الى كل ملاك الصنى محلى 2008 - هل بها أى عيوب .. وما هى أفضل المعارض المعتمدة لها ؟!؟

بعد تردد وتفكير لاكتر من سنتين ..
-
الحمدلله استقريت على النيسان صنى مانوال .. ومستنى بس أشوف موديلات 2009 فيها فرق ولا لأ
-
هل العربية بها أى عيوب ( لملاك الصنى وأى حد جربها ) ..... انا شفت العربية من جوه وهى ليست بالسوء اللى بيقولوا عليه .. أنا عندى كورولا 94 تقريبا نفس جودة التقفيل .. وهى تعتبر جيدة جدا بالنسبة لسعر العربية
----------
المهم انا ما سوقتش العربية ... فهل ؟؟
1-العفشة بها أى عيب (لانى سمعت ان السوبر صالون عفشتها أحسن من الموديلات اللى أأقل )
2-هل العربية بها أى عيب وفى أى نصيحة تحبوا تقولولى عليها قبل ما أنوى أشترى
3-هل كهرباء العربية بها أى عيب لانى شفت مره واحد فاتح الكابوت وبيعمل وصلة بطارية من عربية تانية
رغم ان العربية كان شكلها جديد لسه :(
--------------

بص ياباشا انا لسه شاريها من حوالى شهر ونصف كده
والعربيه بس الله ماشاء الله كويسه جدا مافيهاش عيوب واضحه او مؤثره
وفعلا العفشه بتاعه السوبر رياضيه افضل شويه من العايه
وانا عن نفسى مش شايف لا عيوب تقفيل ولا حاجه والكهربه تمام وميه ميه
بس يمكن بتستهلك بنزين نوعا ما
وعمرك ما حتندم على الصنى ابدا
ويكفى اناه يابانى وسيبك من التقفيل ده

الأخ اللى كان عامل الوصلة ممكن تكون بطاريته حصل فيها مشكلة وهى مسألة لا علاقة لها بالسيارة ككل، ممكن تكون نشفت او ضعفت او باظت لكن فىالنهاية دى البطارية ، وهى بطارية كلورايد مصرى، انا عموما غيرتها فى عربيتى بعد سنة ونص استعمال و غيرتها على سبيل النزاهة

عفشة العربية بتكون ناشفة شوية والعربية جديدة لكن بتريح مع الوقت

طالما منظر العربية والصالون عاجبك يبقى العربية مافيهاش مشاكل تانى، لأن فيه ناس كتير كان اعتراضهم على العربية ان شكل الصالون غير مناسب لهم

انا سمعت فى التوكيل ان ال EX-Saloon بقت بتنزل بينفس عفشة الSuper-Saloon

اقتباس:

---

المشاركة الأصلية كتبت بواسطة amrnader

انا سمعت فى التوكيل ان ال EX-Saloon بقت بتنزل بينفس عفشة الSuper-Saloon

---

انت متاكد من الخبر ده ؟

ده لو حقيقى يبقى مصنع نيسان بيحس بنبض المستهلكين وبيشوف نقاط الضعف فى انتاجه ويحاول يحسنها

ودى ثقافه جديده علينا هنا فى ام الدنيا

يارب يكون كلامك صح وتبقى بادره خير ان شاء الله

اقتباس:

---

المشاركة الأصلية كتبت بواسطة noon_eg

انت متاكد من الخبر ده ؟

ده لو حقيقى يبقى مصنع نيسان بيحس بنبض المستهلكين وبيشوف نقاط الضعف فى انتاجه ويحاول يحسنها

ودى ثقافه جديده علينا هنا فى ام الدنيا

يارب يكون كلامك صح وتبقى بادره خير ان شاء الله

---

انا الكلام ده سمعته من بق بتاع المبيعات، قاللى ان اواخر 2008 و 2009 بينزل بالعفشة الجديدة، و حسيت ان ده كان ليه علاقة بارتفاع سعر الصنى الف جنيه فى اواخر 2008

التوكيل ده محترم ... وبيفكر دايما فى الجديد للعربية ... من سنتين غيروا الفرش وبقى بيج أشيك كتير .. ومن سنة نزلوا ألوان جديدة .. وأعتقد فى 2009 فى تغيير فى الفرش تانى حسب ما سمعت .. وان الكنبة بقى فيها
مسند وحامل أكواب خلفى .. لما أشوفها النهاردة حقولكم

اقتباس:

---

المشاركة الأصلية كتبت بواسطة ahmad7610

التوكيل ده محترم ... وبيفكر دايما فى الجديد للعربية ... من سنتين غيروا الفرش وبقى بيج أشيك كتير .. ومن سنة نزلوا ألوان جديدة .. وأعتقد فى 2009 فى تغيير فى الفرش تانى حسب ما سمعت .. وان الكنبة بقى فيها
مسند وحامل أكواب خلفى .. لما أشوفها النهاردة حقولكم

---

عموما مستنيين ردك يا باشا وربنا يوفق
مع خالص تحياتى

مفيش عربية فى السوق 2009 لسه .. كله بواقى 2008 ..
-
الدفعات الجديدة بعد العيد ... لكن سمعت ان السقا موتورز عنده 2009

اقتباس:

---

المشاركة الأصلية كتبت بواسطة amrnader

انا سمعت فى التوكيل ان ال EX-Saloon بقت بتنزل بينفس عفشة الSuper-Saloon

---

أنا كنت امبارح فى معرض السبع و أ كدوا معلومة ان عفشة ال EX بقت رياضيه زى السوبر صالون.

