عندي اعتراض علي اسعار المستعمل

**ahmad--ezzat** · 13-01-2014 02:35 PM

سلام عليكم...باختصااااار
شديد
جدا

انا دايما بحب اخد لفه علي اسعار المستعمل والجديد من فتره للتانية

الاسعار غريبه جدا جدا...يعني نفترض العربيه سعرها 200 الف زيرو....المستعمل بتاعها 190 ويكون عدادها عامل 15 الف كيلو

طيب ما انا اللي يخليني ادفع 190 الف في عربيه ماشيه 15 او 18 الف...ازود 10 الاف واجيبها زيرو

قيس علي كده حجات كتير جدا

وكتير من الاعلانات غريبه فعلا.... يقلك كيا بيكانتو 2012 ماشيه 20 الف كيلو عامله 82 الف جنيه

بيكانتو شكل قديم يكون طالع عنيها موديل 2010 يقلك 68 الف

هي الاسعار كده عاديه ولا لناس بتستهبل!!!!

**amoor89** · 13-01-2014 02:37 PM

ببساطة الناس بتستهبل + ان كل يوم قيمة الجنيه بتقل عن اليوم اللى قبله بصورة بشعة

**hugan** · 13-01-2014 02:39 PM

ضع نفسك مكان الطرف الاخر
البائع عايز مايخسرش
والمشتر ي عايز يشتري باقل سعر

**Abdulrahman M** · 13-01-2014 02:53 PM

المشاركة الأصلية كتبت بواسطة amoor89

ببساطة الناس بتستهبل + ان كل يوم قيمة الجنيه بتقل عن اليوم اللى قبله بصورة بشعة

+++++++++++++++++++++++++++++++++++++++

**Theredbaron** · 13-01-2014 03:05 PM

المشاركة الأصلية كتبت بواسطة amoor89

ببساطة الناس بتستهبل + ان كل يوم قيمة الجنيه بتقل عن اليوم اللى قبله بصورة بشعة

فعلا قيمة الجنيه باقت قليلة, أفتكر زمان و انا صغير الخمسة جنيه دي كانت بالنسبالي حلم و كانت بتجيب حاجات كتير جدا بيها و ممكن تقعد بيها أسبوع لحادة ما تخلص, للأسف دلوقتي عشان يبقى اسمك بتتكلم في فلوس يبقى أقل وحدة تتكلم بيها هي الآلاف يعني المئات مبقاش ليها قيمة حتى.

**mazen.com** · 13-01-2014 03:47 PM

موضعك جميل جدا

**mazen.com** · 13-01-2014 03:53 PM

الوحد كل ما يجى يدور فعلا على عربيه يالقى نفسلا الكلام اللى حضرتك بتقوله المشكله ان سعر الجنيه فى الارض والناس بتستغل ده يعنى مثلا تلاقى واحد عايز يبيع اللانسر موديل 2008 زى ما كان جايبها انا جتلى عقده من العربيات

**Batman372** · 13-01-2014 04:12 PM

يعد التحيه ...

موضوع البحث عن مستعمل بحاله ممتازه و بسعر معقول ... محتاج بحث دقيق و صبر شديد .. حتى العثور على المطلوب ...

غير كده كل الى حضرتك ذكرته مظبوط ...لان اغلب الى عارض عربيته بنفسه للبيع هو فى الاساس مش بيبيع و عارف و متأكد بنسبه كبيره ان المبلغ الى طالبه محدش حيدفعه له ... فبالتالى بيحلل لنفسه الاحتفاظ بالعربيه على اساس انها مجابتشى الى هو طالبه ... و فرضا لو باع بالسعر العالى فيبيقى مش عارف حيركب ايه بعد كده !!

لكن فى المقابل .. الى بيقرر يبيع فعليا و جادى و عارف ايه الى حيشتريه بعد كده و مظبط الميزانيه او لظروف معينه كالسفر مثلا .. بيبقى عارف السوق و الدنيا ماشيع ازاى و عرض التجار الكاش له ... و يبتدى بالاعلان بالسعر العالى على اساس ان المحاوله مش حتخسر لعل و عسى .. ثم يبتدى ينزل تدريجى حتى الوصول للطبيعى مع مشترى جادى و جاهز ... او لو البائع زهق و ده حالاته كتيره جدا ... بيضطر فى الاخر يبيع لتاجر ... و العربيات الكسر المنتشره فى المعارض دليل على ذلك ..

غير كده الى مستعجل و معندهوش صبر ... يا بيشترى بالعالى ... و لما يعيد البيع بيعرف انه استعجل و دفع زياده ... او يخلص فى زيرو و يريح دماغه و يشترى وقته :)

تحياتى ...

**mhoreya** · 13-01-2014 04:40 PM

انا بدور على كرولا موديلات من 2011 -2013 و شوفت العجب ... 2013 زيرة اصلا ب 162 وكيل و فى خليجى ب 156 خد عندك بقى ..
2013 وكيل عداد 19000 مطلوب 160
2013 خليجى عداد 1400 مطلوب 160 ( اه و الله عشان صاحبها دافع تسجيل و مركب فرش جلد )
2013 خليجى عداد 17000 مطلوب 155
طبعا ده غير الهايلاين الى كانت فى التوكيل ب 179 زيرو و دلوقتى مش موجود منها زيرو و موجودة كسر زيرو و اسعارها كالاتى
2013 عداد 800 كيلو مطلوب 200000
2013 عداد 12000 مطلوب 190000
2012 عداد 6000 مطلوب 185000

كل الى فات ده عينة من العربيات الى شوفتها و مازات البحث على كرولا بسعر مناسب مستمر

-

الموضوع: عندي اعتراض علي اسعار المستعمل

LinkBack

أدوات الموضوع

عرض

عندي اعتراض علي اسعار المستعمل - انشر الموضوع فى :

-

-

-

المواضيع المتشابهه

خبر حلو عن التاكسي - لكن عندي اعتراض صغير

اسعار المرسيدس المستعمل؟؟

اسعار الهوندا المستعمل

هي اسعار المستعمل رخصت ولا ايه؟

الكلمات الدلالية لهذا الموضوع

المفضلات

المفضلات

ضوابط المشاركة