نصيحة ابعدو عن مصر للتامين

**aftr** · 15-01-2014 02:33 PM

السيارة من شهر 10 فى التوكيل بقالها 3 شهور بعت الفواتير ومحضر الشرطه وكل مايخص السيارة الى وقتنا هذا لم يحضر المعاينه بعد الاصلاح للتوكيل بعت مذكره ولا حد رد عليه الاستاذ محمد نصير قال ابعت فاكس بعت الورق فاكس اتصلت تانى يوم قال مفيش حاجه وصلت مع ان الفاكس وصل قدامى روحت فرع العاشر دخلت للمدير قال روح الفرع الرئيسى وقل ادبك عليهم وقال كلام ملوش لازمه على الفرع الرئيسى ودى صور المذكره والفاكس من 15/12/2013 وان شاء الله نازل بكره الصبح اعمل جنايه هناك حسبى الله ونعم الوكيل فى مصر للتامين وكل العاملين فيها انا اللى غلطان دورت على ارخص شركه انا كنت مؤمن قناة السويس للتامين معامله فوق الممتاز لدرجه عملت حادث ولا طلبو بلاغ ولا الكلام اللى اتعمل معايه ده والشيك طلع بعد 20 يوم

**A.Saad** · 15-01-2014 04:04 PM

ممكن تعمل المعاينة هناك فى الفرع
بس تروح بدرى او تنسق معاهم علشان المعاينين يكونوا موجودين

**insurancebroke** · 16-01-2014 02:19 AM

معلش يا ايمن انت عارف روتين الحكومه
ده لسه القرف عقبال الشيك ما يطلع
ربنا معاك
واتصل بيا عرفنى عملت ايه

**insurancebroke** · 18-01-2014 01:13 PM

المشاركة الأصلية كتبت بواسطة aftr

شكرا يااستاذ هانى على المتابعه انا روحت الفرع الرئيسى والحمدلله الموظف طلع معايه وصور العربيه فى التوكيل
الاستاذ محمد نصير قال اطلع فوق شوف الملف ناقص فى حاجه الحمد لله كل حاجه تمام الموظف اللى معاه الملفات قال بعد ماالمندوب بيصور العربيه بيبعت الفواتير هنا وقال تعاله بعد اسبوعين
ياترى بعد اسبوعين كده الشيك يطلع ولا لسه فى حاجه تانى بجد انا تعبت خلاص

مش اسبوعين بالظبط
كلام الحكومه زى منتى عارف
اى حد بيقولوله الشيك بعد اسبوعين
بس ان شاء الله هساعدك
المهم خد رقم الخبير اللي خد الفواتير وصور السيارة
عشان تكلمه يكتب التقرير ويحط الصور في الملف ويمشيه من عنده
لان ده ممكن يركنه لوحده اسبوعين
وتابعنى

**aftr** · 23-01-2014 06:20 PM

المشاركة الأصلية كتبت بواسطة insurancebroke

مش اسبوعين بالظبط
كلام الحكومه زى منتى عارف
اى حد بيقولوله الشيك بعد اسبوعين
بس ان شاء الله هساعدك
المهم خد رقم الخبير اللي خد الفواتير وصور السيارة
عشان تكلمه يكتب التقرير ويحط الصور في الملف ويمشيه من عنده
لان ده ممكن يركنه لوحده اسبوعين
وتابعنى

شكرا يااستاذ هانى على المتابعه انا اتصلت على الخبير وقال حط الصور فى الملف وكلمت فرع العاشر اليوم الموظف اللى بيستلم الورق قال ان شاء الله بعد 15 يوم تستلم الشيك هل كده تمام ولا فى حاجه تانى لان بصراحه حرام كل التاخير ده ميرضيش ربنا 3 شهور والعربيه فى التوكيل

**insurancebroke** · 24-01-2014 08:21 PM

لا كده تمام ناقص المتابعه بس

**aftr** · 08-02-2014 05:04 PM

فى شرع مين ده حسبى الله ونعم الوكيل انزل القاهره عشان خاطر موظف يمضى على الورق الاستاذ اللى عمل معاينه بعد الاصلاح كسل يمضى على الورق والملف وقف عشان الامضا 4 شهور وقف حال وقسط البنك مدفعتوش من ساعة الحادث
نصيحة للمره الاخير بلاش مصر للتامين المفروض تكون اليهود للتامين

**moh_rag_abd** · 09-02-2014 12:48 AM

ربنا يعينك يا اخي علي الناس دية
وشكرا للتنبية علشان محدش يغلط نفس غلطتك ويشترك معاهم

**insurancebroke** · 09-02-2014 12:59 AM

عملت ايه قلتلي هشوف وهكلمك

الموضوع: نصيحة ابعدو عن مصر للتامين

LinkBack

أدوات الموضوع

عرض

-

المواضيع المتشابهه

شركة المشرق للتامين

مصر للتامين و صرف التعويض

مصر للتامين و eit

شركة المهندس للتامين

إيه رأيكم فى شركة CIG للتامين

الكلمات الدلالية لهذا الموضوع

المفضلات

المفضلات

ضوابط المشاركة