تعالوا نتعلم English [حفظ كلمات] #5 (فين الرجااااالة ؟!)

**أبو آسر** · 14-01-2014 07:56 AM

السلام عليكم

أنا ملاحظ إن عدد مشاهدات المواضيع كل شوية بيقل وعدد الناس اللي بتحمل الملفات بيقل
هي الناس لحقت تزهق من 4 حلقات ؟! المشوار طويل يا جدعان احنا لسة قدامنا 96 ملف من أصل 100 ولا انتوا عايزين تتعلموا انجليزي عن طريق كبسولات بتتاخد قبل الأكل ؟!
أنا كان ممكن أنزل ال5000 كلمة مرة واحدة بس الناس هتتعقد ومحدش هيحفظ ولا كلمة لكن أنا مؤمن بمبدأ قليل مستمر خير من كثير منقطع وأحب الأعمال أدومها وإن قل علشان كده قسمت الملفات بالطريقة دي 50 كلمة كل يوم مش حاجة ومش هياخدوا من وقت الواحد ربع ساعة خاصة إن معظمهم كلمات سهلة ومعروفة
لازم تعب وصبر واجتهاد يا إخوانا مفيش حاجة بالساهل احنا بنضيع بالساعات قدام الفيس بوك والمنتديات في حاجات معظمها غير مفيد ، تعلم لغة مفيدة ميستحقش مننا ربع ساعة كل يوم ؟!
أرجو الناس تتشجع ومتزهقش وياريت اللي مكمل معانا يعمل على الأقل لايك لكل موضوع ينزل علشان أبقى عارف مين اللي متابع أول بأول ومين اللي مطنش
وشوية كده هعمل هدايا قيمة جدا (للي متابعين معانا بس) عبارة عن كورسات صوت أو فيديو أو كتب pdf هتسهل جدا عملية التعلم وحاجات قيمة فعلا مش هتلاقيها في مكان تاني بس ده للي متابع معانا علشان هو ده بس اللي يستحقها لكن اللي مطنش هينزلها وهيرميها في غياهب وظلمات الهاردديسك وبالتالي ملوش لازمة يحملها أساسا خسارة الترافيك والدونلود والمساحة اللي هتستهلك !
ورونا الهمة يا رجالة

ده الملف الخامس من سلسلة حفظ أشهر 5000 كلمة في اللغة الإنجليزية متداولة يوميا في حياة الرجل الأمريكي العادي

للتحميل من هنا
(اضغط على كلمة Download على اليمين)

أو من هنا
(اضغط على كلمة Download)

-------------------

رابط الجزء الرابع من السلسلة

http://www.nilemotors.net/Nile/400230-english-4-a.html

بالتوفيق

**أبو آسر** · 14-01-2014 09:18 AM

المشاركة الأصلية كتبت بواسطة shikh_khaled

بسم الله والحمد لله والصلاة والسلام على رسول الله

أبا ءاســـر أخي الحبيب

جزاك الله خيرا على مجهودك الكبير

متابع مع حضرتك - تم تحميل الملف الخامس -

وبالنسبة لمتابعة الزملاء للموضوع - هذا أحد الأسباب التي قلت لحضرتك من أجلها أن تفكر في جعل جميع الملفات في موضوع واحد من خلال مشاركات متتالية

وصل اللهم وسلم على الحبيب محمد

وجزاك على متابعتك واهتمامك يا شيخ خالد
أنا ما زلت عند رأيي برده أن جعل كل الملفات في موضوع واحد هيسبب تشتت وتوهان للمشتركين وصعوبة في إيجاد الملفات والبحث عنها من بين مشاركات الأعضاء لكن إن شاء الله بمجرد الانتهاء من ال100 حلقة سيتم تجميعهم كلهم في موضوع واحد ليكون مرجع لمن لم يتابعنا من البداية
أعانك الله يا شيخ خالد