الموضوع: استلام كيا سبورتاج 2014 هاى لاين مخبوطة ومرشوشة من eit روكسى

المشاركة الأصلية كتبت بواسطة محمد بدر

يأهل الخير ياريت كل واحد فينا يضع نفسه مكان هذا الشخص المحترم صاحب الموضوع يعني لما التوكيل يتصل بيك علشان تروح تستلم عربيتك وتفاجئ بالموقف ده هيكون كل تفكيرك ان متستلمش وعنصر المفاجآة اقوي من أي تصرف تاني واكيد بيشل تفكيرك يعني صعب تفكر انك تكتب رقم شاسيه او تصوره وناس كثير مبتعرفش ان رقم الشاسيه بيكون موجود علي زجاج السياره وبعدين اقتراح الساده الافاضل بإنه يعمل شكوي في حماية المستهلك. طيب بإني صفة
الراجل بمجرد رفضه استلامه للسياره والتوكيل مجدلش معاه واحترم رغبته كده مفيش نزاع بينه وبين التوكيل
بالله عليكم مين فينا حتي لو كلنا اجابيين يوجع دماغه ويروح حماية المستهلك وفي الآخر لا هيزود ولا ينقص
علشان الخطوة بتاعة حماية المستهلك دية لو كان استلم العربية وسجلت بأسمه كان في الحالة دية يبقي في شكوي و س و ج وحلني بقي لجان ومفاوضات والخ الخ الخ
علشان كده لازم نقدر تصرف هذا الرجل المحترم ونشكره انه وصل الموضوع للناس علشان تأخذ الحيطه والحذر عند شراء سياره وهذا ما كان يقصده في هذا الموضوع ان الناس تنتبه
يا سيدي الفاضل الشكر وكل الشكر لشخصك الكريم والله عملت ما عليك ولم تقصر في أي شئ و ربنا يكثر من امثالك

ا/محمد
اشكرك بشدة على ردك حضرتك الممتاز... بجد كلامك مظبوط جدا وكنت ممكن اكبر دماغى اصلا...
اكمل على كلام حضرتك انا ملحقتش اعرف رقم الماتور ولا الشاسية عشان الموضوع لم ياخذ لكتر من 5 دقائق بدون مجادلة مع اى حد فى المعرض لان الكلام كان واضح جدا وباين ان فى بقع بويا على الكوتش.

احب اضيف انى كنت ممكن استلم واخلص بعد 3 شهور انتظار.. ومحدش هيعرف حاجة لان معظم الناس عارفة ان ممكن يحصل كده وفى اخوة اكدو كلامى

هرجع تانى واقول اى حد بيستلم عربية لازم ياخد حد معاه بيفهم عشان مش يلبس

اخيرا وليس اخرا .... انا لسة منتظر رد المعرض عشان استلم العربية الجديدة وطلبت منهم محدش يلمس العربية ويساهم ويشيل او يلمس اى كيس او كفر جاى على العربية وان انا الى هشيلة بايدى.

اكمل واقول ان المعرض قالى تستلم من ابو رواش ...قلتلة لو عايزنى استلم من اسكندرية استلم بس محدش يلمس العربية. .

السلام عليكم ورحمة الله وبركاته

المشاركة الأصلية كتبت بواسطة ابو ليلى

جزاك الله خير على تنبيهك للاعضاء
وياريت تبعت للشركة لان من الممكن ميكنش عندهم خبر بالموضوع والخطأ الاساسى بيقع على الفرع نفسه سواء سوء تخزين او سائق مهمل ...
من الطبيعى ان ده يحصل فى ان شحنة يطلع منها
عربية ولا اتنين طيب المفروض التوكيل يعمل ايه يكهنها ... !!؟
ولا يعمل عليها عرض وتخفيض جزء من قيمتها وعلى فكرة ده بيحصل والاغلب بيكون داخليا واللى اشتغل فى التوكيلات عارف كده
حضرتك ترسل البيانات اللى تعرفها عن الواقعة للفرع الرئيسى لان ده اسمه ببساطة نصب
واطلب منهم رد فورى وتفسير للموضوع وتشرح انك مستمر معاهم وهتشترى العربية
توكيل كيا من التوكيلات المحترمة فى مصر وليه اسمه وسمعته اللى يخاف عليها
حماية المستهلك دوره بيبتدى بعد عملية البيع والشراء وده متمش
مرة تانية اشكرك على التحذير للاعضاء .

حضرتك انا بستلم من المركز الرئيسي فى روكسى ....

كلام حضرتك مضبوط بخصوص ان ممكن يحصل فى عربية او اكتر انها تتخبط او تتحك بس المفروض بيقول قبل البيع ويعملك تخفيض عليها ودة امانة المفروض تحصل.
ومثال حى واحد صحبى اشترى جيتا فيها خربوش من التوكيل وهما عرفوة وخد تخفيض 5000 جنية. بس الغرض مش الفلوس اد ما هى امانة ومحصلش اى مشكلة ولا حماية مستهلك ولا غيرة وصحبى ثقتة فى التوكيل ذادات.

المفروض على حسب ما سمعت فعلا توكيل كيا محترم . واتمنى ان حد يكلمنى من التوكيل على الأقل يعتزر لان مش حاجة سهلة ان عميل حى يستلم ويستلمش... لازم اى مدير يسئل التيم بتاعة ويرجع للعميل ويعرف ... بحلم صح مش فى مصر الكلام دة .