اشتريت mg5 و فاقت كل توقعاتي

**raedegypt** · 23-01-2014 08:23 AM

يابرنس اى عربيه زيرو حلوة بس الكلام فى مصر بيختلف ليه. انت عندك من مشاكل فى الشوارع والحوادث الخفيفيه وسرقه المرايات وغيره وغيره ... هنا تبدء المشكله لما تلاقى نفسك من اى محافظه لازم تسافر القاهرة ولا الاسكندريه علشان تحصل فانوس ولا زجاج ولا ...........الخ .. ولا عفشه تلاقى الميكانيكى ان لم تكن عربيه متداوله وفكها قبل كدة وهو مشغول يقول مش فاضى لانه عارف بيفك فى حاجه مجهوله وبعدين ممكن يتعطل من قطعه غيار مطلوبه مش موجودة وغالبا العربيات دة قطع الغيار تباع اجزاء كامله مع بعضها

**ayman20100** · 24-01-2014 10:08 PM

المشاركة الأصلية كتبت بواسطة bassemali

أنا مش عارف أيه الفرق بين ال 350 وc350 و S 350 ؟؟؟؟؟

ديه فئات العربية
ال MG350 s ديه اول فئة اوتو وعجل بطاسات وبتبدأ من سعر 124750
ال mg350 C الفئة الاعلي اوتو في الكاسيت والجنوط وباركينج وفرش جلد
ال MG350 D اعلي فئة كل الكماليات تقريباً اوتو ودفيدي تاتش وفرش جلد و 8 ايرباج وجنوط وفتحة سقف وكاميرا وطبعاً اعلاهم سعراً تقريبا 149000

**M I D O** · 29-01-2014 11:13 PM

المشاركة الأصلية كتبت بواسطة ayman20100

ديه فئات العربية
ال mg350 s ديه اول فئة اوتو وعجل بطاسات وبتبدأ من سعر 124750
ال mg350 c الفئة الاعلي اوتو في الكاسيت والجنوط وباركينج وفرش جلد
ال mg350 d اعلي فئة كل الكماليات تقريباً اوتو ودفيدي تاتش وفرش جلد و 8 ايرباج وجنوط وفتحة سقف وكاميرا وطبعاً اعلاهم سعراً تقريبا 149000

صعب اوي تنتشر بالسعر دة ولو باعت في السنة 50 عربية يبقي عملت انجاز

**RedBull_30** · 30-01-2014 09:32 AM

هو حضرتك حابب ال mg350 يبقى تمنها كام ؟
حابب مثلا تزيد عن تمن عربيتك 10000 جنيه ؟
اتمنى ان حضرتك تبص عليها في اي معرض قريب منك وأعتقد ان حضرتك ان شاء الله هتاخد بالك من حاجتين :
1- لو زياده 10000 عن عربيتك يبقى حضرتك سامحني في اللي هقوله انك اضحك عليك في عربيتك مهما كان سعرها اللي اشتريته بيه راضيك .
2- لو فعلا ام جي بقت بالسعر ده يبقى في حاجات كتير غلط فيها زي خامتها هتبقى رديئة جدا او جهاز تعليق تعبان او جهاز تعليق بدائي الصنع او محرك على قده وعليه شكاوى كتير وأعتقد ان كل الصيني غير الام جي ابرز الشكاوى منه .
سامحني يا استاذ ميدو حضرتك من مكانك مش شايف العربية بتتباع ازاي .

**Hunting_Eagle** · 30-01-2014 08:14 PM

الف مبروك العربية و تتهنى بيها ان شاء الله

لو انا فاكر صح اول مرة شوفت فيها العربية كان في توب جير و شكروا في المواد المستخدمة في التصنيع و دول ما بيعجبهمش العجب

:)

ما تزعلش حضرتك من موضوع ان السعر غالي .. مفيش عربية في مصر تساوي سعرها حتى لو خصمت منها الجمارك .. كل العربيات سعرها بقى مبالغ فيه .. المهم انك مبسوط من العربية و حافظ عليها و مبروك عليك

تحياتي

**Hunting_Eagle** · 30-01-2014 08:14 PM

الف مبروك العربية و تتهنى بيها ان شاء الله

لو انا فاكر صح اول مرة شوفت فيها العربية كان في توب جير و شكروا في المواد المستخدمة في التصنيع و دول ما بيعجبهمش العجب

:)

ما تزعلش حضرتك من موضوع ان السعر غالي .. مفيش عربية في مصر تساوي سعرها حتى لو خصمت منها الجمارك .. كل العربيات سعرها بقى مبالغ فيه .. المهم انك مبسوط من العربية و حافظ عليها و مبروك عليك

تحياتي

**RedBull_30** · 31-01-2014 08:53 AM

المشاركة الأصلية كتبت بواسطة dedi

يا باشا انا موش عاوزك تتضايق بس للاسف كلام ميدو صح
حضرتك بالسعر دة غالية جدا و توكيل ضعيف و موش مسوق للعربية صح
خير دليل على خطا كلامك شوف كام عربية منها اتباعت وقارنها باى عربية صينى وبعدين حتى لو بعدنا من موضوع سعرها قلة الانتشار و مراكز الخدمة بمعنى فى الصعيد اين قطع الغيار و مراكز الخدمة
اعتقد بداية اسمها فى مصر ان لم تخنى الذاكرة سنتين او 3 سنوات ماذا باعت يكفى انى لم اشوف واحدة منها فى الصعيد
يجب ان يراجع التوكيل سعرها دة لو عايزها تنتشر

استاذ ديدي انا مزعلتش من استاذ ميدو و واضح انك فهمتني غلط
انا مقصدش اقنع استاذ ميدو بعربيتي لان الراجل خلاص اشترى بعربيته واعتقد انه مبسوط بيها
.. بس اللي مستغرب منه حاجة بان حضرتك عرضت موضوع عن العربية الامجراند تقريبا بتاعت حد قريبك لما وقفت منكم تماما في الصعيد وحضرتك اضطريت انك تجيب ميكانيكي وهو قالك ان خامة القطعة المشكو منها رديئة جدا و في نفس الموضوع الزملاء هنا عرضو عليكم تروحو حماية المستهلك و عرض الصور على الصفحة الخاصة بالعربية ..
مقصدش غير ان الغالي تمنه فيه .
و بمنتهى الامانة الامجراند متتسواش بالام جي . و يحزني ان اعرف مثلا ان حضرتك دافع فيها مثلا 80 الف .
خلاصة الموضوع وهو باين من العنوان الاساسي .. انا مش بقنع حد ادبس وجاب عربية .. انا بحاول اوضح صورة بتعدي على المصريين عموما وهي الانسياق .

**RedBull_30** · 31-01-2014 09:04 AM

المشاركة الأصلية كتبت بواسطة Hunting_Eagle

الف مبروك العربية و تتهنى بيها ان شاء الله

لو انا فاكر صح اول مرة شوفت فيها العربية كان في توب جير و شكروا في المواد المستخدمة في التصنيع و دول ما بيعجبهمش العجب

:)

ما تزعلش حضرتك من موضوع ان السعر غالي .. مفيش عربية في مصر تساوي سعرها حتى لو خصمت منها الجمارك .. كل العربيات سعرها بقى مبالغ فيه .. المهم انك مبسوط من العربية و حافظ عليها و مبروك عليك

تحياتي

كلام حضرتك بخصوص الاسعار صحيح 100% بس هنعمل ايه !

الحمد لله يا فندم العربية فاقت توقعاتي و متقلقش لاني الحمد لله بحافظ فعلا على اي شيء معايا مش العربية بس و شكرا لمرورك