الموضوع: يا ترى لسة فى رجال فى زمن ماتت فيه الرجولة؟ممكن حد يفهم مشكلتى؟

المشاركة الأصلية كتبت بواسطة medo84eg

تصدقوني اني اقولك اني بجد اتأثرت جدا و حزنت حزن شديد
بصراحه مكنتش عاوز ارد لاني معنديش كلام مناسب
بس في كلمتين نفسي اقولهوملك يا wounded woman
اول شيء اعلمي ان كل شيء بمقدار و ان كل واحد في الدنيا ربنا بيبتليه في شيء و بيعوضه في شيء تاني
يعني انتي شايفه ان الموضوع ده بيضايقك
متفتكريش انك انتي الوحيده اللي بتعاني من المشكله دي ( ضعف شخصية الاب ) بالعكس دي متفشية اوي اوي في بيوتنا
و ده زي منتي قولتي بالظبط نابع من الوالد و الوالدة ( ربنا يحفظهم و يعزهم )
بس احييكي انك اشتكيتي و حبيتي تتكلمي مع حد و جتلك الشجاعة تتكلمي بصراحه
صدقيني بمنتهي الامانه مجتمعنا بيعاني من ازمات في الاختلاط معاناه رهيبه و بيعاني من مشاكل اسرية و بيعاني من لبس البنات و بيعاني من نصرف الشباب بقي عندنا ازمة اخلاق بجد
ثانيا اسمحيلي اناقش معاكي شيء موضوع الوالد صدقيني الحال ده مش السبب فيه الوالد بس لا خالص ده نصه علي الوالد و نصه علي الوالده ( و لو ان ده واقع و مينفعش نتكلم فيه دلوقتي )
ثالثا بقي و الله انا فرحت اوي بشيء جميل انتي ربنا انعم عليكي بشيء جميل جدا مختيش بالك منه
1- انك في ظل ان زميلاتك انخرطوا في علاقات عادية عند الشباب ( حب و صداقه و الذي منه ) انتي اعترضتي علي ده و رفضيه و بجد تحمدي ربنا انه وهبك ايمان من عنده من غير ما حد يعلمهولك
2- انك من نفسك ايقنتي ان انك لازم تلبسي اللبس المناسب و ان الستر و العفه هي السكة القويمه اللي فيها السعاده الصدقة مش مجرد لبس علي الموضه او ان الناس يفرحوا بجمالك اللي هما لا يمتلكوه اساسا
3-انك حاربتي اهلك اللي ربوكي و علموكي ازاي تلبسي ..قاومتيهم و لبستي اللبس اللي انتي شايفاه يوصلك للحياه اللي بتتمنيها
4-احمدي ربنا انك وقفتي علاقتك الزوجيه في وقت مناسب و قولي الف حمد و شكر لله يا عالم مش ممكن كنتي تبقي ضعيفه و يسيبك معلقه و متطلقيش الحمد لله ان ربنا رد ليكي حريتك و كمان ان مفيش اولاد ........ تخيلي كنتي تعيشي معاه مخدوعه 10 سنين مثلا و تتعلقي بيه اوي و بعدين يتغير و يبقي انسان وحش او تكتشفيه علي حقيقته ؟ هيبقي مر عمر طول و هتنجرحي جرح كبير و كمان هيبقي فيه اولاد و الدنيا هتبقي صعبه
5- احمد ربنا انك من نفسك و بهداية الله ليكي اتوجهتي لحفظ القرءان بسم الله ما شاء الله بجد قولي الحمد لله انتي كل ما تحصلك ازمة ربنا بينورلك شيء في حياتك اكتر في بنات لما بتطلق او في العموم لما اي انسان بيحصله بلاء بتلاقيه صدره ضيق و متضايق و بيعترض و ممكن بيتجه اتجاهات سيئة بحجة انه حزين و ضايع و تايه ............ دنتي بجد في نعمه ما شاء الله بجد لازم تبقي سعيده

