الموضوع: استلام كيا سبورتاج 2014 هاى لاين مخبوطة ومرشوشة من eit روكسى

اخر كلام ...
أن شاء الله نسلم حضرتك من الدفعة الى جاية ، كمان 10 ايام بس مش اكيد

طبعا الكلام دة بعد شد فى الكلام وشكوة فى كيا

المشاركة الأصلية كتبت بواسطة moha4tec

مشكور على التنبيه .و يا ريت نتعرف و نتشرف بحضرتك و اخوك .
بالنسبه للمعرض دى فضيحه بجلاجل .و بجد يستاهلوا شكوه محترمه و يستاهلوا كام واحد يتفصل و كام واحد يتجازى .
دى مهزله

العفو ,,, الشرف لينا يا فندم
بالنسبة للمعرض الفضيحة موجودة في كل المعارض للأسف هي ازمة ضمير ... مش لازم البياع او مدير الفرع ممكن تكون من السواق او مدير المخزن بس لان مفيش سياسة او نظام.

مش عايز اتفلسف بس ممكن مش لاقين سواقين في الوقت دة ممكن اى حد بيعرف يسوق يجيب العربية ويخبطها, ودة حصل وقدام عيني عند سمير ريان مكنش في سوقين والزبائن عند سمير ريان وقفين فبعت 8 مندوبين بيع في عربية سوزوكي يجيبوا عربيات الزبائن وربك يستر ... خلص الكلام

والله المفروض انك كنت عملت بلاغ نجده
وجت النجده واثيتت الكلام ده في محضر رسمى برقم الشاسيه
عشان مبعرفوش يبيعوها تانى لحد والتوكيل كان يلبسها هوه
وكنت تاخد تعويض منهم علي كده
انا شايف ان الصح تقدم شكوى لحمايه المستهلك وتكتب فيه رقم الشاسيه
عشان انت كان معاك اخوك بيفهم
لو واحد تانى غلبان هيعمل ايه
عشان ميدوش العربيه لحد تانى مش بيفهم
ياريت تعمل كده عشان ربنا يسترها معاك
ومتكنش انت السبب ان حد تانى يخدها
وياريت تكتبلنا علي الموقع رقم الشاسيه بتاعهاوالموتور
عشان ننشرها علي الدنيا كلها ونفضحهم
جزاك الله خيرا

المشاركة الأصلية كتبت بواسطة insurancebroke

والله المفروض انك كنت عملت بلاغ نجده
وجت النجده واثيتت الكلام ده في محضر رسمى برقم الشاسيه
عشان مبعرفوش يبيعوها تانى لحد والتوكيل كان يلبسها هوه
وكنت تاخد تعويض منهم علي كده
انا شايف ان الصح تقدم شكوى لحمايه المستهلك وتكتب فيه رقم الشاسيه
عشان انت كان معاك اخوك بيفهم
لو واحد تانى غلبان هيعمل ايه
عشان ميدوش العربيه لحد تانى مش بيفهم
ياريت تعمل كده عشان ربنا يسترها معاك
ومتكنش انت السبب ان حد تانى يخدها
وياريت تكتبلنا علي الموقع رقم الشاسيه بتاعهاوالموتور
عشان ننشرها علي الدنيا كلها ونفضحهم
جزاك الله خيرا

طبعا متشكر جدا لكل الناس الى عندها وعى وخايف على اخوة ان يلبس العربية وهو ميعرف ودة دليل ان لسة فى ناس عندها ضمير وبتخاف من ربنا.
عزيزى والله ملحقتش اخد رقم شاسية او ماتور والا كانت كتبتة.
الوحد اول ما عرف ان العربية مخبوطة اتبرجل وتلخبط ... مش متوقعة بالمرة عربية با المبلغ دة ممكن الناس تستعبط وتلبسة عربية مخبوطة.

وبعدين انهى نجدة دة الى تيجى تعمل محضر على اساس اية ممكن تقولى اية هو نوع المحضر ولا ماتور ولا شاسية ولا نمر ولا ورق ولا محضر استلام وممكن يقول ان العربية دة مش عربيتى وممكن .... الخ.

احب اوضح ان السبب الى خلانى اقول الحدثة دة هى ان اى حد لازم يكون معاه حد بيفهم وهو بيستلم ودة الغرض الاساسى من الموضوع.

اعتقد كلنا عرفين ان فى ناس معندهاش ضمير كتير ومش لازك كيا ممكن يكون فى اى توكيل تانى ولذا وجب التنبية ... وشكراً

باشا الحمد لله انك ربنا نجاك
انا من كام يوم كنت برش الاكصدامان نضافه
لقيت واحد جايب عربيه كيا كارنز الشكل الجديد كامله هنا فى المنصورة و الاكصدام مكسور وملحوم من حوالين فانوس الشابوره و جايبهاله تترش
فبقوله ده مين قالى ده صاحب معرض بس ما رضاش يقولى مين ولا انا حبيت استفسر اوى
و العربيه اتعملت واترشت و زمان واحد غلبان لبسها