الثبات و المتانة والاعتمادية فى النقل.ميكروباص.ملاكى

السلام عليكم ورحمة الله وبركاته

كلنا هنا فى المنتدى يهمنا الثبات والاعتمادية فى العربيات الملاكى
بس هل حد مننا فكر قى الثبات والاعتمادية بالنسبة لميكروباص مثلا
كلنا عارفين السوزوكى فان
وميكروباص التويوتا
وشيفروليه الدبابة

https://e0415552026373f497aa-7944524...de09b/main.jpg


https://s3.amazonaws.com/s3.dubizzle..._CP_photo.jpeg

https://e0415552026373f497aa-7944524...82763/main.jpg

وسواقة المعلمين ليها
الناس دى بتسوق عادى جدا ومش بيهمها حاجة
وكلو شغال ومقالش لا
طيب ايه المشكلة فى الملاكى
لما اجى مثلا افكر فى عربية ملاكى
اسمع كلام يكرهنى فيها
عن الثبات وكلام كتير ممكن ميكونش مهم اوى
لان فى الاول والاخر دى حاجة بتاعت ربنا
والعربيات بردو فى حوادثها بتتبهدل وكلنا عارفين حادثة الممثل بول والكر وعربيته
محدش يقدر يتكلم ويقول كلمة عن العربية لانها ماركة تيقيلة وغالية جدا بس فى الاخر مات
فى احنا ليه موسوسين بالنسبة للعربيات ونفضل نلف حوالين نفسنا عشان بنختار عربية
هيا مهما كانت عربية اقتصادية فاركب وعيش يا معلم من غير تعقيد وسبها على الله ولا انتو شايفين ايه

انا ذكرت الانواع دى لانى بقصد بكلامى العربيات الملاكى الى بتكون عالية
زى التيريوس والتيجو والجيب
مع ان انا شايف ان دى انسب عربيات لشوارع لمصر
بس تيجى تسال حد يقلك مش ثابتة وبتتقلب وكلام كتير يخليك تغير تفكيرك
وتلاقى نفسك مضطر تركب عربية واطية وبتحك فى كل المطبات لمجرد ان حد نصحك بيها عشان ثابتة
طيب هل كل المصرين شوماخر وبيجرو على 160 فيما فوق ومقضينها سباق

كل واحد و طبيعة سواقته و الاماكن الى بيمشى فيها

فى ناس عمرها ما بتعدى ال 100 و دول بالنسبالهم كل العربيات ثابته جدا و بيدوروا على العربية المريحة و دايما بيبقوا كبار فى السن

فى ناس اخرها 120 مره فى السنة و دول بالنسبالهم اى عربية سيدان حلوه جدا

فى ناس مشيها فى طرق مكسرة و بتطلع بالعربية حتت فيها تكسيرات كبيره و دول بالنسبالهم الجيب هتبقى حلوه او ما شابهها

كل واحد بيجيب العربية على حسب احتياجة الشخصى

بالنسبة للسوزوكى الفان معظم السواقين بيركبولها فلانشات و جنوط و كاوتش اعرض عشان يعرفوا يعدوا ال 80 او ال 100 من غير ما تقلب بيهم

التويوتا للعلم اثبت ميكروباص ماشى فى مصر حاليا ارتفاعه عن الارض مش كبير عرضة و طوله بيدوله ثبات كويس جدا

العربية النص نقل ثباتها لطيف لغايه 140 و فى ناس بتطير بيها

الناس بتوع الملاكى بيفكروا كتير عشان دى عربية بيدفع فيها فلوس و مبتجيبش فلوس فبيبقى عايز منها كل الى هوه عايزه و يقدر ياخده فى حدود المبلغ الى معاه

مثلا واحد عنده 60 سنة معاه من 5 سنين 100 الف جاب تويوتا 2007 ال 1300 سى سى عشان دى الى بتلبيله كل احتياجاته بالمبلغ الى معاه و بالنسبالة احسن و اثبت عربية فى الدنيا مع ان كل الناس عارفه انها بعد ال 120 العن من اللانوس بس هوه عمره ما جاب 120 فى حياته و كبيره 100 لو جابها

شاب عنده 20 سنة معاه 70 الف عايز عربية بتجرى راح جاب فيرنا على الرغم من عيوبها

كل واحد بيجيب العربية الى تريحة

مثلا انا واحد من الناس بدور على ثبات العربية قبل اى حاجة تانية فيها ده المهم بالنسبالى فعلى قد فلوسى هجيب اثبت عربية بالمبلغ ده و تقريبا كل المصريين كده

اقتباس:

