عرض للطباعة
قدامي باجيرو 2008 3.8 لتر عاملة 45000 كم فقط. طالب 320 الف.
ارجو النصيحة فى السعر والعربية عموما لانى عمرى ماركبت 4*4. وهل خب افضل استثمار فى رينج الفلوس دى؟
ثانيا العربية ترخيص سياحة والمالك حيحولها ملاكى ويسجلها باسمى زى ما شركات السياحة بتعمل يعنى. بس انا خايف منالموضوع دا ف اية النصائح يا رجالة.
وهل هى افضل استثمار فى رينج الفلوس دى؟
اسف
استثمار ايه !! مش فاهم
عموما انت هاتشتريها مش هاتعرف تبيعها تاني بعد سنتين ب 200 الف لان البنزين هايغلى ولان الباجيرو موديل تعبان جدا فى عالم الدفع الرباعي والناس هنا فى مصر بتجيب لاند كروزر ونيسان باترول انصاص ويلحموها فمش هاتعرف تبيع الباجيرو بسهولة حتى لو هاتحتفظ بيها فانت شاريها من شركة سياحة يعني اكنها كانت شغالة تاجير وماتضمنش العداد بتاعها يكون سليم او ملعوب فيه مهما كانت حالة العربية نضيفة ادامك
نصيحة ابعد عنها خالص وخليك فى الزيرو عندك رانجلر او شيروكي او شيفورليه كابتيفا واستفيد ان التجميع المحلي سبب فى نزول تمنها لانها لو مستوردة زي الباجيرو كان تمنها هايعدي ال نص مليون مستريح
ولك حرية الاختيار
انا راي بردو حرام ان تغامر بمبلغ كبير كدة في عربية مش مضمونة قوي .......خليك في الزيرو افضل وهيبقي قدامك خيارات كتير زي رانجلر و شيروكي و كابتيفا ....راي شخصي
احنا عندنا باجيرو بس مش في مصر العربية عاملة 300 الف لا غيرنا بوجيهات ولا فلاتر ولا اي حاجة العربية اعتمادية بطريقة مخيفة بس حرام بصراحة تجيبها في مصر واستهلاكها في البنزبن عالي
بالمبلغ ده تقدر تشتري تويوتا فورتشنر زيرو 2700 اربعة سلندر 160 حصان ومرغوبه وبنت سوق ولها شعبية بدل ما تشتري المستعمل
ودي صورتها دي حتي اجمل من الباجيرو
http://www.almuraba.net/2012/Toyota-...ortuner-01.jpg
لية حرام تتجاب فى مصر ما مصر فيها عربيات 4*4 كتير؟اقتباس:
المشاركة الأصلية كتبت بواسطة kazamodia
استهلاكها قد اية ف ال 100 كم تقريبا؟
مصاريف تشغيل العربية كام فى السنة تقريبا؟
شكرا
انا هارد مع احترامي لصاحب التعليق ونستنى تعليقهاقتباس:
المشاركة الأصلية كتبت بواسطة falcon77
العربية دي موديل 2008 فى الخليج كان ليا واحد زميلي فلسطيني شاريها زيرو كانت بحوالي 160 الف جنيه مصري وكان تمنها فارق عن الكورولا ساعتها 40 الف جنيه بس يبقى بالمنطق صفقة رابحة!!
لكن انت هاتجيبها فى مصر مستعملة او حتى جديدة وتشيل جمركها العالي يعني حرام فيها الفلوس وخلي بالك كل ما تبقى العربية مش منتشرة كل ما تبقى صعبة فى صيانتها وفي بيعها يعني انت هاتجيب عربية وقف حال
اخيرا الرانجلر او الشيروكي فرق سعرها عن الباجيرو برة فى الزيرو حاليا حوالي 50 الف جنيه
لكن هنا الفرق حوالي 300 الف جنيه علشان فرق الجمارك يبقى ليه ترمي فلوسك فى الارض!!!!
انا رايي عامة ان اللي بيشتري عربية مستعملة فى مصر بيرمي فلوسه الا فى حالات نادرة جدا
بفي الباجيرو تعبانه
الفو رتشتنر افضل منها
جايز
الفورتشنر عبارة عن نص نقل مقفلةممكن نقارنها بالماهيندرا مثلااقتباس:
المشاركة الأصلية كتبت بواسطة hugan
دي اخرة الفتوي بدون علم كل الشركات بلا استثناء بتستعمل نفس شاسية العربيه لأكتر من موديل من انتاجها وذلك توفيراً للنفقات وزيادة الارباح من أول الالماني لحد الصيني ............ نيجي للنقطة التانية للمفاضلة ما بين الباجيرو والفورتشنر هنلاقي كفة الفورتشر افضل لمن هم يعتبرو من مستوي فوق المتوسط(بس مش قوي يعني واحد عنده استعداد يصرف 700 جنيه شهرياً بنزين عالاقل) أما الباجيرو (حتي لو مستعملة) فهي الخيار الافضل لمن لا يبالي بالانفاق اي كانت المصاريف ..
هي طبعا بتستهلك حوالي 75 لتر بنزين كل 3 ايام في مشاوير 200 كيلو كده بس طبعا ده بسبب عدم تغيير الفلاتر والبوجيهات والصيانات الدوريةاقتباس:
المشاركة الأصلية كتبت بواسطة falcon77
لكن طبعا سحبها تمام وثباتها رائع كنا بنجيب بيها 150 ومبتحسش انك ماشي اصلا
عزلها حلو جدا وتكييفها ممتاز لكن عفشتها ناشفة
عموما سواقة ال 4x4 غير ممتعة وبتحس انك سايق اتوبيس كبير وابعاد العربية غير واضحة وجارر معاك حاجة تقيلة كده
نصيحة مني بلاش تجيبها في مصر والله حرام بالسعر ده تركب مرسيدس او بي ام شياكة ووجاهة وكل اللي انت عايزه
لا حول ولا قوة إلا بالله ،الباجيرو طلعت عربية تعبانة في سوق الـ4x4 !!! وكمان بتتقارن بالفورتشنر !!!!!!
نصيحة لصاحب الموضوع شوف حاجة تقفيل مصري لأن سعر الباجيرو غالي في مصر انما العربية ذات نفسها مفيش فيها مشاكل ومنتشرة جداً في شركات السياحة ولو رحت أي مركز خدمة لميتسوبيشي هتلاقي منها كتير وقطع غيارها متوفرة في التوكيل وأرخص من الجيب ،والعربية سمعتها سبقاها وليها ركيبتها ومش محتاجة كلام
الفورتشنر دي عربية فاشلة والناس برة مابيستنضفوش يركبوها دي حتى لم تنتشر فى السوق المصري اللي بيهضم اي موديل لانها شكل الدوبل كابينة التويوتا وماادفعش 300 الف علشان اجيبها ويبقى شكلى سواق نص نقل زي الفل
مش عارف اية اللى دخل الفورتشنر والرانجلر فى الموضوع.
الاخوة اللى بيفكرو فى مرسيدس وبي ام بدل الباجيرو.
انا فكرت زيهم بس اجيب 525 موديل 2009 ولا باجيرو(عربية عائلية 7راكب - عالية -خدمة شاقة) مقابل الشياكة والفخامة لصالح ال 525 بس مش عائلية وتركبها لوحدك عشان مطبات المحروسة
ممكن يا جماعة حد يقولنا ضريبة الباجيرو 2008 3.8 لتر تغمل كام فى 2014؟؟