انا اسف اني اطلت عليكي بس انتي بسم الله ما شاء الله ردود افعالك علي المواقف ربنا يحميكي و يزيدك ايمان و يسعد قلبك يا رب العالمين و ينور حياتك
و احمدي ربنا و افرحي لسببين
الاول ان كل ما تحصل ازمة بتقربي لربنا اكتر
الثاني بجد و اللي لازم تفرحي بيه ان ربنا مديكي بصيرة شايفه الصح و الغلط . طب ياما في ناس في مواقف اقل منك بكتير و يقولك يا عم عادي و كبر مخك و مفيش مشاكل و عديها و ميفكرش فين الصح و الغلط و ناس تانيه بتبقي شايفه الغلط صح و الصح غلط فانتي ما شاء الله في نعمة كبيرة

نصيحة ليكي بصي لقدام و قويي علاقتك بربنا اكتر و قربي اكتر انتي ان شاء الله ربنا هيديكي كتير باذن الله اللي بيجتهد و بيخلص نيته ربنا بيديله اكيد
و اسف للاطالة بجد بس حسيت اني بجد اتأثرت بالموقف كتير و فرحت بتصرفاتك
ما شاء الله

والله فى الحقيقة انا مش عارفة اشكركم كلكم ازاى
كل واحد اعطى نصيحة غالية
او حتى الناس الى هاجمت بكلمات جارحة ..وشكوك وظنون ....عفا الله عنهم جميعا
---------------------------------------------
وانا بشكر صاحب المشاركة .........حقيقى كلمات تكتب بماء الذهب ....سأحفظها عندى على الهارد
وسأحفظ النصائح السابقة ان شاء الله
لكن فى الحقيقة ان ليست شجاعتى هى السبب ولكنه توفيق الله تبارك وتعالى
وفعلا انا لما بشوف حال غيرى بحمد ربنا على حالى وبسجد شكر لله

واشكر حضرتك دعائك لبابايا ومامتى واحترامهم فى غيابهم
......حقا بدأت اصدق ان مصر لسة بخير وان مصر شبابها لسة بخير
الحمد لله انى تأكدت ان فى رجال هيحملوا الراية بكرة .....ومصر تقوم من جديد
والحق يرجع لأصحابه

وعند حضرتك حق فى جزئية ان الوالد لا يتحمل المسؤلية كاملة عن الوصول لهذه السلبية
طبعا انا مقتنعة تماما ان مامتى عليها العبئ بنسبة 50 %
فى الحقيقة انا ساعات بحس بالشفقة عليهم هما الاتنين وبدعيلهم ان ربنا يغفرلهم ويرحمهم
دنيا واخرة
لكن هو احساس الواحدة انها تبقى راجل ومفروض تبقى ست ..........صعب اوى ....بجد ميفهموش
الا الى جربه
لكن الحمد لله على كل الى يقدره ربنا
والحمد لله فى بشريات .............
أكيد الموقع دا وشه حلو
بفضل الله ............على وشك ان انفذ مشروع ....مع احدى الطبيبات ....
مشروع لن يكلفنى الجهد فى النزول والخروج خارج المنزل كثيرا
فى نفس الوقت لن اضطر للإختلاط
وايضا البشريات الأخرى...........هى موافقة بابايا على كفالة طفلة يتيمة
الموضوع مرتبتلوش خالص ..........بس كنت بحلم بيه من صغرى
الموضوع جه صدفة باحتة .........ولقيت القدر ..شاور على انا عشان اشيله
بالاضافة ان فى بعض الافاضل .......عرضوا على اعانتى على مصاريف الطفلة
على ان أتولى رعايتها وتربيتها كاملة
انا لسة بستخير .........اسأل الله ان يعيننى على هذا الامر
واكون لها نعم الأب ونعم الأم
وأدعو الله انها تتربى بدون ما تاخد اى سلبيات من البيت
صحيح هيبقى حمل على كبير ...............بس فعلا ........دى كانت امنية حياتى من زمان
وحلمى بالامومة زى اى بنت


