الموضوع: للاسف غيرت ردياتير

كان عندي مشكله لم الاحظها الا من يومين وانا باغسل الغربيه
لقيت قربه المياه فاضيه نهائي
فكيت الصدر الصاج المثبت فيه الردياتير لقيت الردياتير
بيسرب مياه من عند الريش اللي بتقفل علي العلبه اللاستيك اعلي الردياتير
المهم روحت لواحد بتاع ردياتير معقول
طلع الردياتير من العربيه
لقيت ان العلبه السفليه كمان بتسرب مياه
ومنفوخه
ردياتير التيجو مالوش قطع غيار جوان اكوتش زي بتاع ا ل 516
طلعت علي زكي جرجس في شارع دمشق
لقيته عنده ب500 جنيه
رديايتر مالوش ملامح ولا شركه ولااسم

اخدته الراجل اول ماشافه قالي لف وارجع تاني
ماينفعش
ليه ياسطي
مضروب وهايسخن العربيه
رجعت فعلا للمدعوق ذكي جرجس
قولت له مش عايزه مش اصلي
قالي الاصلي موجود
يابن الدايخه
هو انا قولت لك انا عايز مضروب
قولت له مش عايز
بتاع الردياتير كلم المورد اللي بيتعامل معاه
جاب لي ردياتير اصلي اصلي بجد
فرق كبير جدا في المواسبر والريش بتاعت التهويه
اسمه k m
متغلف ومتكيس شغل عالي جدا
صناعته روسي
فرق رهيب بينه وبين الردياتير السابق بتاع ذكي جرجس
سعره 560 جنيه
للافاده اللي بيغير ردياتير يتيقن من جودته وصناعته
يعني مايشتريش قطعه غيار مجهوله المنشاء
وبعد كده يشتكي من العربيه فيها مشاكل او معيوبه