طريقه تغيير زيت الفتيس المانوال االايه 4 بالصور , موضوع حصري
السلام عليكم ورحمه الله وبركاته..
امبارح عملت شويه صيانه في عربيه اخويا الايه 4 هحكيلكوا عليهم , المهم صورت لكم شغل تغيير زيت الفتيس ..
-كان مطلوب لقمه الانكيه او مفتاح الانكيه 17 مل لقيته ب30ج جديد :fdsa:وانا اكبر مقاس معايا 10 مل .. جبت مسمار الانكيه طويل راسه مقاس 17 وتنيته بالدق عليه ليصبح زاويه90 د . هحط راسه في الطبه وطرف المسمار التاني اركب فيه ماسوره علشان تبقي يد افك واعزم بيها . وده شكله..
http://nileup.com/up/uploads/nilemotors_13897779341.jpg
-هنقول باسم الله ونرفع العربيه من ناحيه الشمال (امام السائق) وممكن نحمل العربيه علي اي رافعه للامان ( انا عامل تحميله خشب) هنفك الفرده الشمال
ونفك المصفحه وهي بتتفك عن طريق 2 مسمار مقاس 16 ملي اماميين و2 مشقبيه
خلفيه بنحرر المصفحه منهم
- لو بصيت من فجوه العجله ع الفتيس من الخلف هتلاقي مسمار الطبه (طبه المليء) اللي هنملي منها الزيت بعد ما ننزله من طبه التفريغ . ده مكان طبه المليء
http://nileup.com/up/uploads/nilemotors_13897779342.jpg
-طبه التفريغ تحت طبه المليء بس من تحت الفتيس ( للاسف ماعرفتش اصورها) هي نفس الشكل برده وسهل ملاحظتها ..
-هنفكها بالمسمار اللي عملناه او اي الانكيه 17 ونستقبل الزيت القديم في وعاء ( انا قصيت ازازه ميه كبيره) ونسيب الزيت ينزل وعلشان نساعده هنفك طبه المليء علشان ازاحه الهواء
http://nileup.com/up/uploads/nilemotors_13897779355.jpg
http://nileup.com/up/uploads/nilemotors_13897779356.jpg
-بعد مالزيت القديم ينزل كله هنقفل الطبه اللي تحت ( التفريغ) وهنجيب قمع بلاستيك وخرطوم عادي 1متر ونلبسهم في بعض ونحط طرف الخرطوم في طبه المليء ونبدا نحط الزيت الجديد
الفتيس هياخد 2 لتر بالضبط انا جبت زيت تروس موبيل لزوجه 80-90 .بعد المليء ومع اول ملاحظه ان الزيت الزياده بدا ينزل من الطبه بنقفلها علطول
دي صوره الطبه وهي مفتوحه
http://nileup.com/up/uploads/nilemotors_13897779344.jpg
ودي الطبه واحنا بنقفلها
http://nileup.com/up/uploads/nilemotors_13897779343.jpg
طبعا الزيت القديم منظره عجيب !! شحم اسود :Copy of new:
-بقيه الشغل للاسف ماتصورش ماكنتش عارف امسك الموبايل بالسيفتي اللي في ايدي بس هحكيلكوا عليه..
- غيرت اويل سايل عصايه الغيارات ( عندنا في الاوبل بنسميها العقربه) ولازم تكون عارف مقاسه قبل ماتفكه علشان تشتريه بالضبط . انا قيسته بالبوكليز .. الinner بتاعه كان 18 والخارجي 16 تقريبا. مجموعه الغيارات واصله في العمود اللي هنغير له الاويل سايل بصاموله 13 مل من الخلف هنفكها ونرجع المجموعه للخلف
مع ملاحظه استقامه العمود ( علشان النقلات ماتخلفش)
مفك رفيع وعوجت طرف الاويل سايل وبدات احطه عليها وانتش لبره لغايه ماتفك ( بصراحه متعب جددددا) :crying2:بعد كده نظفت المكان بالبنزين ونشفته وركبت الاويل سايل الجديد لغايه ما بيت في مكانه بالضبط . رجعت مجموعه الغيارات وركبت الصاموله . وكده تمام..
- كان في مشكله في عداد السرعه ( بيهيس ) ولقيت ان ترس السرعه الحساس اللي عليه الهاوسينج بتاعه مكسور !! الترس ده مكانه اعلي الفتيس تحت مجموعه الغيارات .
فكيته بالانكيه نجمه ( مسمار واحد بس) وفكيت فيشه الحساس وخرجت الترس بره الفتيس .
نظفته كويس ولحمته بالامير ( هو عباره عن فبر) وركبته والدنيا ظبطت الحمد لله..:ask:
يارب الموضوع يعجبكم .. تقبلوا تحياتي
