الموضوع: The only sports optra in egypt

هى المراية اللى حضرتك مركبها دى اللى معاها كاميرا و باركينج سبنسور؟ ممكن تقولى هى كويسة و اللا تعبانة عشان اعاوز اشترى واحدة

روعه بس لو بتعتك

walidadelربنا يباركلك فيها حلوه ما شاء الله
بس ياريت تحكيلي تجريتك مع تركيب فتحة سقف و هل في اي مشاكل منها لا قدر الله
ربنا يباركلك انت كمان ياوليد والفتحة مريحانى لحد دلوقتى:drool5: وهبقى احكى كل حاجة عنها فى موضوع تانى ان شاء الله


شاهين - بنزبجد شغل نضيييييييف جدا جدا جدا بالذات الإكصدام الخلفي تحفة
ربنا يباركلك فيها
بس بعد إزنك عندي فضول أعرف العربية متصورة فيين أصله مكان رائع أووي
ربنا يبارك فيك ويحفظك يابنز الصورة دى كانت الساعة 7 الصبح فى مارينا (5) عارف الشارع اللى فيه كافيهات كتير على اليمين كده هتلاقى فى كوبرى بعديها وبعديه هتلاقى المكان ده على اليمين دخلة مفتوحة كدة بس المكان فعلا جامد مووت



nader makramممكن اعرف عملت الشغل دة عند مين و البودى كيت جبتة منبين و بكام
شكرا
بص يانادر دى خامس مرة فى خلال 3 سنين اغير البودى كيت
مرة عند سيد حواجب ومرة عند محمد القاضى وتانى عند حواجب ومرة عند اولاد (مش فاكر اسمهم ايه ) بس هيا اسمها الشركة الدولية للفيبر المهم فى الاخر قلت اجرب بســـــــــــــــــــــــ ام انا عارف المحل من زمان وشفت شغله بس عارف انه غالى فقلت اجربه وطلع شغله نظيف وتقيل وطبعا انت اللى بتقوله يعمل ايه وازاى وانا جبتلو صور وقعدنا نختار ايه اللى ينفعنا.الفيبر 2100 والرش 3200



MedoMurcilagoماشاء الله العربية حلوة جدا

بس انتا متهيألي ناقصك لعب ف الفرش بس
الله يكرمك هيا فعلا ناقصها الفرش بس انا مكسل اوى اشتغل فيه


thebraveeagleما شاء الله

ربنا يحفظك من كل عين MaZaGAngeEجميلة جدا
شغل ممتاز

ربنا يحفظكم ويكرمكم وألف شكر على ردودكم



beeبسم الله ما شاء الله ربنا يباركلك فيها
هي ناقصها بس شوية استكرات :)
بس هي تحفة ربنا يحفظهالك

ربنا يكرمك يا نحلة بس أصلى مش من هوات الاستيكرات بس شكرا على الملاحظة


MedaSamواضح فعلا انك مظبت كل حته في العربيه بره و جوه ....... ما شاء الله ربنا يباركلك فيها
ال steering wheel جااااااااامده التينيييييييين ..... و لايقه على لون العربيه ....... جبتها منين و بكام؟
ال rear bumper تحفه موووووووت ........
بس بصراحه أنا شايف ان ال front bumper مش عالي و جامد زي الباقي .... في حته زياده من تحت مش ظريفه
أنا برضه كنت عايز أعرف فين المكان اللي صورت فيه ...... شكله جامد
و ألف مبروك يا باشا

ربنا يخليك ليا يا ميدا الستيرينج ويل من اربكوم بس من سنة وشوية وكانت عامله 1200 وأنا معاك الفرونت بمبر انا بفكر اغير شوية فى شكله وشكرا للنصيحة



blazerبسم الله ماشاء الله
عربيه تحفه فعلا بلذات الصوره دى مبينه كل الشغل اللى اتعمل تقريبا
http://www.postimage.org/image.php?v=aV28Zqlr
ياريت بعد اذنك لو تفيدنا الحاجات دى عملتها فين :):)

الله يكرمك يا بليزر هيا الحاجات مخرجتش من ارابكوم لبســـــام طبعا بسام فى الحرفيين فى المربع اللى ورا عبد السلام بتاع ال بى ام



nader makramهى المراية اللى حضرتك مركبها دى اللى معاها كاميرا و باركينج سبنسور؟ ممكن تقولى هى كويسة و اللا تعبانة عشان اعاوز اشترى واحدة

بص يانادر المراية دى معهاش حاجة خالص لأنى شوفت الباركينج سينسور بس مشدنيش وكمان شفت الكاميرا ومعجبتنيش بس سمعت ان فى كاميرا جديدة اقوى فى الريزيليوشن وبتحط على الازاز اللى ورا من جوه ( ممكن تنفع فى الغرز والكلام ده ) واللى معايا دى كويسة وبقالها 9 شهور وكانت ب 650 او 750 مش فاكر بصراحة



mossoبسم الله ما شاء الله جميله جدا,
بس بصراحه من قدام الحته الي زايده من تحت كانت عايزه تبقى اقل شويه و بصراحه و بدون زعل يعني مش عاجبني الدركسيون حاسس ان الفابريكه احلى لانك اصلا مش لاعب في التابلوه,
و كمان مش شايف لزمه لعداد Rpm على التابلوه لان العربيه فيها اصلا و ده منظر بس,
غير كده بسم الله ما شاء الله جميله جدا

ربنا يخليك يا موسو وأنا معاك من قدام عايزا شغل شوية أما بالنسبة للدركسيون انا عايز اقوللك انى فعلا غيرت لون التابلو الى الفضى و كمان هبقى انزل صور العربية بالليل لأنها بجد شكل تانى خالص (مفاجأة)ولما تشوفها بالليل هيبان ان ال اربقى ام لايق مع الشغل ككل وشكرا ليك على ملاحظتك

drlifewhyl2 zo2ak 3aly ybasha el sho3'l klo tmaam bs el tara el sport msh mashya m3 ay colours mwgooda y3ny lw knt gbtha bloon el 3rbia mn bra i think kant tb2a a7la
bs nice job yaman rbna ybarklak feha
ربنا يخليك يا دكتور بس صدقنى انا يوم مجيت اشترى الطارة جبت الأزرق بس مكنش جامد زى منتا متخيل وهبقى اوريك صور ليها من جوا تبقى تحكم وألف شكرا للأستشارة

yahoo_kokoروعه بس لو بتعتك
لوووول ماشى ياعم كوكو طب ولو مش بتاعتى تبقى وحشة يعنى؟
لأ ياعم الحمد لله دى بتاعتى وده الشغل اللى قعدت ايام كتير بتعب فيه وبالذات أيام الحرفيين اللى بجد عمرى مرحت أعمل حاجة ولو صغيرة من غير مقعد يـــــــوم كامل هناك.
على العموم ألف شكر ليك على كلمة روعة بس لو من قلبك


drlifewhyاقتباس:
أرسل أصلا بواسطة yahoo_koko
روعه بس لو بتعتك

ههههههههههه يعنى ياباشا مأجرها عشان يعمل فيها الشغل دا كله ماتشوف ياباشا اول الموضوع :)
ألف شكر يادكتور لردك وبعدين خطك حلو فى العربى اهو ياعم