سكودا فليشيا استفسار بخصوص الفتيس 1300 و 1600

**adhmmaamon** · 14-01-2014 06:53 PM

انا الفتيس عندى الصبح صوت خروشه مالوش حل .. كمان الحله من تحت مشروخه وبتجيب زيت وهيه اصلا كانت ملحومه قبل كده ولكن الشرخ جاى بطول الحله وبيجيب زيت ..كمان ابتديت اسمع ونه يبدو انها من كارونه الفتيس ..او من بليه الدبرياج مش عارف الصراحه .. المهم فكرت اغير الفتيس بواحد استيراد وسالت على الفتيس ال1600 .. بس كنت عايز اعرف هل فيه فرق فى الشكل مثلا بين 1300 و1600 ولا ايه؟؟

وبعدين لما اغير ان شاء الله ابص على ايه تانى ؟؟؟ الديسك والاسطوانه والبليه وايه تانى ؟؟؟؟؟؟

كمان مصنعيه الميكانيكى ممكن تبقى فى حدود كام ؟؟؟؟

**sakr_skoda** · 14-01-2014 07:27 PM

المشاركة الأصلية كتبت بواسطة adhmmaamon

انا الفتيس عندى الصبح صوت خروشه مالوش حل .. كمان الحله من تحت مشروخه وبتجيب زيت وهيه اصلا كانت ملحومه قبل كده ولكن الشرخ جاى بطول الحله وبيجيب زيت ..كمان ابتديت اسمع ونه يبدو انها من كارونه الفتيس ..او من بليه الدبرياج مش عارف الصراحه .. المهم فكرت اغير الفتيس بواحد استيراد وسالت على الفتيس ال1600 .. بس كنت عايز اعرف هل فيه فرق فى الشكل مثلا بين 1300 و1600 ولا ايه؟؟

وبعدين لما اغير ان شاء الله ابص على ايه تانى ؟؟؟ الديسك والاسطوانه والبليه وايه تانى ؟؟؟؟؟؟

كمان مصنعيه الميكانيكى ممكن تبقى فى حدود كام ؟؟؟؟

مافيش فرق بين فتيس ال 1600 وال1300 وبيركب عادى جدا بس ما بيجيش الفتيس بالديسك والاسطوانة وبلية الديبرياج حضرتك بتشتريهم جداد وانا ما قدرش احكم على الفتيس الا بعد التركيب والعمل فاحضرتك ماتدفعش المبلغ كاملا خلى جزء من ثمنة واطلب تجربة لمدة 5 ايام على الاقل **

انما بالنسبة للميكانيكى دى بتتفاوت فى واحد طماع وواحد محترم لاكن الرينج 150 جنية**

**sakr_skoda** · 14-01-2014 08:26 PM

طيب ياعم بتزك ليه ***

بص على الموضوع دا http://www.nilemotors.net/Nile/389703-a-3.html

**sakr_skoda** · 14-01-2014 08:58 PM

المشاركة الأصلية كتبت بواسطة adhmmaamon

مش عارف العيب فين ..بس من غير ماتضحك عليا ومن غير زق ولاحاجه .. بس انا قريت الموضوع لآخره ومفهمتش فين الفرق اللى بين الصورتين ..الاتنين تقريبا واحد ..تقريبا ال1600 جديد وال1300 قديم بس ده اللى انا خدت بالى منه مش كده ولا انا بيتهيألى ؟؟؟؟

كلامك سليم انا برضو مقدرتش اميز بين الأثنين وانا رديت فى الموضوع بكدا يبقى يرجع لصدق التاجر وزى منا قولت ليك خد الفتيس على تجربة**

**aw2100** · 14-01-2014 10:49 PM

بالنسبة لفتيس ال 1300 بتبصله من ناحية القاعدة ومجموعة الخامس بتلاقى القاعدة على شكل نص دايرة اللى انا عاملة دايرة حمراء فى الصورة

بالنسبة لفتيس ال 1600 بتبصله من ناحية القاعدة ومجموعة الخامس بتلاقى القاعدة مسطحة مفيش نص دايرة اللى انا عاملة دايرة حمراء فى الصورة وده الفرق الملحوظ بين الأتنين

وطبعا اى حد حتروح تسئل عنده على فتيس بتلاقى فتيس 1300 كتير لكن فتيس ال 1600 مابيبقاش عرضة فى المحل علشان بيبقى نادر شوية بس لو دققت فى الاتنين فية فرق ملحوظ فى الشكل من ناحية القاعدة ومجموعة الخامس ونصيحة تشترية بالكبالن الداخلية راكبة بالزيت اللى فية وسيب الزيت ماتغيرهوش لما تركبه تكشف علية بس وتزوده علشان الزيت ده نوع اصلى تخليقى مش حتلاقى فى مصر زيت زيه اقل من 80 جنية اللتر الواحد ومبروك على الفتيس الجديد وربنا يقويك !!