وجزاكم الله خيرا جميعا ........على دعواتكم المباركة .......ونصائحكم الغالية

سبحان الله و انا اللى فاكر انى شوف اكتر ناس مش رجالة فى الحياة ....إحمدى ربنا دايما و احتسبى و جايز ربنا بيبتليكى ليختبرك ايمانك فى عمرك و حياتك ....و اعتقد من كلامك إنك مؤمنة جدا فاكيد انتى واثقة ان ربنا يمهل ولا يهمل ....و اعتقد انك برضه دخلتى فى كان كويس ( المنتدى ) و فى هما بنات و سيدات زى الفل خواتك و باقى المنتدى اللى هنا أخواتك الرجالة اللى تحتاجيهم فى اى حاجة يلبوا ندائك إن شاء الله

في بس كلمة اخيرة احب اقولها و دي للاسف سوء فكر مننا
اول شيء نظرتنا للبنت المطلقة
بصراحة نظرة مؤسفه المجتمع بينظرلها كأنها إمرأه درجة تانيه او انسان ناقص حته
علي الرغم اننا مفكرناش و لو للحظه في شوية امور منها
1- ان ممكن بمنتهي البساطة بنتك او اختك او حتي والدتك تبقي مطلفة
2- مش دايما المطلقة بيكون المشكله عندها يعني مش هيا السبب
3- ممكن يكون الزوج فيه عيوب جسيمه و الطلاق جه اختيار اخف الضررين
4-ممكن تكون حتي المطلقة اخ"ات او هيا المشكلة بس استوعبت الدرس و قررت تتغير او بتحاول تاخد فرصة اخري للحياه بصورة جديده
بمنتهي الصدق انا شفت قبل كده كذا حالة طلاق بتبقي فيها البنت هيا المظلومة لان الطلاق للبنت غير الراجل
و البنت بتفكر الف مرة و بتحاول مليون مرة للاصلاح قبل قرار الطلاق
انا شفت بعيني و الله بنت طلقت و معاها طفلين و كانت هيا الطرف المظلوم بعد كده ربنا عوضها بشاب بسم الله ما شاء الله راجل بمعني الكلمه علي الرغم من انه اصغر منها في السن و لم يسبق ليه الزواج بس عاملها بما يرضي الله و شالها علي راسه و الاطفال من كتر حبهم ليه بيقولوله يا بابا
و الحياة استمرت و البنت بقت حياتها افضل من الاول
يا عالم ايه ربنا مخبيه للواحد
و يا عالم ساعات الحاجات اللي بتحصل و نفتكرها شر يجي من وراها خير كتير

انا قرأت موضوعك كله و اسمحيلى ارد على كذا حاجه استوقفتنى
انا هقتبس من كلامك وأرد عليكى

يا ترى لسة فى رجال فى زمن ماتت فيه الرجولة؟

طبعا لسه فيه. ومش معنى انك صادفتى اب ضعيف الشخصيه يبقى كل الرجاله كده
بس احقاقا للحق انا بعترف ان نسبة كبيرة من الرجالة المصريين قصروا فى دورهم كرجالة ونتيجة لكده الست خدت الدور ده على طبق من فضه
لاحظت فى كلامك انك دايمن بترمى اخطائك وفشلك على المحيطين بيكى وكأنك انتى الوحيده فى العالم اللى نشأت فى ظروف صعبه وبقية الناس عاش وفى بيوت اهاليهم حياة مثالية ونموذجية

وعديت فترة المراهقة بسلام تام............لأنى كنت بخاف ازعل ماما واقهرها فى تربيتها لينا
ورفضت اى محاولات للاغراء بالحب والمشاعر والصداقة بين الجنسين
وعمرى ما كلمت ولد غريب غير يكون قريبى وبس

معلش انا صعب عليا ان اصدق السطرين دول
ومش معنى ان فلان قريبك يبقى تكلميه عادى
لأ كل الرجاله و الشباب يعتبرو اغراب عنك ما عدا محارمك
والمصايب مش بتيجى الا من اللى بنديهم الامان زياده عن اللازم دول

