الحمد لله تحمد ربنا و تشكر فضله
الحمد لله تحمد ربنا و تشكر فضله
نفس الموضوع حصل في عربية نيسان صني
للأسف الواقع الان أنه لامكان للمبادئ و الضمير فى مصر
ربنا يرحمنا و يحمينا من شغل النصب و العصابات
و شكرا لصاحب الموضوع على نقل التجربة
فيه واحد اعرفه كان شغال فى معرض سيارات بردو هو كان شغال فى الامن المهم ركب عربيه فيرنا زيرو علاشن ينقلها المخزن المهم خبط الباب اليمين وبعد تفاوض مع المعرض اتفقو انه ياخد فلوس التصليح وزمان العربيه اتصلحت واتباعت عادى جدااا على انها زيرو ومحدش واخد باله
نفس الكلام في توكيل ميتسوبيشي القديم (مصرية) عربية شارك زيرو بورقها بتترش ولما سألت قالولي واحد بموتسكل خبطها ،عايزنا نرميها !؟ وده بيحصل كتير عادي !
ربنا يعوضك خير معلش
المفروض الواحد ميثقش حتي فالجديد
الحمد لله تم الاستلام بالامس من فرع ابو رواش.
الف مليون مبروووووووووك
ألف مبروك وربنا يحرسك ويحرسها..
الف مبروك الاستلام وربنا يباركلك فيها ان شاء الله وكتر خيرك لتوعيه الناس علي فكره انا اكتر من مره شفت عربيات لوجان مشرفه في التوكيل بورقها من غير نمر لما اسأل بيقولوا انها بتاعه موزع واتخبطت منه ف النقل ياريت يبقي التوكيلات في مصر عندها ضمير اينعم العربيه اللي اتخبط فيها باب واترش مش مععقوله هيرموها مثلا لكن هم ممكن يعملوا تخفيض عليها من 10 ل 25 الف علي حسب تمن العربيه والف واحد هيشلها ويفرح بيها خصوصا ان طريقه السواقه في مصر مافيش عربيه زيرو بتسلم من حكه او خبطه خفيفه ويقولك هي كده خدت عينها يعني هي تفضل تاخد عينها لحد امتي هههههههه
حسبي الله ونعم الوكيل فيهم ، هؤلاء لا يستحون و لا يعرفون ازاي الواحد بيجيب القرش
لا حول ولا قوة إلا بالله
يعني لو كان بلغ جهاز حماية المستهلك كان هيتخذ موقف ايجابي على ما اعتقد لأ
هذا هو عيب شراء السيارات في مصر
كله نصب x نصب
خلاص كدة متدورش حضرتك في القديم عشان ماتتعكننش ، ألف مبروك على العربية الجديدة و مستنيين حضرتك تعملينا تقرير عشان أنا محتار مابينها هي و ال ix35
غلطان غلطان غلطان....كان لازم تبلغ فورا و انت واقف..لان فعلا فى واحد غيرك هايلبسها و يدفع ربع مليون جنيه فى عربية مرشوشة ....يالا الحمد لله ..بس المفروض تتوجه لقسم الشرطة التابع له التوكيل و تعمل محضر بالكلام ده
للمرة المليون باكد ان الموضوع دة لوجة الله عشان محدش يلبس العربية دة او غيره ... المقصود هو الحذر.
حضرتك ممكن تفكر معايا:
1- انت معاك رقم شاسية او ماتور ... لا
2- انت استلمت حاجة .... لا
3- لما قلت مش هستلم, غيرو العربية ولا لبسوهالى .... جابولى غيرها
4- لو جبت البوليس هيعملى اية .... هيقلى مفيش واقعة. صح ولا لا.
5- جهاز حماية المستهلك بيتعامل معاك لو فى واقعه فعلا واستلمت ولبست ... ودة محصلش
ارجو ان لو فى حاجة مش مضبوطة حضرتك يا ريت تصلحلى, وان شاء الله محدش هيلبسها الى اذا مخدش بالة او محدش معاه يشفها , ودة الى بقولة وهقولة تانى محدش يستلم اى عربية من اى حتة الى لما يشوفها ودة حرص منة مش اكتر .
وعايز اقول ان مدير المعرض شخصية محترمة وهو اكدلى انة مكنش يعرف, وبرده حجز لى الون الى عايزة من فرع ابو رواش واشتلمت منة وكلمنى يسئل عليا ... متشكر جدا لية بجد ومستنى الورق بتعها عشان ارخص
والسلام عليك ورحمة الله وبركاتة
متشكر جدا لحضرتك وربنا يبارك فيك
مفيش اكتر من التقارير الى معمولة هنا فى المنتدى عن العربية او فى اى مكان تانى.
بعد اذنك هسئلك كام سؤال:
1- حضرتك عايز تجيب انهى فئة IX 35 او الكيا.
2- اية الى محتار فية بما ان الاتنين تقريبا متشابهين؟
انا اخترت الكيا عشان هى مريحة من جوة اكتر وخاماتها احسن وتوكيلها الناس بتشكر فية , مع احترامى لاناس تانية كان حظها وحش فى مواقف فردية.
عهلى فكرة انا معايا هيونداى - النترا 2008 وكانت احسن من السيراتو لما اشتريت الهيونداى وكانت افضل عربية وقتها.
ممكن تقول ان الوقت دة بتاع الكيا الاسبورتاج :wink10:
برافو عليك وأحييك على أيجابيتك .
بارك الله فيك
الحمد لله ربنا سترها معاك
وعلي فكر انا كنت كل يوم بركب الدائري من المعادي دخلت دار السلام تقريبه اسمها كدا اللي هيا عند بنزينه التعاون المهم كان هناك ساحه ركن عربيات زيرو وتقريبا وكيل كذا ماركه مره كان معايه اخويه لاحظ ان في عربيه الباب معمول معجون احمر ولا مترشتش وبعد يوميت قلت اركو لقتها لسه معجون تقريبا قبل ما يسلموها كانو حيرشوها عشان اللمعه والله العظيم والله العظيمم من ساعتها وانا كل مروح مع حد يستلم او حته يكلمني في التلفون لازم اكد عليه انه يقلب العربيه - اليومين دول انا بشتري واي معرض يقولي حجبلك العربيه بنفس مواصفاتك اللي انت عاوزها او استلم بليل اقولو استحالا لازم اشوف عربيتي قبل اصلا ما ادفع الفلوس مش زيه ولا حتي بستلم بليل
لى صديق اشترى اوكتافيا من معرض ليلا والسياره زيرو طلع عليها النهار لاقاها رشه كبوت ورفرف