الموضوع: كيفية عمل وصلة 13DIN لتشغيل MP3 player/Ipod لكاست كلاريون

زى ما علمنا كابل لكاست بايونيير فى الموضوع ده
https://www.nilemotors.net/Nile/40038-ip-bus-mp3-player-ipod.html

هنا هنعمل كابل Aux in لكاست كلاريون
الكابل ده هيشتغل على اى كاست كلاريون فيه خاصية تشغيل CD Changer وفيه سوكت اسمه Pin Din C-Bus input 13 فى الكاست من ورا

دى التفاصيل بتاعت السوكت




احنا عايزين نعمل الكابل ده



هنحتاج الاتى

1- 13Din conector male نفس اللى فى الرسمه بس فيه سنون

2- كابل ستريو عادي إلي فيه 2 طرف من ناحية و جاك هيدفون من الناحية التانية




3- مفتاح صغنون خالص



الخطوات:
- نوصل طرفين المفتاح ب Pin 5 و Pin 9 (راجع الرسمه)
هنستخدم سلك عادى فى التوصيل

- هنجيب الكابل الاستريو وهنقطع الطرفين اللى فى الاخر وهنعمل الاتى
ناخد بالنا ان الطرف الابيض بيبقى هو السماعه الشمال والطرف الاحمر بيبقى السماعه اليمين (Standard)

• هنقطع الطرف الابيض هيبقى عباره عن سلكين وشكله كده

• هتلاقى سلك فى النص معزول وسلك خارجى ملفوف حواليه من بره
• السلك الخارجى ده هيبقى هو الأرضى بتاعنا
• هتاخد الطرف التانى الأحمر وهتقطعه زى ما عملنا قبل كده
• هنوصل الارضى للطرفين ببعض ونلحمه فى Pin 6 زى الرسمه اللى فوق
• نوصل السلك بتاع الطرف الابيض ب Pin 7 و سلك الطرف الاحمر ب Pin 8

المفتاح لازمته ايه بقى؟

عند تحويل المفتاح على Off الكاست هيشتغل عادى جدا
مجرد ما تحول المفتاح ل ON الكاست هيتخيل ان فى CD Changer متوصل وهيدخل على ال ACC mode (هيعرض على الشاشه Acc Mode) وساعتها هيستقبل الصوت من الكابل

بس ياريت قبل تغير حاله المفتاح نقفل الجهاز ونشغله تانى بعد تحويل المفتاح لل mode اللى احنا عايزينه

كده يبقى مش ناقص غير انك توصل طرف جاك الهيدفون من الكابل بالجهاز بتاعك (ام بى ثرى بلاير او Ipod) عن طريق فتحه السماعات

اى خدمه يا رجاله ويارب يكون الموضوع مفيد

واللى عنده اى استفسار انا تحت امره

موضوع جامد بس في حاجة
انت لما بتوصل الايبود مكان السي دي تشانجر بينقل داتا ولا مجرد صوت بس بمعني انك ممكن تتحكم في الايبود من الكاسيت نفسه وغير كدع بيانات الا غنية بتطلع علي الشاشة
وشكرا علي مجهودك انا حاليا بستعمل ماجيك تيب وموصله علي بوكت بي سي وهعمل موضوع قريب ان شاء الله عليه