وملقتش حد يوجهنى ويقولى يا بنتى البسى واسع يا بنتى احمى نفسك من عيون الذئاب

مش لسه قايلك انك بترمى اخطائك على غيرك
اللى عايز يغير نفسه للاحسن هيغيرها مهما كانت الظروف حواليه والعكس صحيح
لعلمك كتير مننا سواء شباب او بنات ملقيناش حد من اهالينا يوجهنا للصح لأن اهالينا اصلا معندهمش ثقافة فى التربية
وفاهمين ان مسؤليتهم تقتصر فى الصرف على الاكل و التعليم فقط

لحاد ما ربنا هدانى وقررت البس الحجاب وغطيت شعرى
واتفصلت عنهم انفصال جزئى ....بقيت بصاحبهم بس
عشان المذاكرة والدراسة .......والعلاقات الاجتماعية العادية والخروجات
لكن فى الكلية ............مليش دعوة بيهم

ده شىء جميل جدا يوحسبلك

وفى الكلية بيضغطوا على عشان اعصى ربنا واعمل علاقات محرمة
وفى الشارع ...معاكسات ومضايقات وتحرش وارف

بنات وستات كتييييييييير جدا بيحبوا دايمن يلعبو دور الضحية والمجنى عليه
وكأن المجتمع و الناس حواليهم مسؤلين مسؤليه كامله عما يعانيه هؤلاء النساء
لاحظت من كلامك انك مثقفة دينيا يمكن ده بسبب الفترة اللى قربتى فيها من ربنا وحفظتى فيها قران يعنى على سبيل المثال قولتى :

مليش سند غير ربنا سبحانه وتعالى
نفسى ارتبط بالحلال الطيب
كان كل هدفى انى اعمل اسرة وبيت بما يرضى الله واحب جوزى فى الحلال
انى ممكن اقع فى المعاصى
اتنحى جانبا بعيد عن اعين الرجال
اخاف على نفسى من الذلل
سبت الشغل لأنى زهقت من الاختلاط والارف
واقتنعت تماما ان الاختلاط دا اخرته سودة
هو انا مش من حقى العفاف؟؟؟
سوى انه يكون واحد بيخاف ربنا ويحبنى ويراعى ربنا فى
ان ربنا .........ذو انتقام ..........ربنا اسمه الديان
الحياه الرغدة
كل لبسى ساتر وقاتم

ومحدش بيقول الكلمات دى الا انسان عنده خلفية دينيه
وده يدل على الرغم من كل اللى انتى فيه الا انك جواكى خير كتير

ليه المجتمع الزم المرأة انها تشارك فى اساس البيت؟

علشان ده مجتمع متخلف
وعلشان احنا بوعاد عن شرع ربنا
وعلشان الرجل يكتب على نفسه قايمه ويفضل مربوط بجنزير بقية عمره
علشان احنا فى مجتمع نسوى . الستات هما المسيطرين على كل حاجه
علشان احنا فى مجتمع بيحب الفشخرة الكدابه
علشان احنا فى مجتمع حقودى كله بيبص على اللى عند غيره

بصراحة انا مشفتش راجل مكتمل الرجولة فى حياتى الا ناااااااااااااااادر جداااااا

يا بختك لقيتى راجل مكتمل الرجوله
انا بقى عمرى ما قابلت انثى مكتملة الانوثة >>>>>> اى خدمة يا رجالة j

ماما هى الى صوتها عالى فى البيت وهى الى اوامرها تتنفذ

ما تزعليش فى بيوت كتير كده . بس ميزتك ان صريحة مع نفسك فى النقطة دى

وطبعا انا بنت معرفش مصلحتى فين .........مفروض لى اب هو الى يعرف ويوجهنى

برده بترمى اخطائك على غيرك

شاب ...كنا فاكرين انه متدين ويعرف ربنا
طلع اسوأ انسان على وجه الارض وذلنى واهانى

الانسان الكويس بيبان عليه
ومهما كان بيمثل انو كويس اكيد فى مواقف بتكشفه. اومال فترة الخطوبة معموله لأيه؟
وخلى بالك احنا بنسمع من طرف واحد ومعرفناش ايه الاسباب اللى وصلته لكده
وممكن لو سمعنا منو نلاقى عكس الكلام اللى انتى كاتباه وربنا وحده اعلم بالحقيقة

