المشاركة الأصلية كتبت بواسطة ahmodium
امبارح انا ومراتي كنات بنفطر بره
وركنت في شارع جانبي ولقيت السايس كده راجل عجوز بس لزقه..
ومن ساعه ما نزلت وعمال يقولي يا بيه كل سنه وانت طيب ورمضان كريم وربنا يخليلك المدام...
نفضتله.. فقالي خلاص يا بيه لما ترجع
المهم لما رجعت وانا ماشي قاللي : يا بيه انا فضلت واقفلك جانب العربيه ...تحت امرك يا بيه عشان احرسهالك
برضه نفضتله وماعبرتوش
لقيته بيقولي
انت شكلك كده ماعكش فلوس
قلتله ايوه ... برافو عليك.. انا مفلس ومعيش ولا مليم
لقييته مطلع نص جنيه من جيبه وقالي خد يا حبيبي النص جنيه ده من عمو اشرب بيع حاجه انت والمدام
اصلكوا صعبتوا عليا:oops:
..
طبعا لسه هانزل ارفعه في اقرب شجره... بس مراتي قالتلي خليك انت العاقل ده عجوز ومخرف واحنا في العشر الاواخر.. ربنا يهديك سيبه وامشي
طبعا انا الكبير والعاقل سيبته ومشيت:beee:
بس أخذت النص جنيه,... عشان احرق دمه اكتر !!!:devil2: