ونة من الموتور

**ابومتولى** · 12-01-2014 09:51 PM

الاخوة الافاضل
نوبيرا 2000 كورى بسمع صوت من الموتور عند الضغط الجامد على دواسة البنزين يشبه الونة اكثر من ميكانيكى قال لى عايزة عمرة او نصف عمرة علما باننى لااقرص على الغيار او مش بكبس على البنزين جامد حتى لااصل لصوت الونة والعربية ماشية زى الفل وسحبها تمام فهل الكلام ده مضبوط

هو فيه استفسار بسيط هل يوجد صوت او ونة من الموتور اول ما نسمعه يتقال ان الموتور عايز عمرة او نص عمرة وذلك عندما نزود بنزين لحد معين سواء العربية ماشية او واقفة

**zendo** · 12-01-2014 10:42 PM

ازاى يعنى دول صانيعية كفتجية وبيشتغلوك سيبك منهم وروح لواحد بيفهم الونة ملهاش علاقة بعمرة الموتور وهتلاقى الونة دى ممكن من السيور راجع عليها يا اما غالبا بلية دينمو او شداد ولو انت ماشى يبقى بلى العجل
انما بقى عمرة الموتور تخص الزيت بينقص ولا لا
فيه دخنة طالعة بيضة او بياض مزرق وممكن دخنة سوده من الصباب بس دى نص عمرة
كبس الموتور ضعيف موتور خفيف يعنى

**ابومتولى** · 13-01-2014 12:44 AM

المشاركة الأصلية كتبت بواسطة zendo

ازاى يعنى دول صانيعية كفتجية وبيشتغلوك سيبك منهم وروح لواحد بيفهم الونة ملهاش علاقة بعمرة الموتور وهتلاقى الونة دى ممكن من السيور راجع عليها يا اما غالبا بلية دينمو او شداد ولو انت ماشى يبقى بلى العجل
انما بقى عمرة الموتور تخص الزيت بينقص ولا لا
فيه دخنة طالعة بيضة او بياض مزرق وممكن دخنة سوده من الصباب بس دى نص عمرة
كبس الموتور ضعيف موتور خفيف يعنى

مشكوووور اخى الفاضل وبارك الله فيك على الرد
بس فيه واحد من الميكانيكية كان قالى ممكن تكون سبايك وممكن يغيرها من كارتيرة الزيت لما اجى اغير زيت

**sanhoty2000** · 14-01-2014 09:18 PM

بص ياريس
ممكن تكون الونه دى من كذا حاجه
بلى او سيور او ممكن تكون حاجه فى الشكمان مع الرجه الخفيفه تسمع صوت ونه او حاجه فى العفشه وممكن تكون محتاج تظبيط عفشه لكن لو الماتور عاوز عمره او نص ده مش بيتحدد من الصوت ده ليه اسباب يتعرف منها اذا كان الماتور عاوز عمره ولا لا وزى مااخونا zendo قالك وسيبك من فتى الصنايعيه واللى بيفتحو شغل و بيشتغلو الناس
حضرتك ساكن فين و اكيد احد الاعضاء هنا فى المنتدى هيدلك على واحد يكون تمام فى شغله يعنى صنيعى فاهم مش جة معاه كده بالحظ
ده رائي المتواضع من احوك

**ابومتولى** · 14-01-2014 11:14 PM

المشاركة الأصلية كتبت بواسطة sanhoty2000

بص ياريس
ممكن تكون الونه دى من كذا حاجه
بلى او سيور او ممكن تكون حاجه فى الشكمان مع الرجه الخفيفه تسمع صوت ونه او حاجه فى العفشه وممكن تكون محتاج تظبيط عفشه لكن لو الماتور عاوز عمره او نص ده مش بيتحدد من الصوت ده ليه اسباب يتعرف منها اذا كان الماتور عاوز عمره ولا لا وزى مااخونا zendo قالك وسيبك من فتى الصنايعيه واللى بيفتحو شغل و بيشتغلو الناس
حضرتك ساكن فين و اكيد احد الاعضاء هنا فى المنتدى هيدلك على واحد يكون تمام فى شغله يعنى صنيعى فاهم مش جة معاه كده بالحظ
ده رائي المتواضع من احوك

بارك الله فيك على الرد اخى الفاضل
سوف انتظر الى ان اتوصل الى صنيعى يتقى الله ويكون فاهم كويس وما يدوخناش معاها
وانا اقيم في قنا - نجع حمادى اذا كان فيه اى اخ فاضل يعرف حد قريب منى يقولى واكون شاكر