مش يمكن لاقى بتحاولى تلغى شخيصته من البيت والمعايرة دى كانت رد فعل طبيعى منه

ومازلتى تلقين باللوم على الدنيا والايام
طب فين شخصيتك واسلوبك من ده كله؟!!
ليه ما حاولتيش تتعلمى من اخطاء ابوك وامك وتتجنبى انك تكررى نفس طريقة حياتهم
اعرف احد اقاربى وهو صغير كان ابوه بيعامله بقسوة شديده وبيضربه جامد لدرجة ان امه كان بتنادى للجيران يحوشو عنه
الراجل ده كبر واتجوز وخلف تتخيلى انه بيعامل ولاده ازاى دلوقت؟!!!
عنده 3 ولاد عمره ما ضرب حد فيهم الا قليل جدا وقال كلمة لسه فاكرهاله لغاية دلوقتى .
قالى : انا مش عاوز ولادى يشوفو اللى انا شوفتو
ده مثال على الناس اللى بتتعلم من الماضى . الناس اللى بتكررش الغلط اللى حصل معاها . االناس اللى بتطور نفسها للاحسن

بس ميعرفش ربنا ..............مش بيخاف ربنا ..........كان مستعد يعمل اى حاجة فى الدنيا
تغضب ربنا عشان يرضينى ويجيبلى الى بتحلم بيه اى بنت
بس انا كان كل الى يهمنى السعادة ...........مش الفلوس ولا الحياه الرغدة
لما كان بيهينى او بيضرنى .........كنت بسكت .........عشان مكبرش الموضوع
وعشان عارفة ان مليش ضهر او سند
عمرى ما جريت وهربت وسبت البيت ............كنت مستعدة اواجه المشاكل بشجاعة ولوحدى
بس كان معايا ربنا
بس مكنش بيسمع وكان دايما يهرب من حل المشاكل
ومكنش له كبير يترد عليه
لحاد ما نفد صبرى معاه واتضررت منه اشد ضرر نفسى وجسمانى

ما نقدرش نحكم على طليقك غير لما نسمع منه هو كمان
واحنا لغاية دلوقتى بنبص على الموضوع من عنيكى انتى
ممكن لو بصينا عليه من عين طليقك نظرتنا تختلف وكلامنا يتغير
انا عاوز افهم حاجه : منين هو بيحبك و ممكن يغضب ربنا علشان يرضيكى ومنين سببلك ايذاء نفسى وجسدى ؟!!!!
اكيد فى حاجه وصلته لكده

وانا راجعة كان شباب واقف وقاعد يعاكس على بوابة العمارة ......شباب صايع كدا

الشباب مش بيعاكس الا اللى بتديلو الفرصه لكده سواء بلبسها او مشيتها

حاجة كمان بتحسسنى ان مليش راجل فى الدنيا يخاف على ويحمينى وياخدنى فى

معلش والدك طبعه كدا . استحملى
وفى بنات يتيمة عايشة من غير اب ومع ذلك بتعتمد على نفسها وبتقدر تحمى نفسها لوحدها

انا عايزة اقول رسالة لكل شاب بيفكر كدا فى البنت المطلقة الى ملهاش سند فى الدنيا
ان ربنا .........ذو انتقام ..........ربنا اسمه الديان
هيجى اليوم وبنتك او اختك يحصلها كدا

ربنا يحفظك

انا اجيب راجل منين؟
البس ماسك واركب شنب واعمل نفسى راجل البيت وبعدين
ادخل اغير هدومى والبس انثى؟
انا مش بهزر
انا بتكلم جدا

الموضوع مش مستاهل ده كله
حرام نحاسبك على حاجات عاملها ابوك وامك
انتى ماخترتيهمش ولا اخترتى قدرك بس بتختارى تصرفاتك وطريقة حياتك
وبشخصيتك تقدرى تثبتى انك غيرهم وغير كل البنات
وان كل التجارب الاليمة دى مازادتكيش غير قوة وخبرة فى الحياة
وربنا يوفقك للخير دائما