سلام عليكم لو سمحت ياباشا انا هنزل فى فندق فى الجيزة اللى هو intercontinental pyramids park resort عند الكيلو 2.5 القاهرة اسكندريه الصحراوى وكنت عاوز اعرف اروحله ازاى من طنطا وازاى ارجع منه لطنطا برضو يارييت تساعدونى وشكراااااا
عرض للطباعة
سلام عليكم لو سمحت ياباشا انا هنزل فى فندق فى الجيزة اللى هو intercontinental pyramids park resort عند الكيلو 2.5 القاهرة اسكندريه الصحراوى وكنت عاوز اعرف اروحله ازاى من طنطا وازاى ارجع منه لطنطا برضو يارييت تساعدونى وشكراااااا
هتيجى زراعى و تطلع دائرى من اول طلعه و تكمل لحد اسكندريه الصحراوى ... مش متاكد الفندق تنزل يمين ولا شمال بس غالبا هو يمن اول ما تنزل من الدائرى ... ممكن تكلمهم تسال لو انت جاى دائرى من ناحية الزراعى تنزل اتجاه اسكندريه (يمين) ولا اتجاه الرمايه(شمال)
الف شكر لييك يا باشا على مشاركتك بس انا لو عاوز اجى بمواصلات اركب ايه معلش هتعبك معايا !!!
مواصلات .... مجربتش بنفسى و معرفش بصراحه مدى توافر المواصلات المختلفه بس ممكن كزا حاجه
1- تنزل عند الدائرى و تركب اى حاجه رايحه الرمايه و تنزل عند الصحراوى او تاخد تاكسى من هناك
2- تكمل لحد اول محطة مترو انفاق و تركب للجامعه و تنزل تاخد تاكسى (و تقوله يمشى على محور صفط) هيقرب المسافه
3- تتنطط فى المواصلات لحد الرمايه و تاخد من هناك تاكسى حاجه بسيطه
اسهل حل بس ممكن يبقى مكلف شويه الاولانى و تاخد تاكسى ... الاوفر نمره 3 بس بهدله ... نمره 2 شوية بهدله و ماظنش التاكسى هيوفر كتير
ربنا يكرمك بحد يكون عارف اكتر منى
انزل مؤسسة
اركب ميكروباص هرم دائرى
انزل اقرب مكان لميدان الرماية
هتاخد تاكسى المسافة دى
او هتنزل موقف مشعل وهناك ميكروباصات بتعدى على الفندق
شوف ميكروباص الكيلو 10 او 28 دول ارخصهم فى الاجرة للمشوار ده
الف شكر لتفاعلكم يا جماعه وربنا يباركلكم بجد متشكر
المؤسسة : ميدان المؤسسة او شبرا الخيمة
اخر الطريق الزراعى
هرم دائرى : بيروح الهرم عن الطريق الدائرى
بينزلك ميدان رماية او موقف ميكروباصات اسمه موقف مشعل فى اخر شاعر الهرم
فى الحالتين فيه ميكروباصات توديك عند الفندق
اى استفسار تحت امرك