احب اوضح حاجة للاخوة الاعضاء ان العربية ex saloon ابتداء من انتاج شهر 6/2008 تم تغيير المساعدين الامامين بمساعدين super saloon فقط بينما يزيد فى العفشة فى العربية السوبر صالون انه يوجد استبلايزر بار امامى وطورشن بار خلفى والمساعدين الاربع فى العربية مساعدين double acting
بينما ex saloon مفهاش ولا استبلايزر بار امامى ولا طورشن بار خلفى
والمعلومة دى ان متاكد منها 200% عشان كده السوبر صالون اثبت ex فى الملفات على السرعات العالية بالاضافة الى عدم الاحساس بالهبده فى المطبات
انا ذهبت الى المصنع وشوفت العربية بتتقفل ازاى على خط الانتاج من الالف الى الياء وازاى بيعملوا تست للعربية فى النهاية على الرامب الخاص باختبار العربيات

هل تعلم ان كبوت وشنطه النيسان جايين من جنوب افريقيا بينما باقى البودى جاى من اليابان
هل تعلم ان كراسى موبيكا مش مصرى وانما مستوردة من الخارج ويتم تجميعها فى مصر فقط
هل تعلم ان الشكمان فى النيسان مستورد من اليابان وليس مصرى ويتم استيراده عن طريق مصنع ابواليزيد فى 6 اكتوير
هل تعلم ان البطارية والزجاج وضفيرة الكهرباء صناعة مصرية فقط
هل تعلم ان ابتداء من انتاج شهر 3/2008 يوجد مشكلة فى كراسى موبيكا انها بتزييق بعد استخدام 5 الاف كيلو ويتم تربيطها وفى حالة رجوع التزييق تانى بيتم تغييرها
هل تعلم ان المصنع بقاله 3شهور بيجمع فى الشكل الجديد للنيسان زى اللى موجود فى ماليزيا تحت اسم نيسان سينترا وتم اضافة abs+ebd ولكن لم يتم نزوله الى السوق حتى الان
هل تعلم ان مصنع نيسان ينتج 75 عربية فى اليوم مع العلم ان خط الانتاج يتم بواسطة العنصر البشرى بينما فى الخارج يتم الاعتماد اكثر على الروبوت
هل تعلم ان سعر الجنط الاسبور اللى فى النيسان السوير صالون سعرة 2200جم للجنط الواحد
ارجو ان اكون وضحت بعض المعلومات المفيدة

أنت جبت المعلومات الجامدة دي منين:cute:

جامدة جدا جدا المعلومات دي

احب اوضح ان توكيل نيسان فى مصر اعتقد انه من افضل التوكيلات لانه ببساطه لما يكون عندك اى مشكلة فى العربية يتم تغييرها تلقائيا دون مجادلة بعكس توكيل مثل غبور ولكن يعيب على نيسان فى مصر اعتمادها على موزعين وفريق مبيعات لدى الموزعين معندهمش فكرة عن البطاطا ولو سالت اى حد عن الفرق بين عفشة النيسان ex والسوبر صالون هيقولك دى عفشة رياضية وميعرفش ايه الفرق بين العفشتين
تانى حاجة الناس اللى بتبيع عربيات فى اماكن زى اوتوسمير ريان بيفتوا ويقولوا ان النيسان السوبر صالون مو 2008 وماقبلها مش عفشة رياضية لكن مو 2009 عفشة رياضية
وانا اقسم بالله انى لفيت على اكثر من 90% من الموزعين المعتمدين لنيسان فى مصر ولقيتهم معندهمش فكرة عن البطيخ لدرجة انى اشتكتهم لمحمد جمال (مدير مبيعان نيسان موتور ايجيبت فى مصر وقولتله بالحرف ان احد اسباب عدم بيع العربية الصنى هوا الافراد اللى موجودين عند الموزعين المعتمدين)وانهم لوبيشتغلوا عندى لكنت مشيتهم ولكن العيب مش عليهم العيب على نيسان مصر انها مش بتعمل دورات تدريبية لافراد المبيعات عند الموزعين

اقتباس:

