تجربة قيادة Hyundai Azera بالعربي

**برنس الليالي** · 15-01-2014 03:56 AM

المشاركة الأصلية كتبت بواسطة Hunting_Eagle

انا ما قولتش ان الكوريس جودتها مش قد كده او زي جودة الفيرنا

على العكس .. انا شوفت العربية على الطبيعة في المعرض .. وهي فعلا خاماتها و جودتها عالية جدا .. حتى الازيرا سوقتها مرة كانت عربية واحد صاحبي .. و السوناتا بردو ركبتها بس ما سوقتهاش .. يعني عارف الفرق ما بين الفيرنا و الكوريس

بس زي ما بتقول بتمنه مش بضعفين تمنه .. وده اللي يخليني استغرب لما الاقي واحد جايب عربية تمنها اضعاف تمنها الحقيقي بس علشان يبقى مختلف .. يعني عربية زي دي تمنها الفعلي حوالي 350 الف .. انما شوفها بعد الضرايب بالموتور ال 3300 هنلاقي تمنها بعد الضرايب داخل على المليون ..

عموما هي قوانين الضرايب بتخلي عربيات كتير اوي و كويسة اوي ولا نعرف عنها حاجة و عربيات تانية اخرها صندوق الزبالة مالية الشوارع

عندك حق ... لما عربية بتنزل بمحرك جامد شويتين بنسمع اسعار زبالة ... على فكرة الازيرا بـ31 الف دولار للفئة العالية يعني بالجنيه المصري 217 الف تقريباً

بس عباد الفلوس نزلوها بـ710 الف واختها الجينيسيس بـ725 الف .. وهنا تسئل نفسك تجبها ولا تجيب الـ528i ولا e250

مع ان الازيرا بردو كشكل وفخامة مغرية وغير طبيعية بالمرة وشكلها من جوا يفوق الوصف

مع ان التقييم بتاع الازيرا حيعجبك اوي ... هي اتعملها التجربة دي في دبي تبع موقع speeed بص كدا التقييم

- حضرتك سقت الازيرا مش كدا ؟ 2013 ولا كام ؟ يعني الشكل الحالي دا ولا اللي قبلها ؟ وايه اللي عجبك فيها ؟

**Hunting_Eagle** · 15-01-2014 04:44 PM

المشاركة الأصلية كتبت بواسطة برنس الليالي

عندك حق ... لما عربية بتنزل بمحرك جامد شويتين بنسمع اسعار زبالة ... على فكرة الازيرا بـ31 الف دولار للفئة العالية يعني بالجنيه المصري 217 الف تقريباً

بس عباد الفلوس نزلوها بـ710 الف واختها الجينيسيس بـ725 الف .. وهنا تسئل نفسك تجبها ولا تجيب الـ528i ولا e250

مع ان الازيرا بردو كشكل وفخامة مغرية وغير طبيعية بالمرة وشكلها من جوا يفوق الوصف

مع ان التقييم بتاع الازيرا حيعجبك اوي ... هي اتعملها التجربة دي في دبي تبع موقع speeed بص كدا التقييم

تكملة لكلامك .. سعر الجنيسيس الحقيقي من غير ضرايب حوالي 300 الف تقريبا

يعني نقدر نقول بحسبة بسيطة ان قيمة الجينسيس تساوي مرة و نصف قيمة الازيرا

شوف بقى الضرايب عملت ايه

زي ما حضرتك قولت سعر الازيرا بعد الضرايب بقى تقريبا نفس سعر الجنيسيس .. يعني رفع سعر العربية و دخلها في مقارنة سعرية مع عربية اعلى منها .. و طبعا دخول العربية في مقارنات تاني خيالية مع ال 5 Series و E Class

وكل ده بسبب موتور قوي و استهلاكه للبنزين زي استهلاك الموتور الضعيف

**Hunting_Eagle** · 15-01-2014 04:57 PM

[QUOTE

- حضرتك سقت الازيرا مش كدا ؟ 2013 ولا كام ؟ يعني الشكل الحالي دا ولا اللي قبلها ؟ وايه اللي عجبك فيها ؟[/QUOTE]

اللي سوقتها كانت موديل 2012 .. نفس الشكل اللي في الفيديو

موتور تقريبا 3.0 ليتر و لو فاكر صح كان 260 او 270 حصان تقريبا

طبعا اكتر حاجة لفتت انتباهي الموتور .. لان عربيتي 180 حصان فده كان اكتر حاجة عاجباني

