عرض للطباعة
كنت عايز اعرف ايه احسن طريقة اخلع بيها استيكر صغير كنت لازقه ع الشنطة من كام سنة كده - كنت شاري شريط فسفوري (شريط عاكس) وكنت مصمم الاستيكر ولازقه ع العربية
دلوقت انا عايز اشيله عشان شكله ملفت وانتو عارفين المرور
ازاي بقى اشيله من غير ما اجرح الدهان او يسيب اثر
مع العلم الدهان ميتالك (مش عارف تفرق والا لأ؟؟!!)
وشكرا مقدما :005:
بسن قطر بشويش تخرج الطرف وتشيل بايدك و مكان اللزق بفوطه عليها شويه بنزين امسح مكان اللزق
بص ياباشا انا عن نفسي شلت استيكرات كتير اوي من العربية
واهم حاجة انك تخلي الاستيكر بايش عشان يطلع بسهولة
انا كنت بجيب قطعة قماش او اسفنجة واغرقها مية واحاول اسيبها ع الاستيكر اطول فترة ممكنة وطول مهي موجودة ع الاستيكر حول دايما انها تكون مبللة جامد عشان خاطر الاستيكر يبوش
وبعد مالاستيكر يبوش تقدر تحكه بايدك كده واحدة واحدة لحد ميطلع كله وبلاش تستخدم اي حاجة وانت بتشيل الاستكر عشان جسم العربية ميتجرحش
هي العملية متعبة شوية بس دي الطريقة اللي انا اعرفها
في انتظر باقي الاعضاء لو حد يععرف طريقة اسهل
يارب اكون افدتك
انا كنت بريح دماغي و اجيب اسيتون و بحتيت قطنه و امسح بيطلع طيران و منغير مياثر علي العربية بس اهم حاجة بشويش و بهدوء و ممكن يكون في طرق تانيه افضل
هو تشيله بالراحه
و مطرح اللزق تمسحه بفوطه مبلوله بنزين:)
نضف مكان اللزق بقطنة وشوية بنزين او تنر.
شكرا ليكو يا شباب وهابقى اقولكم عملت ايه
استخدم wd 40 فهو مخصص لذلك
باللفظ اسال عنه فى محطات البنزين
وهات العبوة الصغيرة كمان
بس هات الاصلى-الانجليزى-غير كده ما تجبش
شكرا على الافادة وانا عندي الأصلياقتباس:
المشاركة الأصلية كتبت بواسطة ahmedfouad
تقصد ارش عليه واسيبه شويه واخلعه؟.
ياريت تفسير
عرض العربيه وبالذات مكان الاستيكر للشمس المباشرة لمده نص ساعه مثلا"بس تكون الشمس فى عزها الساعه 1او 2 كده" وتجيب سفنجه بميه او تونر مع صوابعك بلاش اى اله حاده ... اهم حاجة الشمس هى ممكن لوحدها مع صوابعك تشيل اى لزق
شكرا ليك على المشاركة القيمةاقتباس:
المشاركة الأصلية كتبت بواسطة Yarisawy
أوعي تشيل مكان اللزق بالتنر ده حامي أوي علي العربيه ممكن تعملها يا ببنزين زي ما بقيت الاعضاء ما قالو أو شويه جاز أنا كان عندي استيكر وشيلتو بجاز وطلع اللزق الي تحت الاستيكر بسهوله ... بس أنت شكلك شيلتو من زماننننن :)