c180 model 2003 / bmw 318 model2003/honda civic model 2010
c180 model 2003 / bmw 318 model2003/honda civic model 2010
برجاء الافادة فى المقارنة بين هذه السيارات حيث انى سوف ابيع سيراتو 2010 وكامل المبلغ سيكون فى حدود 140.000 لذا ارجو الافادة من حيث المميزات والعيوب الخاصة بكل سيارة ولكم جزيل الشكر
بص ياباشا اركن المرسيدس c180 علي جنب لان قبل 2004 كان في شوية مشاكل ف المكنة
لاياباشا الفتيس تمام هو استبترونيك 6 سرعات وانا اخطات ف الكتابه المفروض قبل 2003 مش 2004 لان عموما المرسيدس 200او 180 تم انتاجهم فى مصر من عام 2001 و كانو هما الاثنين 1995cc ومن 2003 تم تعديل الموتور فقط بقى 1795 كومبريسور 180 143 حصان و ال200 نفس الموتور 1795 بس 160 حصان وتم تعديل السياراتين تعديلات طفيفة مع بقا نفس مواصفات المواتير كما هى من اخر 2004 و حتى 2007
طيب وال 2004 اخبارها ايه ؟ وسعرها كام حاله نضيفه ؟
استاذ عصام مساءك فل منور القسم كله بالنسبه لسؤالك ال2003 وال 2004 تمام ده غلط ف الكتابه مني انا اني كتبت قبل 2004 وبالنسبه للسعر علي حسب ان كانت كلاسيك ولا اليجانس ولا افنجارد وطبعا كله حسب الحاله بس الرينج بتاعها من 158 ل 165 او ازيد حاجة بسيطه لان ف اخر 2004 كان في موديل فيس ليفت
الف شكر على اهتمامك بالرد عليا
انا فكرت لو العمليه قريبه يعنى 140 زى ما زميلنا قال كنت اغير السيراتو اللى معايا فى النقله الجايه ان شاء الله بمرسيدس
بس طالما 165 يبقى لسه شويتين عليها
على العموم ربنا يوسع عليا وعليك ونجيب الأحسن منها
انا رأيي فكك من ال bmw و المرسيدس
موديلات فات عليها اكتر من 11 سنة .. اكيد كم عالي و محتاجين مصاريف .. حتى لو هي حالتها كويسة بس اكيد هتصرف معاك في المستقبل .. ده غير الشكل القديم اوي .. وسيبك من موضوع مرسيدس و بتعيش و الكلام ده كل العربيات بتعجز
بس هو السؤال سيفيك موديل 2010 ب 140 الف ؟؟ انا فاكر ان السيفيك كانت بتنزل في 2010 ب 160 الف باين .. هتتباع مستعملة ب 140 ؟!
حضرتك بلاش بى ام ومرسيدس علشان موديلات قديمه .. بالنسبه للسيفك انا مسمعتش حد اشتكى منها غير انها واطيه بس مصفحه من تحت غير كده عربيه محترمه جدا