اشتريت mg5 و فاقت كل توقعاتي

**RedBull_30** · 17-01-2014 11:11 AM

المشاركة الأصلية كتبت بواسطة ahmed travco

الف مبروك على العربية... انا بحترم الناس اللي دماغهم مختلفة وبيشتروا الحاجة اللي مقتنعين بيها بغض النظر عن اعتبارات السوق...
وطبعا العربيات الـmg تقفيلها ممتاز وانا اتفرجت عليها شخصيا في معرض الكموني في طنطا وفعلا حاجة محترمة بس محتاجة تسويق افضل وعروض اسعار احسن لحد ما يبقى فيه brand awareness للماركة نفسها والناس تبدأ تعرفها وتثق فيها ثم يقدروا بعد كدة بقى يعملوا زي غيرهم ويزودوا الأسعار...
سؤالين: 1. هو حضرتك متأكد من حتة ان فولفو بتتجمع في الصين دي؟؟ اللي اعرفه ان الإدارة صينية بس لسة المصانع وخطوط الانتاج في السويد... لو عندك معلومة مختلفة يا ريت تقولنا...
2. بيانات حضرتك بتقول انك معاك جين2... ممكن تقولي فرق الثبات بينها وبين الإم-جي؟؟ الثبات بس...

استاذ احمد انا بعتذر بصراحة معنديش دليل مادي على معلومة ان فولفو بتتصنع في الصين واعتمد على معلومة من شخص مقرب مني جدا وهو صاحب معرض سيارات كبير في 6 اكتوبر وبياكدلي ان فولفو ليها خطوط انتاج في الصين هي و الاوكتافيا وكمان الجيتا ..
بس يا حضرات انا ما قولتش ان الام جي انجليزي 100% والا مكنتش هتنزل مصر ولا انا كنت هعرف امتلكها , بس الواضح أوي هو ان ايدي الانجليز فيها اكتر من الصينيين وده هتلاحظه ببساطة بانك لو قارنت كل العربيات الصيني ببعضها وشوف افضلهم وبعدين قارنها بال mg .

الجين 2 هي كمان كانت فيها الروح الانجليزية و تحديدا لوتس و كنت بحب فيها عفشتها الرياضية و كانت بثبات طبيعي مش بيتدخل فيه اجهزة حتى كانت عفشتها الخلفية متعددة الاذرع على عكس ام جي 5 ..
انت عارف ان طريق اسكندرية الصحراوي مليان تحويلات وتفاجأت بجزأ مش ممهد قدامي وده خلاني اتفاداه بدون ما احتاج للفرامل وبصراحة محستش غير بكل ثبات للعربية وده اللي خلاني اقول في بداية الموضوع انها فاقت توقعاتي و للمعلومة وقتها كنت ماشي على 110 تقريبا كمان احب اضيف شيء لصالح الام جي وهي الفرامل .. بمنتهى الامانة (ولا في الاحلام ) ودي كانت حاجة بالبلدي كده زهقت وطهقت كل مالكي البروتون عموما مش الجين 2 بس .
الجين 2 عربية ثابته بطبيعتها بس مش الثبات اللي تثق فيه 100% وخليني بس اعمل 5000 ك بالام جي وان شاء الله هقولك على عيوبها قبل مميزاتها .

بالمناسبة يا أستاذ أحمد قبل ما انهي الرد على سؤالك .. هو الفولفو لو فعلا اكيد ان مصنعها في الصين ده يقلل منها ؟
أعتقد بان لو الاجابه نعم فهتبقى المشكلة عندنا احنا .. مش في الصين ولا العربية

**Ahmed TRAVCO** · 17-01-2014 11:27 AM

المشاركة الأصلية كتبت بواسطة RedBull_30

بالمناسبة يا أستاذ أحمد قبل ما انهي الرد على سؤالك .. هو الفولفو لو فعلا اكيد ان مصنعها في الصين ده يقلل منها ؟
أعتقد بان لو الاجابه نعم فهتبقى المشكلة عندنا احنا .. مش في الصين ولا العربية

لأ طبعا لا يقلل منها لأن شركات بالحجم ده ليها معايير جودة معينة لا يمكنها التنازل عنها والاضرار بسمعتها اللي بنيتها على مدار عشرات السنين حتى لو العربية هتتقفل في طنطا عندنا... وعندك اكبر دليل مرسيدس وبي إم دبليو، ما هم بيتقفلوا عندنا وما اعتقدش اني سمعت شكاوى من تقفيل او غيره... عكس حاجة مثلا زي النيسان صني والبروتون بأنواعها تقفيلهم مش اللي هوه... فمش شرط يعني!!! وبعيدا عن العربيات عندك أبل بجلالة قدرها كل الـiPhones والـiPods واللي بتنتجهم بيتصنعوا في الصين عادي جدا، ومحدش يقدر يقرب من فخامة الآيفون وجودة مواد تصنيعه حتى الآن اللهم إلا اتش تي سي...