---

المشاركة الأصلية كتبت بواسطة algazar2

كل واحد و طبيعة سواقته و الاماكن الى بيمشى فيها

فى ناس عمرها ما بتعدى ال 100 و دول بالنسبالهم كل العربيات ثابته جدا و بيدوروا على العربية المريحة و دايما بيبقوا كبار فى السن

فى ناس اخرها 120 مره فى السنة و دول بالنسبالهم اى عربية سيدان حلوه جدا

فى ناس مشيها فى طرق مكسرة و بتطلع بالعربية حتت فيها تكسيرات كبيره و دول بالنسبالهم الجيب هتبقى حلوه او ما شابهها

كل واحد بيجيب العربية على حسب احتياجة الشخصى

بالنسبة للسوزوكى الفان معظم السواقين بيركبولها فلانشات و جنوط و كاوتش اعرض عشان يعرفوا يعدوا ال 80 او ال 100 من غير ما تقلب بيهم

التويوتا للعلم اثبت ميكروباص ماشى فى مصر حاليا ارتفاعه عن الارض مش كبير عرضة و طوله بيدوله ثبات كويس جدا

العربية النص نقل ثباتها لطيف لغايه 140 و فى ناس بتطير بيها

الناس بتوع الملاكى بيفكروا كتير عشان دى عربية بيدفع فيها فلوس و مبتجيبش فلوس فبيبقى عايز منها كل الى هوه عايزه و يقدر ياخده فى حدود المبلغ الى معاه

مثلا واحد عنده 60 سنة معاه من 5 سنين 100 الف جاب تويوتا 2007 ال 1300 سى سى عشان دى الى بتلبيله كل احتياجاته بالمبلغ الى معاه و بالنسبالة احسن و اثبت عربية فى الدنيا مع ان كل الناس عارفه انها بعد ال 120 العن من اللانوس بس هوه عمره ما جاب 120 فى حياته و كبيره 100 لو جابها

شاب عنده 20 سنة معاه 70 الف عايز عربية بتجرى راح جاب فيرنا على الرغم من عيوبها

كل واحد بيجيب العربية الى تريحة





مثلا انا واحد من الناس بدور على ثبات العربية قبل اى حاجة تانية فيها ده المهم بالنسبالى فعلى قد فلوسى هجيب اثبت عربية بالمبلغ ده و تقريبا كل المصريين كده

---

كلام سليم جدا
كل واحد بيشتري العربيه اللي تلبي احتياجاته
وبتكون في نظره افضل عربيه

طيب استاذ hugan حضرتك من ملاك التيجو
يا ريت تفيدنا برائيك فى العربية من حيث الثبات والاعتمادية
وكذلك باقى الاعضاء كل واحد يقول رائيه فى عربيته وثباتها بحيث الموضوع يكون مفيد للكل

اقتباس:

---

المشاركة الأصلية كتبت بواسطة speranz

طيب استاذ hugan حضرتك من ملاك التيجو
يا ريت تفيدنا برائيك فى العربية من حيث الثبات والاعتمادية
وكذلك باقى الاعضاء كل واحد يقول رائيه فى عربيته وثباتها بحيث الموضوع يكون مفيد للكل

---

انامن الناس اللي اي عربيه ثابته بالنسبه ليهم لحد 120
لاءن ده اخري حتي لو راكب جاجوار
لكن التيجو ومن قبلها ال516 ثباتهم مرضي بالنسبه لي
ال516 كنت بامشي بيها 150 بدون قلق
لكن مش في اي طريق
العلمين العين السخنه الساحلي الدولي
غير كده اخر ي 120
التيجو اخري بيها 140 وكده رضا قوي لكن الطبيعي 120
الاعتماديه عربيات محترمه وجيده لدرجه كبيره جدا
خاصه ان استهلاكي عالي للعربيات
وشغال في المقاولات
يعني طرق مسكره
وعمال وسلالم وخامات بتتحمل في العربيه او علي سقفها
مفيش صيانه في العربيه اكتر من الطبيعي
فلاتر
زيوت
كاتينه
تيل
الاستهلاك الطبيعي لاءي عربيه
مع العلم ان العربيه معايا




اي عربيه
ماينفعش تكون تعبانه او فيها مشاكل لائنها مش هاتسد
او تسغفني في الشغل
لذلك ان من اشد مناصري الاسبرانزا لائنها عربيات محترمه وشقيانه معايا
باستغرب جدا من الناس اللي بتقول انها مش اعتماديه او ضعيفه

انا راي ان كل عربية ليها قدرات
والشخص المميز الي يعرف ياخد اقصي مميزات العربية
بدون ما يدمرها