الموضوع: كيا سيراتو 2010

المشاركة الأصلية كتبت بواسطة Mohamed Mousta

أن شاء الله هشترى سيراتو مستعمله موديل 2010 خليجى بصمه و فتحه سقف و فرش جلد,
عندى أستفسار؟
1-فيها one airbag مش اتنين دا طبيعى فى الخليجى
2-الجنط 16 مش 17
3-الشكمان عادى مش الرياضى الكبير
4-العربيه ماشيه 76000KM و الفتيس متقشر و كلمت start stop على الزورار ممسوحه شويه
5-أزاى أقدر أتأكد من العداد انو مش ملعوب فيه أو متنزل

أزاى أقدر أجرب الفتيس
أزاى أتأكد ان العربيه مش مسروقه

وشكرا

الخليجى فى الموديل ده انا فاكر وانا بشترى كان ليه حوالى 40 مواصفة فطبيعى تلاقى اختلافات فى المواصفات .. فطبيعى انه يكون ايرباج واحد وجنط 16 والشكمان عادى
( عربيتى كده على فكرة ) صعب ان العداد يتلعب فيه انما ممكن يتوقف من الاساس بس برضه من خلال جهاز كشف الاعطال ( اسكنر ) بيوضح كل شى عن العربية بما فيها عداد العربية
موضوع الفتيس ده مهم جدا انك تتاكد منه وده بيكون من خلال تجربة العربية
من الثبات هتنقل من ال P : R حسيت برجة كبيرة وهبد يبقى فى مشكلة فى الفتيس
وانت فى الثبات هتجيب الستيبترونك وتقرا النقالات على الشاشة المفروض تكون 1 هتطلع الفتيس ( + ) لقدام هتقرا 2
طبعا كل ده وانت دايس على الفرامل ولو من البداية قرا نقلة 3 يبقى فى مشكلة فى الفتيس .....
هنبتدى نتحرك بالعربية وتلاحظ عملية النقل من الاول للتانى المفروض تحسه بسيط لو مركز ..
حسيت بنتشة ملموسة اثناء النقل وال rbm طلع مرة واحدة عن الطبيعى يبقى فى مشكلة فى الفتيس
هنسرع شوية ونبتدى ندوس على العربية حرق وكيك وقرب من الريد زون وانقل ستيبترونك ونزل النقلة ( - ) لما تعدى ال 80
هتنقل على ال3 واسمع احلى صوت للماتور حسيت بنتش وهبد يبقى الفتيس فى مشكلة ....
السيراتو ظهرت فيها مشكلة فى الفتيس لبعض الناس ومعروفة فى التوكيل وده بيكون بسبب الفالف بادى والضفيرة .
موضوع العربية مسروقة ولا لا طبعا يفضل بلاش تشترى من حد معاه توكيل او يكون تاريخ الشراء قريب يعنى من الاخر بلاش تجار ...
يفضل تكون من القاهرة الكبرى يعنى بلاش محافظات

قلنا مطلوب فيها كام وبالتوفيق وربنا يبارك فيها .