ايه احسن مكينة عمل القهوة ((للكافيهات))

**iwantes350** · 14-01-2014 10:35 PM

السلام عليكم ورحمة الله وبركاته
انا كنت عايز اعرف ايه افضل مكن عمل القهوة عشان ان شاء الله هنفتح كافيه انا واصحابي
واحد صاحبي قالى هنجيب مكنه ب5000 جنيه وانا بدورعلى جوميا لقيت واحده ب 1900 جنيه اسمها delonghi ايه رائيكم فيها وهل تنفع لكافيه ولا لآ ؟
والحاجات اللى بيعملو بيها العصاير اللى بتبقى نكهات فى زجاجات طويله كده اسمها ايه ؟؟ وبتتباع فين وبكام ؟
معلش اسف على الاسئله الكتير بس انا معنديش خلفيه

**hossam_elwani** · 14-01-2014 11:55 PM

متابع

**Ramy-Ahmed** · 15-01-2014 12:10 AM

افضل ماكينه قهوهووهي الوحيده الى ممكن تستحمل كافيه,بس اكيد غاليه شويه
وممكن تخليك فى المانوال

**iwantes350** · 15-01-2014 01:12 AM

متشكر ليكم جدا ...
بس معلش انا معنديش خبره نهائي ((ايه الفرق بين المانيوال والاوتو))
وكام سعر الماركه اللى حضرتك قلت عليها ..
وشكرا مره اخرى

**mohamed_selim** · 15-01-2014 01:23 AM

لو حضرتك معندكش خبره و محدش معاكم عنده يبقى هتلبسو فى الحيطه ... معلش اصل ده بالظبط شفتو مع واحد صاحبى فى كافيه و باعه بعد اقل من سنه و خسران فيه كتير .... شوف حد يكون عارف يفيدكو افضل ... اللى فاكره من صاحبى ان ادوات المطبخ بتتجاب تقسيط مش كاش بحاجه زى التاجير بس بعد فتره بتكون دفعت تمنها و بقت بتاعتك

**Ramy-Ahmed** · 15-01-2014 08:37 PM

صديقى العزيز الاستاذ محمد سليم كلامه صح,الموضوع مش سهل ولازم شخص يكون دي شغلته
بالنسبه للماكينات القهوه, المانوال لازم تلقم البن وتسخن اللبن علي البخار الخارج من الماكينه علشان الفوم.
الاوتوماتك طبعا زي الفل اضغط اسبريسو ينزل اسبريسو ,كابنشينو ينزل زى ما انت عايز.بس طبعا اسعار غاليه اوي

**dedi** · 15-01-2014 10:09 PM

حجم الشغل اية وكام فنجان متوقع فى اليوم انا راى لو لسة فى البداية جرب بديلونجى بس هات حاجة كبيرة وبعد الدنيا ماتوضح قدامك هات حاجة اغلى تتحمل هيفى ديوتى
لو عايز اى معلومة عن اى معدات للمطبخ ممكن افيدك من خلال خبرتى فى المجال دة و ربنا يوفقك

**al_manara** · 15-01-2014 10:17 PM

بعت لك رقم واحد شغال في الحاجات دي .
اتعاملت معاة قبل كدة

**iwantes350** · 16-01-2014 10:38 PM

متشكر ليكم يا جماعه بجد ..
انا اسف انى سبت الموضوع بس كان عندى امتحانات ..
عموما ارائكم كلها فعلا صحيحه جدااا
بس ان شاء الله انا ناوى عليها بجد وانا اساسا بحب اعمل الاسبريسو وانواع القهوة وبتفرج على ناس بتعمل الحوار ده على اليوتيوب

**iwantes350** · 16-01-2014 10:42 PM

المشاركة الأصلية كتبت بواسطة dedi

حجم الشغل اية وكام فنجان متوقع فى اليوم انا راى لو لسة فى البداية جرب بديلونجى بس هات حاجة كبيرة وبعد الدنيا ماتوضح قدامك هات حاجة اغلى تتحمل هيفى ديوتى
لو عايز اى معلومة عن اى معدات للمطبخ ممكن افيدك من خلال خبرتى فى المجال دة و ربنا يوفقك

شكرا لحضرتك ..
هو انا فعلا اقترحت على اصحابي ان احنا نجيب ال delonghi فى الاول لان اساسا شغل الكافيه هيكون مبنى على اساس ال Waffle اما القهوه والعصاير هتكون دى حاجه بجانب الوافل ..
وانا اتشرف بيكو تكونو اول ناس عندى فى الكافيه