استلام كيا سبورتاج 2014 هاى لاين مخبوطة ومرشوشة من eit روكسى

**afekry98** · 03-02-2014 12:23 AM

ألف مبروك وربنا يحرسك ويحرسها..

**matrix012** · 03-02-2014 12:29 AM

المشاركة الأصلية كتبت بواسطة dr.karim emam

المفروض حضرتك كنت اخدت رقم الشاسيه و تعمل محضر و تبلغ جهاز حماية المستهلك

الاول نقول الحمد لله انها مجاتش فيك وانك كشفت العيب قبل ما تشتريها
بس انا مع رأى الاستاذ انك لازم تبلغ حماية المستهلك او على الاقل تعمل محضر غش للمعرض والتوكيل علشان غيرك
وربنا يكرمك علشان انتا حاولت تنبه الناس على الى حصل معاك
والله المستعان

**ahmedelfeky** · 03-02-2014 12:47 AM

الف مبروك الاستلام وربنا يباركلك فيها ان شاء الله وكتر خيرك لتوعيه الناس علي فكره انا اكتر من مره شفت عربيات لوجان مشرفه في التوكيل بورقها من غير نمر لما اسأل بيقولوا انها بتاعه موزع واتخبطت منه ف النقل ياريت يبقي التوكيلات في مصر عندها ضمير اينعم العربيه اللي اتخبط فيها باب واترش مش مععقوله هيرموها مثلا لكن هم ممكن يعملوا تخفيض عليها من 10 ل 25 الف علي حسب تمن العربيه والف واحد هيشلها ويفرح بيها خصوصا ان طريقه السواقه في مصر مافيش عربيه زيرو بتسلم من حكه او خبطه خفيفه ويقولك هي كده خدت عينها يعني هي تفضل تاخد عينها لحد امتي هههههههه

**yasserelshakwe** · 03-02-2014 10:13 AM

حسبي الله ونعم الوكيل فيهم ، هؤلاء لا يستحون و لا يعرفون ازاي الواحد بيجيب القرش
لا حول ولا قوة إلا بالله
يعني لو كان بلغ جهاز حماية المستهلك كان هيتخذ موقف ايجابي على ما اعتقد لأ
هذا هو عيب شراء السيارات في مصر
كله نصب x نصب

**eng_abdou** · 03-02-2014 10:17 AM

المشاركة الأصلية كتبت بواسطة afekry98

ألف مبروك وربنا يحرسك ويحرسها..

الله يبارك فيك ... متشكر لحضرتك

**Omar Hammoudy** · 03-02-2014 11:11 AM

خلاص كدة متدورش حضرتك في القديم عشان ماتتعكننش ، ألف مبروك على العربية الجديدة و مستنيين حضرتك تعملينا تقرير عشان أنا محتار مابينها هي و ال ix35

**duby** · 03-02-2014 01:54 PM

غلطان غلطان غلطان....كان لازم تبلغ فورا و انت واقف..لان فعلا فى واحد غيرك هايلبسها و يدفع ربع مليون جنيه فى عربية مرشوشة ....يالا الحمد لله ..بس المفروض تتوجه لقسم الشرطة التابع له التوكيل و تعمل محضر بالكلام ده

**eng_abdou** · 04-02-2014 12:01 PM

المشاركة الأصلية كتبت بواسطة duby

غلطان غلطان غلطان....كان لازم تبلغ فورا و انت واقف..لان فعلا فى واحد غيرك هايلبسها و يدفع ربع مليون جنيه فى عربية مرشوشة ....يالا الحمد لله ..بس المفروض تتوجه لقسم الشرطة التابع له التوكيل و تعمل محضر بالكلام ده

للمرة المليون باكد ان الموضوع دة لوجة الله عشان محدش يلبس العربية دة او غيره ... المقصود هو الحذر.

حضرتك ممكن تفكر معايا:
1- انت معاك رقم شاسية او ماتور ... لا
2- انت استلمت حاجة .... لا
3- لما قلت مش هستلم, غيرو العربية ولا لبسوهالى .... جابولى غيرها
4- لو جبت البوليس هيعملى اية .... هيقلى مفيش واقعة. صح ولا لا.
5- جهاز حماية المستهلك بيتعامل معاك لو فى واقعه فعلا واستلمت ولبست ... ودة محصلش

ارجو ان لو فى حاجة مش مضبوطة حضرتك يا ريت تصلحلى, وان شاء الله محدش هيلبسها الى اذا مخدش بالة او محدش معاه يشفها , ودة الى بقولة وهقولة تانى محدش يستلم اى عربية من اى حتة الى لما يشوفها ودة حرص منة مش اكتر .

وعايز اقول ان مدير المعرض شخصية محترمة وهو اكدلى انة مكنش يعرف, وبرده حجز لى الون الى عايزة من فرع ابو رواش واشتلمت منة وكلمنى يسئل عليا ... متشكر جدا لية بجد ومستنى الورق بتعها عشان ارخص

والسلام عليك ورحمة الله وبركاتة

**eng_abdou** · 04-02-2014 12:10 PM

المشاركة الأصلية كتبت بواسطة Omar Hammoudy

خلاص كدة متدورش حضرتك في القديم عشان ماتتعكننش ، ألف مبروك على العربية الجديدة و مستنيين حضرتك تعملينا تقرير عشان أنا محتار مابينها هي و ال ix35

متشكر جدا لحضرتك وربنا يبارك فيك

مفيش اكتر من التقارير الى معمولة هنا فى المنتدى عن العربية او فى اى مكان تانى.

بعد اذنك هسئلك كام سؤال:
1- حضرتك عايز تجيب انهى فئة IX 35 او الكيا.
2- اية الى محتار فية بما ان الاتنين تقريبا متشابهين؟

انا اخترت الكيا عشان هى مريحة من جوة اكتر وخاماتها احسن وتوكيلها الناس بتشكر فية , مع احترامى لاناس تانية كان حظها وحش فى مواقف فردية.

عهلى فكرة انا معايا هيونداى - النترا 2008 وكانت احسن من السيراتو لما اشتريت الهيونداى وكانت افضل عربية وقتها.

ممكن تقول ان الوقت دة بتاع الكيا الاسبورتاج