استلام كيا سبورتاج 2014 هاى لاين مخبوطة ومرشوشة من eit روكسى

**القناص المحترف** · 15-01-2014 04:05 PM

بص يا باشا انا هقولك عن تجربة حقيقية حصلت معايا في 2009 كنت حاجز كيا كارنز ب 108900 اتوماتيك وطبعا لطعونى انتظار حوالى 5 شهور لدرجة انى زهقت واشتريت عربية تانية لكن بردة كنت مصمم على استلام الكارينز وعملت معاهم مشاكل كتيرة لغاية لما استلمتها بالسعر الى انا حاجز بية وكان سعر العربية وصل ل 114000 وبردة تحجز وتستنى على الاقل 3 شهور يعنى فرق حوالى 5000 جنية وبعد الاستلام مشيت بيها 200 كيلو منغير مرخص ومعجبتنيش وقررت انى ابيعها وعرضتها للبيع بالسعر الرسمى 114000 وطبعا جالى 100 واحد لكن كان لازم ارخص الاول علشان ابيع لغاية مجالى واحد لية شغل مع توكيل كيا بابو رواش وفعلا رحت انا وهوة للتوكيل واتنازلت للتوكيل عن العربية وخدت فلوسى من الراجل بالسعر الرسمى 114 الف كل دة عادى ( وكنت فاكر انهم هيغيروا جواب المرور باسم المالك الجديد) لكن الى مش عادى انهم غيرو العربية للراجل لانى عربيتى كان لونها فضى وهوة استلم منهم وانا واقف معاة عربية تانية لونها اسود يعنى الخلاصة التوكيل خد منى العربية بعد مشيت بها 200 كيلو وخدوها وطبعا هيبعوها لاى حد تانى على اساس انها زيرو . من الاخر التوكيلات دول اكبر نصابين

**محمد بدر** · 15-01-2014 05:31 PM

جزاكم الله كل خير

**Mohammmed** · 15-01-2014 06:47 PM

لازم تبلغ او تعمل خطوة ايجابية لان فيه واحد غيرك غلبان هيلبسها

**blazer** · 15-01-2014 07:02 PM

على الاقل تقول بيانات العربيه و لونها و مكان الموزع عشان محدش يلبسها

**eng_abdou** · 15-01-2014 07:39 PM

المشاركة الأصلية كتبت بواسطة blazer

على الاقل تقول بيانات العربيه و لونها و مكان الموزع عشان محدش يلبسها

موجود يا فندم فى الموضوع فى جزاء الخلاصة

**eng_abdou** · 15-01-2014 07:41 PM

المشاركة الأصلية كتبت بواسطة mohammmed

لازم تبلغ او تعمل خطوة ايجابية لان فيه واحد غيرك غلبان هيلبسها

ممكن تقلى ممكن اعمل اية... النصيحة ان محدش يستلم عربية لوحدة عشان ميلبسهاش

ومعلومة ممكن اى حد يلبس اى عربية لو ميعرفش ... مش لازم االعربية دة بعينها ...

**eng_abdou** · 15-01-2014 07:42 PM

المشاركة الأصلية كتبت بواسطة محمد بدر

جزاكم الله كل خير

واياكم يا فندم

**eng_abdou** · 15-01-2014 07:47 PM

المشاركة الأصلية كتبت بواسطة mohamed shokry

انا مش متفق مع حضرتك
المفروض حضرتك تبلغ حماية المستهلك بالواقعة
لان كدة في واحد غلبان شقيان في ربع مليون جنية هيشيل العربية دي
انما لو حضرتك خدت موقف ايجابي تجاة المعرض, لا اظن ان الموقف هيتكرر

طيب انا موافق ومتفق مع حضرتك انى من وجهة نظرك مش ايجابى...

1- ممكن حضرتك توضحلى ممكن اعمل اية عشان ابقى ايجابى.
2- انا بستلم عربية جديدة لا عرفت رقم شاسية ولا ماتور.
3- عشان تعم الفائدة انا حولت ابلغ الحالة ومسكتش.

وعلى العموم الموضوع ممكن يحصل مع اى حد فرجاء الاهتمام عند الاستلام بغض النظر العربية نوعها اية او فاين وشكراً