---

المشاركة الأصلية كتبت بواسطة amrsabet

احب اوضح ان توكيل نيسان فى مصر اعتقد انه من افضل التوكيلات لانه ببساطه لما يكون عندك اى مشكلة فى العربية يتم تغييرها تلقائيا دون مجادلة بعكس توكيل مثل غبور ولكن يعيب على نيسان فى مصر اعتمادها على موزعين وفريق مبيعات لدى الموزعين معندهمش فكرة عن البطاطا ولو سالت اى حد عن الفرق بين عفشة النيسان ex والسوبر صالون هيقولك دى عفشة رياضية وميعرفش ايه الفرق بين العفشتين
تانى حاجة الناس اللى بتبيع عربيات فى اماكن زى اوتوسمير ريان بيفتوا ويقولوا ان النيسان السوبر صالون مو 2008 وماقبلها مش عفشة رياضية لكن مو 2009 عفشة رياضية
وانا اقسم بالله انى لفيت على اكثر من 90% من الموزعين المعتمدين لنيسان فى مصر ولقيتهم معندهمش فكرة عن البطيخ لدرجة انى اشتكتهم لمحمد جمال (مدير مبيعان نيسان موتور ايجيبت فى مصر وقولتله بالحرف ان احد اسباب عدم بيع العربية الصنى هوا الافراد اللى موجودين عند الموزعين المعتمدين)وانهم لوبيشتغلوا عندى لكنت مشيتهم ولكن العيب مش عليهم العيب على نيسان مصر انها مش بتعمل دورات تدريبية لافراد المبيعات عند الموزعين

---

-
فعلا .. فى أحد الفروع .. رحت والله كنت حأضرب المسئول عن المبيعات .. قمة فى عدم الاحترام و قلة الذكاء فى التعامل .. حسسنى ان انا بشتغل عنده مثلا .. بيتكلم وهو قاعد وكل شويه سبص على التلفزيون .. ويبص فى ناحية تانية وانا بكلمه .. واتفرج على العربية من جوه وهو واقف صامت مفيش اى معلومات .. ولو سألته مثلا ايه الفرق بين دى والكاملة يقولك مفيش :) طيب ايه الالوان - يقول كل الالوان موجودة طيب فيها لون أزرق فاتح = مش عارف .. ابيض يا ورد :)
------------------
شوف بقى مندوبين سوبارو ولا ميتسوبيشى أو أوبل .. مش ممكن حيشيلوك شيل والله

أحب اضيف تجربه عن العربيه النيسان لانى كنت ظالمها بصراحه .. بس بعد اللى شوفته .. العربيه بصراحه فوق الوصف ..
انا بقول كنت ظالمها لانى كنت مستكتر عليها فلوسها .. لكن بعد التجربه .. العربيه اكثر من رائعه ..
التجربه كانت من المنصوره للمطار ... 5 قاعدين فى العربيه ..+ شنطه كبيره فى شنطه العربيه ..
الحاجات اللى عجبتنى مع انى مش انا اللى سايق .. صاحب العربيه هو اللى سايق
1 _ تسارع العربيه اكثر من رائع
2 - موتور العربيه من أهدى وانعم المواتير اللى ممكن تسمعها .. العربيه ممكن تكون دايره وما تعرفش
3 _عزل الصوت رائع جدا
4_ عفشه العربيه كويسه جدا جدا جدا ..مع ان العربيه لسه عامله يادوب 3000 كم بس .. لكن العفشه رائعه .. من انعم العربيات اللى شوفتها بتاخد مطبات بجد .. مع ان صاحب العربيه حاسس انها ناشفه .. وبيقول لسها هتنعم كمان مع الاستخدام
5_ ارتفاع العربيه كويس جدا .. مع اننا كنا 5 + الشنطه الا انها ما حفتش فى ولا مطب
6 _ العربيه تقفيلها نظيف .. شكلها فخم ومن جوا شكلها شيك ( ما شاء الله )
7 _ استهلاك البنزين كويس .. بتعمل 275 كم على الطريق و 210 _ 220 جوا البلد
اما الحاجات اللى ماعجبتنيش لكنها مش مؤثره بصراحه
الزجاج الفاتح ( كان يبقى احسن لو عملوه غامق شويه ) ..التكييق بيأثر شويه على السحب بس عادى كل العربيات كده

كلامى ده على Ex الموانيوال موديل 2008

فى الاخر العربيه دى مظلومه بجد .. العربيه دى لو تسويقها احسن من كده شويه وسعرها كان اقل من كده شويه يعنى لو كانت فى اواخر السبعينات او ب 80000 .. كانت أكلت النوبيرا والهيواندى اكسنت الجديده وكل العربيات اللى فى فئتها ... دى وجهه نظرى

فى الاخر العربيه تعتبر صفقه ناجحه جدا للى بيحافظ على العربيه واللى مش ناوى يبيع دلوقت .. يعنى على الاقل تفضل معاه 4 او 5 سنين .. لان من احد عيوب السوق ومش هقول عيوب العربيه ان سوق المستعمل فيها بيظلمها جامد ..
وشكرا ...

العفشه وحشهههههههههههههههههههههه ههههههههههههههههههههههههه ههههههههههههههه اوىىىىىىىىىىىىى والعزل اوحشششششششششششششششششششششش ششش ومش العربيه الى تدفع فيها اكتر من 90 الف حرام ....الموديل الى قبله احسن ......... اجرها وسوقها وهاتقولى انت عندك حق وهاتدعيلى........ وعلى العموم ده اختيارك انا حبيت انصحك.....الكيا سيراتو تحفه وبنفس السعر ومش هاتندم ابدا عليها....سلام وربنا يوفقك