الثبات كويس .. بس ثبات المازدا احسن منها

من جوه العربية كانت Full Options فالخامات كويسة جدا .. بس انا معجبنيش التصاميم الداخلية مش علشان حاجة غير اني مبحبش المنحنيات و بميل اكتر للخطوط المستقيمة

شكلها من بره باليل كلمة واحدة توصفه .. وهمي

في شريط LED لما بينور يخليك تحس انها عربية من كوكب تاني

تحياتي

**برنس الليالي** · 15-01-2014 06:52 PM

المازدا 6 2014 الجديدة انا اتفاجئت انبارح انها اتسعرت في كونتاكت ونزلت بسعر 635 الف بمحرك 2.5 بس معنديش فكرة عن الاوبشنز

بس بردو هي كمان غالية عن حاجات ممتازة كتير زي الـc350 amg والـa6 ... خش كونتاكت حتلاقيها اتسعرت فعلاً هناك مع اني كنت اشك انها تنزل مصر

**Hunting_Eagle** · 15-01-2014 07:55 PM

المشاركة الأصلية كتبت بواسطة برنس الليالي

المازدا 6 2014 الجديدة انا اتفاجئت انبارح انها اتسعرت في كونتاكت ونزلت بسعر 635 الف بمحرك 2.5 بس معنديش فكرة عن الاوبشنز

بس بردو هي كمان غالية عن حاجات ممتازة كتير زي الـc350 amg والـa6 ... خش كونتاكت حتلاقيها اتسعرت فعلاً هناك مع اني كنت اشك انها تنزل مصر

ده مثال تالت لمهزلة تسعير السيارات

المازدا 6 سعرها الفعلي اقل بحاجة بسيطة من الازيرا يعني هتلاقيها في رينج 200 الف .. ده غير الضرايب

كان في عضو عامل موضوع عن رفيو معمول عنها .. حاجة تحفة بردو سواء شكل خارجي او تصميم داخلي

بس انا عربيتي الشكل اللي قبلها مش الشكل الجديد

**برنس الليالي** · 15-01-2014 08:05 PM

المشاركة الأصلية كتبت بواسطة Hunting_Eagle

ده مثال تالت لمهزلة تسعير السيارات

المازدا 6 سعرها الفعلي اقل بحاجة بسيطة من الازيرا يعني هتلاقيها في رينج 200 الف .. ده غير الضرايب

كان في عضو عامل موضوع عن رفيو معمول عنها .. حاجة تحفة بردو سواء شكل خارجي او تصميم داخلي

بس انا عربيتي الشكل اللي قبلها مش الشكل الجديد

غريبة .. دي سعرها من الموقع الرسمي 37.400 الف دولار .. دي اغلى من الازيرا
Mazda6 Pricing & Costs

دا كمان سعرها بأقل محرك ! باقي المحركات بتوصل للـ50 الف !

- طب معملتش تقرير ليه يا باشا عن مازدتك ؟

**Hunting_Eagle** · 15-01-2014 10:25 PM

المشاركة الأصلية كتبت بواسطة برنس الليالي

غريبة .. دي سعرها من الموقع الرسمي 37.400 الف دولار .. دي اغلى من الازيرا
mazda6 pricing & costs

دا كمان سعرها بأقل محرك ! باقي المحركات بتوصل للـ50 الف !

- طب معملتش تقرير ليه يا باشا عن مازدتك ؟

هو الاسعار اللي حضرتك حاططها بالدولار الاسترالي

بالدولار الامريكي هتلاقيها حوالي 33 الف و شويه فكة .. بس بردو غالية

هي عموما انا بكلمك على الاسعار في الكويت .. لأن هنا الاسعار تقريبا بتخضع لحوالي 5% بس ضرايب .. يعني ممكن تعتبرها اسعار عالمية .. طبعا الاسعار دي مبتبقاش صحيحة في حالة العربيات المطلوبة زي التويوتا و اللكزس

واللي شوفته هنا ان اعلى فئة من الازيرا اغلي بحوالي 1500 دينار كويتي من اعلى فئة في مازدا 6

و الله اعلم

- ان شاء الله ابقى اصورها و اعمل عنها تقرير

تحياتي