النهارده نجوت من الموت باعجوبه بطلع من عربيه قدامي والبيه قرر يطلع من نص نقل قدامه طيب مش يدي اشاره لأ طيب مش يبص في المرايه يشوف حد وراه لأ المهم بقيت انا وهو والنص نقل جنب بعض ولقيت مقطوره جايه قدامي ضربت فرامل علشان ارجع وراه البيه اللي قدامي ضرب فرامل معايه المهم قررت احدف يمين وادخل فيه يمكن صاحب المقطوره يلاقي مسافه يعدي منها بس للاسف دخلت فيه راحت العربيه بتاعتي حدفت شمال تاني ناحيه المقطوره لفيت يمين تاني كان اللي قدامي عدي شويه بس ماتحكمتش في العربيه ولفت مني ناحيه المقطوره تاني وحاجه قالتلي دوس بنزين بسرعه ودوست والحمد لله فلت من الوحش باعجوبه الكلام ده حصل في ثانيتين بالكتير المهم صاحب العربيه اللي كانت قدامي نازل يقولي بوظتلي باب العربيه طيب حد منكم يرد عليه علشان انا زعلان من نفسي جدا لاني ماتشاهدتش وانا بشوف الموت