مشكلة تبطيل على السلانسيه في i10

**م.محمد علاء** · 15-01-2014 11:59 AM

السلام عليكم.
معايا عربيه هيونداي i10
الموديل: 2012
العربيه عامله 50 ألف كم
جميع صيانتها في التوكيل.
حصلت معايا مشكله من بعد ال 10،000 كم
و هي العربيه و انا ماشي بيها لما آجي أهدي عند مطب ال rpm بينزل لحد الصفر و العربيه تبطل.
في الصيانه اللي بعد كده..قولتلهم على العيب..
تم تنضيف بوابة الهواء.
و بعد 2000 كم بعد الصيانه..
تتكرر المشكله.
و العربيه تبطل و انا جاي أهدي تماما..
(بتبطل على السلانسيه عند المشي يعني مش و انا واقف و مدور ألاقيها مبطله.لأ)
طبعا تكررت الشكوي كل مروح أعمل الصيانه و تختلف الأعمال مابين عمل reset للبوابه أو تنضيفها أو حتى تغيير فلتر البنزين،و هكذا..
إلى الآن العربيه بتعمل الحركه دي..تمسك نفسها بعد عمليه الصيانه ألفين أو تلت آللاف كم وبعد كده تبتدي العربيه تبطل كل مهدي عند مطب(مش كل مطب.إنما مرتين تلاته)
هل المشكله دي مشكلة بوابه؟و لا ممكن تكون مشكلة حساس معين ولا إيه؟
مع العلم إن سحب العربيه ممتاز و لا توجد أي شكوى نهائيا من آداء العربيه.؟
يا ريت الناس تفيدني خاصة إن انا فاضلي 10000 كم أو تلت شهور و أكون خرجت بره الضمان.و بلغتهم بكده في المركز.

**mazeen** · 15-01-2014 01:12 PM

حساس الايدل

**Ahmed Saad** · 15-01-2014 02:15 PM

بص من الاخر خلي التوكيل يكشف عليها بكومبيوتر الأعطال على العربيه بالكامل لو مالاقيتش عطل مسجل يبقى خليهم يراجعوا على دوره الفرامل وبالذات السيرفو وخراطيمه لأن اللي بتقولو ده انك تفرمل بالعربيه تبطل دي كده مشكله سيرفو وصلات وخراطيم أو السيرفو نفسه ويارب أن شاءالله سهله

**م.محمد علاء** · 15-01-2014 02:33 PM

المشاركة الأصلية كتبت بواسطة hitmangate

بص من الاخر خلي التوكيل يكشف عليها بكومبيوتر الأعطال على العربيه بالكامل لو مالاقيتش عطل مسجل يبقى خليهم يراجعوا على دوره الفرامل وبالذات السيرفو وخراطيمه لأن اللي بتقولو ده انك تفرمل بالعربيه تبطل دي كده مشكله سيرفو وصلات وخراطيم أو السيرفو نفسه ويارب أن شاءالله سهله

معلش يمكن أكون موضحتش قوي..
هما مش قصة تبطيل مع فرمله.
ممكن أمور العربيه أو أدوس دبرياج ينزل ال rpm لحد متبطل.
كده أقدر أستبعد منظومة الفرامل من الموضوع أعتقد.
وشكرا لمشاركتك جدا.

**م.محمد علاء** · 15-01-2014 02:41 PM

المشاركة الأصلية كتبت بواسطة mazeen

حساس الايدل

ممكن طبعا.
بس حساس الأيدل يخليها تبطل و هي واقفه كمان.
غنما هي مش بتبطل وهي واقفه..
بتحصل و انا ماشي و مورت أو دوست دبرياج.

**dr.hazem** · 15-01-2014 03:11 PM

ايدل او بوابه او تي بي اس لو عندك
وممكن لما البوابه بتنضف الحساس بيشتغل وبيتوسخ فبيهيس...

ساعات بيبقى محتاجه تقوي سسلك الارضي...

تحياتي

**dr.hazem** · 15-01-2014 05:13 PM

المشاركة الأصلية كتبت بواسطة Eng:mohamed

التلاته موجودين..
انا بصراحه مش عارف..
طيب هو فيه سؤال..
أنا لو شلت فيشة ال TPS ايه العرض اللي ممكن يحصل للعربيه وهي واقفه.
و كذلك لو شيلت فيشة ال idle إيه بردو اللي ممكن يحصل؟.

برجله والار بي ام هيلعب ودوارة وحشه وصرف بنزين كلها مشاكل مشتركة

Sent from my Xperia Arc S using Forum Runner

**م.محمد علاء** · 16-01-2014 02:10 PM

المشاركة الأصلية كتبت بواسطة hitmangate

يبقى كده القول الفصل تتحط علي جهاز الأعطال ممكن تحطها على جهاز في أي محطه بنزين واعرف الأعطال واطلع بعد كده التوكيل

منا مش بروح غير التوكيل :)
و بقالى 8 زيارات كل مره بحاجه شكل.
و ده للأسفل مش عطل بكود

-

الموضوع: مشكلة تبطيل على السلانسيه في i10

LinkBack

أدوات الموضوع

عرض

مشكلة تبطيل على السلانسيه في i10 - انشر الموضوع فى :

-

-

-

-

-

-

المواضيع المتشابهه

مشكلة تبطيل العربية

مشكلة تبطيل العربية . برجاء الافادة

مشكلة تبطيل العربية اثناء السير سيفيك 2000

مشكلة تبطيل العربية

مشكلة فى السلانسيه

الكلمات الدلالية لهذا الموضوع

المفضلات

المفضلات

ضوابط المشاركة