**M I D O** · 18-01-2014 04:55 PM

ربنا يحفظهالك .. العربية روعة لاكن السعر المبالغ فية مخليها غير منتشرة ومش هتنتشر بالسعر دة

**هانى ظرف منصور** · 20-01-2014 02:22 AM

السيارة سعرها كام؟

**bassemali** · 20-01-2014 02:59 AM

أولا ألف مبروك .. وثانيا ياريت تقولنا جبتها بكام ومواصفاتها أيه وهل هي أعلى فئه ولا لأ ومواصفات الهاي لاين أيه .. بعد إذنك طبعا ... وألف مبروك مره تانيه .

**RedBull_30** · 20-01-2014 10:01 PM

انا مجبتهاش اعلى فئة .. أعلى فئة اعتقد تزيد عن اللي معايا ب 12 الف .. انا جبتها ب 133 الف اوتوماتيك باور ستيرينج و سنتر لوك و زجاج كهربا و cd player , usb , جنوط سبور 16 و بلو توث و كمان فتحة سقف ومالتي فانكشنز في الاستيرينج و تلاجة في التابلو . والفئة الاعلى اللي تقريبا ب 145 بتزيد عن اللي فات مقاعد جلد طبيعي و شاشة 7 انش دي في دي بس من غير الجي بي اس نسيت اوضح ان الفئتين فيهم مرايات كهربا وأهم ميزة موجوده بالنسبة ليا في الفئتين هي انها immobilizer .

بالمناسبة كراسي العربية للفئة اللي معايا هي صحيح قماش عادي بس حاجة متكلفة و أعتقد انه عن قريب موضة الكراسي الجلد هتختفي والسبب انه بيبقى مش جلد طبيعي بس بيقولو عليه انه طبيعي .

المحرك ناعم جدا جدا والعزل فوق الممتاز واتحدى بمعنى الكلمة في الموضوع ده ..
العربية متكلفة جدا جدا العزل اخدت بالي انهم حاطين مواد عازلة بين الرفرف الامامي و بداية الباب الامامي و ده موضوع انا أخدت بالي منه في السيات ليون الجديدة و كمان الجولف 7 .
بالنسبة للجير بوكس فهو 4 سرعات ناعمين و حابب اقولك حاجة يا استاذ حجاج بانك مش هتلاقي نتش في جير بوكس زي ده لانه مش على كلاتشات زي ال dsg مثلا بتاع الفولكس و بالنسبة لاداء المحرك فانا راضي عنه و هتلاقي ناعم جدا مع العلم ان التقسيمة جنزير .
انا بتمنى والله الخير للكل و بستغرب لما الاقي واحد يروح يجيبب عربية ب 100 الف وهي اخرها تنفع لتوصيل الطلبات للمنازل , و وقت لما اتكلمت عن الام جي لقيت هجوم مش مبرر غير بكلام ميوصلش لنتيجة .. والاقيهم يقولو ان الام جي صيني وان توكيلها في مصر فاشل ..يا باشا عربية صيني بس انضف من الياباني اللي في مصر.عربية بتتباع فعلا و بمعدل محترم مقابل المنافسة الشديدة و لو التوكيل نزل سعر العربية يبقى مفيش فرق بينها و بين باقي الصيني اللي من رأيي محطش فيه جنيه واجيب بداله حاجة مستعملة معقولة .. ولو التوكيل نزل سعرها عن كده مكنتش هشتريها لانها اكيد كانت هتبقى صيني 100% تعبان بعفشة زبالة تتعبك بعد 10000 ك و خامات داخلية بطقطق
اخيرا يا حضرات حابب اقولكم ان بشوف العربية منتشرة كتير في الشارقة و دبي بشكل غير طبيعي واقصد الام جي عموما مش ال 5 بس .

**ayman20100** · 21-01-2014 02:50 PM

كلامك مهم جداًاًاًاًاًاًاً لانه مش زي اغلب الناس الى بتتكلم وخلاص ...لانك اشتريت العربية وجربتها فعلاً .... مش بتتكلم من واقع تخيلات زي البعض الاخر
نصيحة للناس الى عاوزة تحكم على العربية يأما يسألوا حد ركبها او يجربوها
تقريباً التوكيل عامل تجربة قيادة للعربية ال mg750
جربوها واتفرجوا عليها واحكموا
على العموم رايي الشخصي فيها انها افضل من كل الصيني الموجود في السوق ولو ربنا كرمني في الفترة الجاية ان شاء الله هشتري mg350 ممتازة

**RedBull_30** · 21-01-2014 03:25 PM

التوكيل بيعمل تجربة قيادة لكل موديلات mg

**bassemali** · 23-01-2014 06:47 AM

أنا مش عارف أيه الفرق بين ال 350 وc350 و S 350 ؟؟؟؟؟

الموضوع: اشتريت mg5 و فاقت كل توقعاتي

LinkBack

أدوات الموضوع

عرض

-

-

-

-

المواضيع المتشابهه

فرع سموحة... ملهومش فيها

اتخانق مع جاري ولا الطيب احسن ؟!

لييه الطيب دايما بييجي على الطيب اللي زيه ؟؟!!!!!

عربيتين ملهومش دعوة ببعض .. بس عايز رأيكم

الرجاله الى ساكنه فى اسكندريه ملهومش نصيب فى سيراتو كوبيه !!!!!

الكلمات الدلالية لهذا الموضوع

المفضلات

المفضلات

ضوابط المشاركة