللك
-
يا باشه بلاش سيلنويد
لو زيت ناقص هتلقيها بتهبد في الغيرات
ممكن يبقي الفلتر اتسد من ساعت ما حضرتك غيرت السلنويد المره الفاتت
وممكن يبقي عندك موبينه من بتوع البوجيهات بيظه عملتها معايه قبل كده و كانت بتجيب Check gear box
و نصيحه مش اي حد يقول لحضرتك فتيس يبقي فتيس جرب كل الاحتملا
عندي كانت العربيه بترزع في كل الغيرات و تدوس بنزين الRPM يعلا و العربيه متسحبش غير بهبده جمده كله قالي كلتشات مفوته حتي التوكيل
فقولت اغير زيت مش هخسر حاجه
نزلتو اقيتو ناقص لتر و نص حطيت زيت جديد اعدت تعلق يومين و بعد كده اتظبطت لوحدها
-
مش محتاجه تغيير يا عمنا
زي ما الاخوه قالولك سولنيد او زيد او الفلتر مكتوم او حساس
-
انا مره فعلا كان عندى موبينه من بتوع البوجيهات دول فاصله وفعلا كان بيطلعلى الرساله دى وفيه مره تانيه كان فيه عندى اول فيوز فى الصف اللى فى النص من فوق .... الفيوز ده كان صيني ومش بيلمس مكانه صح ..... اليوم ده الفتيس بهدلنى تهبيد فى الغيارات ومفيش سحب نهاءى والرساله تطلع ..... يومها قولت يعوض ربنا المهم روحت بيها لمركز خدمه كده جمبنا لحد ما بقى اروح التوكيل أشوف الحوسه دى ..... المهم لاقيته مطلعلى الفيوز ده والمهم ان الفيوز سليم بس سنه رفيع مش بيلمس مكانه صح ..... والحمد لله العربيه رجعت زى الفل :yeah: ..... فامعلش حضرتك وديها التوكيل او حد فاهم اوى هيحلها باذن الله
-
انا نزلت النهارده دورتها بس لقيتها بقت مش ببتحرك نهائيا يعنى ولا كانها بتاخد غيارات على d او r بس الكلام ده بعد دقيقتين من التدوير
لكن لو جبتها على ال d مباشرة بعد التدوير بتتحرك ببطىء شويه لمده الدقيقتين برضه و بعد كده تفصل تانى
فانا كلمت سامح الهوارى و قلتله يجيبلى فتيس عشان انا مش بحب التصليح الكتير و كده كده الفتيس الجديد هيبقى احسن من انى اصلح اللى فيها
و بكره هشوف التوكيل و اعرف سعر الفتيس كام جديد و اشوف لو ممكن يبعتولى عربية صيانة
و شكرا جدااا لتعبكم معايا
Content Relevant URLs by
vBSEO 3.6.0 PL2