عرض للطباعة
بسم الله الرحمن الرحيم
لو سمحتم يا جماعة آخر كلام بخصوص الايرباجز الي في ال 301 النسخة الي بتنزل مصر ..... هو في ايرباجات في الكراسي ؟ و ماكنهم فين بالظبط ؟ لأني ركبت فرش و شفت في الكتالوج ان الايرباجات في الكرسي نفسه في مسند الظهر .... و لو كان دة صحيح يبقى اققص الفرش و لا اتصرف ازاي ؟ مع خالص الشكرو التقدير على الرد مقدماً
لا مفيش اير باج في الكراسي يا باشا
الفكره كلها ان الاير باج بتكون متوصله بحساسات في العربيه .. الحساسات دي بتدي امر لفتح الايرباج وقت الصدمات
احتمال ان يكون في حساس للاير باج تحت الكرسي ده جايز لكن مفيش اير باج في 301 مصر غير في الدركسيون و فوق التابلوه للراكب الامامي
و مفيش في القايمين اير باج زي ما موجود في النسخه التركي و الايراني
الف شكر على الرد السريع يا استاذ محمد .... بس انا اسف في السؤال حضرتك متأكد ؟ لان الكتالوج جايب صورة مسند الظهر على ان الايرباج فيهاقتباس:
المشاركة الأصلية كتبت بواسطة mahmed0100
الكتالوج جايب كل الامكانيات الممكنة انما االلى بتنزل مصر فيها 2 بس
وبعدين بالعقل كدة هتبقى عربية فيها 4 ايرباجات بـ 108 ، ده 2 اصلا كتير :d
شكرا لردك يا استاذ عمرو بس انا باسأل عن الهاي لاين يمكن يكون نازل فيها ايرباجز زيادةاقتباس:
المشاركة الأصلية كتبت بواسطة amrelsaqqa
لا يا د . سامح مفيهش غير 2 فى التابلوه و الدركسيون فقط
واهم حاجه ان ال يفك وصله او كابل يركبه زي ماكان كده تبقا ف الامان و مفيش مشكله فى تركيب الفرش
قولنا بقا ركبت فرش شكله ايه و منين و بكام
+ ١:3mla:اقتباس:
المشاركة الأصلية كتبت بواسطة Akram.Gamal
احمد ربنا انا فيها 2 ايرباج .. حلو اوى كده
ههههههههه
:36_1_37[1]::hello::hello:اقتباس:
المشاركة الأصلية كتبت بواسطة Akram.Gamal
مساء الفل يا اكرم باشا .... انا ركبت كسوة جاهزة في الكوربة .... جلد... حنين مش قاسي عشان ما يغيرش شكل الكرسي مع الوقت .... لونه اسود زي فرشها الاصلي .... ب 400 جنيه .... و ما شاء الله لاقوة إلا بالله معظم الي شافوه افتكرو ان دة فرشها الاصلي لان الصنايعية هناك شطار بصراحة ..... بس بعد كدة شوفت عند واحد سروجي فروشات بتيجي لكل موديل مخصوص دي بقة فعلاً انا لما شفتها ما كنتش مصدق انها مش دي الكسوة الاصلي بتاعة بلادها ( كانت راكبة على كورولا 2013 ) قالي بتتعمل هي و فرش الارضية بالكامل ب 1600 جنيه بس مشكلتها انك بتسيب العربية يوم كامل عندهم و بيطلعو الكراسي و الكنبة برة العربية و يرجعوها تاني .... و الراجل كان امين معايا قالي الفرش الي راكب كويس استعمله سنة كدة و لا حاجة و بعدين ابقى اعمل الفرش دة بعد كدةاقتباس:
المشاركة الأصلية كتبت بواسطة akram.gamal
ماشاء الله كويس ان لسا ف صنايعيه ضميرها حياقتباس:
المشاركة الأصلية كتبت بواسطة د/سامح
و ياسلام لو صوره للفرش مع انى حاسس انه هيبهدلك الفرش الاصلى
نسيت اقولك مساء الفل و الف مبروووووك هههههه